Bu gün Avropa Liqasında 1/4 final mərhələsinin ilk oyunları keçiriləcək

Bu gün Avropa Liqasında 1/4 final mərhələsinin ilk oyunları keçiriləcək
09:28
13.04.2017
12
İdman
A
Bu gün UEFA Avropa Liqasında 1/4 final mərhələsinə start veriləcək.

"Ölkə.Az" Apasport-a istinadən xəbər verir ki, baş tutacaq 4 oyun Bakı vaxtı ilə saat 23:05-də start götürəcək.

Avrokuboklarda Türkiyənin yeganə təmsilçisi olan “Beşiktaş” “Lion”la qarşılaşacaq. Fransada baş tutacaq oyunda “qara qartal”ın hədəfi ikinci oyun üçün vətənə sərfəli nəticə ilə dönməkdir. İstər daxili arenada, istərsə də Avrokuboklarda olduqca uğurlu mövsüm keçirən istanbulluların hədəfi ən az finala qədər irəliləməkdir. Ancaq bu oyun Şenol Günəşin komandası üçün o qədər də asan olmayacaq.

Belə ki, əsas oyunçuları Abubakar və  Quarejmanın uyğun olaraq cəza və zədə səbəbindən oynamaması komandanın işini çətinləşdirir. “Beşiktaş”dan fərqli olaraq yaxşı günlər keçirməyən “Lion”da isə ciddi itki yoxdur. “Roma”nı geridə qoyaraq türklərə rəqib olan komanda yenidən parlaq dönəmlərinə qayıtmaq istəyir.

Turnirin əsas favoriti “Mançester Yunayted” isə Belçika səfərinə yollanacaq. “Qırmızı şeytanlar”ın rəqibi “Anderlext” olacaq. Fil Cons, Xuan Mata, Ueyn Runi, Kris Smollinq və Eşli Yanqın xidmətindən məhrum olan ingiltərəliləri David De Xeanın vəziyyətinin qeyri-müəyyən olması da narahat edir. İngiltərə Premyer Liqasında ilk “4-lüy”ə düşmək şansını xeyli çətinə salan Joze Mourinyonun komandası üçün gələn mövsüm Çempionlar Liqasına qatılmağın ən rahat yolu məhz Avroliqadan keçir.

1/4 final mərhələsinin digər matçlarında “Ayaks” “Şalke”ni, “Selta” isə “Genk”i qəbul edəcək. Bu komandalar arasında yalnız “Ayaks”ın ölkə çempionatından ÇL-ə yollanmaq şansı qalır. Hollandiya təmsilçisi yenidən Avropa arenasında titul qazanmağa çalışacaqsa, digər 3 komanda sürpriz edərək, finala qədər irəliləmək niyyətindədir.

Avropa Liqası

1/4 final mərhələsi, ilk oyunlar

13 aprel

23:05. “Lion” (Fransa) – “Beşiktaş” (Türkiyə)

23:05. “Anderlext” (Belçika) – “Mançester Yunayted” (İngiltərə)

23:05. “Ayaks” (Hollandiya) – “Şalke” (Almaniya)

23:05. “Selta” (İspaniya) – “Genk” (Belçika)

ŞƏRH YAZ
0

""Qarabağ"ın uduzacağını Əmrah Çəlikələ də demişdim"

22:58
15.12.2017
229
İdman
A
Xəbər verdiyimiz kimi, "Sumqayıt" Azərbaycan kubokunun ¼ final mərhələsində "Qarabağ"a 2:0 hesabı ilə qalib gələrək yarımfinala yüksəlib.

Ölkə.Az "qafqazinfo"-ya istinadən xəbər verir ki, oyundan sonra Peşəkar Futbol Liqasının prezidenti Ramin Musayev jurnalistlərin suallarını cavablandırıb. Musayev ilk olaraq oyun haqda danışıb:

"Baxımlı, əzmkar oyun oldu. "Sumqayıt" layiqli qələbə qazandı. Baxmayaraq ki, komandanın baş məşqçisi Samir Abasov ölkə hüdudlarından kənardadır. Ona işiylə bağlı uğurlar diləyirəm.

- Bu nəticəni gözləyirdiniz?

- Desəm ki, gözləyirdim, inanmayacaqsınız. Amma bunu gözləyirdim. "Qarabağ"ın uduzacağını Əmrah Çəlikələ də demişdim (gülür).

- "Sumqayıt"ın paltardəyişmə otağına daxil olanda səs-küy qopdu. Nə baş verirdi?

- Komandanı təbrik etdim. Hamısı yerli futbolçularımızdır.Təbrik etmək ixtiyarımız yoxdur?

- Adətən belə səs-küy mükafat veriləndə olur...

- Mükafat üçün pul var? Olsa verərəm (gülür). Pul olsa, böyük məmnuniyyətlə verərdim. Amma maddi sıxıntılar var. Büdcəmizdə qırmızı işıq yanır.

ŞƏRH YAZ
0

"Sumqayıt"dan sensasiyalı qələbə — "Qarabağ"ı kubokdan kənarlaşdırdı

22:43
15.12.2017
244
İdman
A
Bu gün Azərbaycan Kubokunda 1/4 final mərhələsinə yekun vurulub.

Ölkə.Az qol.az-a istinadən xəbər verir ki, keçirilən iki oyunla bütün yarımfinalçılar bəllli olub.

Günün ilk oyununda "Səbail" "Qəbələ"ni qəbul edib. Öz meydanında keçirilən ilk oyunda 1:0 hesablı qələbə qazanan "Qəbələ" cavab matçında da 4:2 hesabı ilə qalib gələrək yarımfinala yüksəlib. Roman Qriqorçukun komandası yarımfinalda "Neftçi" ilə qarşılaşacaq.

Digər görüşdə - ilin son qarşılaşmasında  isə "Qarabağ" "Sumqayıt"ın qonağı olub. Oyun "Sumqayıt"ın sensasiyalı qələbəsi ilə nəticələnib - 2:0. Beləliklə, son üç mövsümdə "qızıl dubl" edən "Qarabağ" gözlənilmədən kubokla vidalaşıb.

 

15 dekabr (cümə)

19:00.“Sumqayıt” – “Qarabağ” - 2:0 
Qol: Kamal Mirzəyev, 22, Amil Yunanov, 90 
İlk oyun - 1:2
Hakimlər: Rəhim Həsənov, Akif Əmirəli, Namiq Hüseynov, Elvin Əsgərov
“Kapital Bank Arena”

16:00.“Səbail” – “Qəbələ” - 2:4 
Qollar: Adrian Popoviçi, 16 (1:0), Filip Ozobiç, 22 (1:1), Ruslan Qurbanov, 44 (1:2), Famussa Kone, 56 (1:3), Baqali Dabo, 75 (1:4), Elman Taqayev, 78 (2:4)
İlk oyun - 0:1
Hakimlər: İnqilab Məmmədov, Rahil Ramazanov, Nahid Əliyev, Nail Nağıyev
“Bayıl Arena”

 

14 dekabr (cümə axşamı)


"Neftçi” – “Zirə” - 2:0 
İlk oyun - 0:1

“Kəpəz” – “Keşlə” - 2:3
İlk oyun - 0:2
 

 Yarımfinal cütlükləri

"Keşlə" - “Sumqayıt” 

“Neftçi”  – “Qəbələ”

Yarımfinallın oyunları 11-18 aprel tarixlərində keçiriləcək.

ŞƏRH YAZ
0
BAĞLA