Bu gün Avropa Liqasında yarımfinalçılar müəyyənləşəcək

Bu gün Avropa Liqasında yarımfinalçılar müəyyənləşəcək
09:30
20.04.2017
142
İdman
A
Bu gün futbol üzrə Avropa Liqasında yarımfinalçılar müəyyənləşəcək.

"Ölkə.Az"Report”un məlumatına istinadən xəbər verir ki, bu, 1/4 final mərhələsinin cavab oyunlarından sonra bəlli olacaq.

Azərbaycan futbolsevərləri üçün böyük maraq kəsb edən matç İstanbulda keçiriləcək. Fransada “Lion”a 1:2 hesabı ilə uduzan “Beşiktaş” doğma azarkeşlər önündə lazımı hesabla qalib gəlib, tarixində ilk dəfə avrokubokda yarımfinala vəsiqə qazanmağa çalışacaq. Lakin “qara qartallar”ın heyətlə bağlı ciddi problemləri var. Vensan Abubakarla Marselo cəzalı olduqları halda, zədədən əziyyət çəkən Rikardo Kuareşma və Adrianonun da meydana çıxması sual altındadır.

Günün digər qarşılaşmaları da gərgin mübarizə vəd edir. Belçikada “Anderlext”lə 1:1 hesablı heç-heçə edən “Mançestser Yunayted” rəqibi ilə müqayisədə yarımfianala daha yaxındır. Digər iki cütlük barəsində isə eyni sözü söyləmək olmaz. “Ayaks” Hollandiyada “Şalke”ni 2 cavabsız qolla məğlub etsə də, Almaniyada bu üstünlüyü əldən vermək mümkündür. Evdə “Genk”ə 3:2 hesabı ilə qalib gələn “Selta”nı da Belçikada çətin sınaq gözləyir.

Qeyd edək ki, yarımfinal mərhələsinin püşkü aprelin 21-də atılacaq.

Avropa Liqası, 1/4 final, cavab oyunları

20 aprel (cümə axşamı)

23:05. “Beşiktaş” (Türkiyə) – “Lion” (Fransa)

Baş hakim: Milorad Majiç (Serbiya)

İlk oyun – 1:2

23:05. “Şalke” (Almaniya) - “Ayaks” (Hollandiya)

Baş hakim: Ovidiu Hatseqan (Rumıniya)

İlk oyun – 0:2

23:05. “Genk” (Belçika) – “Selta” (İspaniya)

Baş hakim: Uilyam Kollam (Şotlandiya)

İlk oyun – 2:3

23:05. “Mançester Yunayted” (İngiltərə) – “Anderlext” (Belçika)

Baş hakim: Alberto Undiano Malyenko (İspaniya)

İlk oyun – 1:1

ŞƏRH YAZ
0

“Qarabağ” sonuncu turda “Qəbələ”ni məğlub etdi

“Qarabağ” sonuncu turda “Qəbələ”ni məğlub etdi
23:48
21.05.2018
461
İdman
A
Mayın 21-də Topaz Premyer Liqasında sonuncu turun oyunu keçirilib.

"Ölkə.Az" xəbər verir ki, “Azərsun Arena”da baş tutan oyunda çempionluğunu vaxtından əvvəl təmin etmiş "Qarabağ” “Qəbələ” ilə üz-üzə gəlib. Çempionatın iki liderinin qarşıdurmasında ağdamlılar 1:0 hesabı ilə qələbə qazanıb. Oyunda yeganə qolun müəllifi 22-ci dəqiqədə hakimin təyin etdiyi 11 metrlik cərimə zərbəsini dəqiq yerinə yetirən Dani Kintana olub.

Beləliklə, yekun turnir cədvəlində “Qarabağ” 65 xalla birinci, “Qəbələ” 49 xalla ikinci, “Neftçi” isə 46 xalla üçüncü yerdə qərarlaşıb. Digər pillələrdə isə müvafiq olaraq, “Zirə” (44), “Sumqayıt” (40), “Keşlə” (31), “Səbail” (23) və “Kəpəz” (14) klubları yer alıb.

“Qarabağ” - “Qəbələ” qarşılaşmasından sonra mükafatlandırma mərasimi keçirilib. "Qarabağ"a qızıl, "Qəbələ"yə gümüş, "Neftçi" klubuna isə bürünc medallar təqdim olunub.

Ölkə.Az

ŞƏRH YAZ
0

Futbol üzrə milli komandamızın heyəti açıqlanıb

Futbol üzrə milli komandamızın heyəti açıqlanıb
21:05
21.05.2018
1081
İdman
A
Azərbaycan milli komandasının heyəti açıqlanıb.

"Ölkə.Az" AFFA-ya istinadən xəbər verir ki, baş məşqçi Qurban Qurbanov 27 futbolçuya dəvət göndərib.

Qapıçılar: Kamran Ağayev (“Keşlə”), Anar Nəzirov (“Zirə”), Səlahət Ağayev (“Neftçi”)

Müdafiəçilər: Maksim Medvedev, Bədavi Hüseynov (hər ikisi “Qarabağ”), Ruslan Abışov (“Neftçi”), Ürfan Abbasov, Təmkin Xəlilzadə, İlqar Qurbanov (hamısı “Qəbələ”), Rahil Məmmədov (“Səbail”), Slavik Alxasov (“Keşlə”), Pavel Paşayev (“Aleksandriya”, Ukrayna), Ufuk Budak (“Samsunspor”, Türkiyə)

Yarımmüdafiəçilər: Qara Qarayev, Coşqun Diniyev, Riçard Almeyda (hamısı “Qarabağ”), Namiq Ələsgərov, Rəhman Hacıyev, Emin Mahmudov (hamısı “Neftçi”), Ruslan Qurbanov, Cavid Hüseynov (hər ikisi “Qəbələ”), Cavid İmamverdiyev (“Sumqayıt”), Araz Abdullayev (“Anortosis”, Kipr), Dmitri Nazarov (“Erzgebirge”, Almaniya)

Hücumçular: Ramil Şeydayev, Mahir Mədətov (hər ikisi “Qarabağ”), Amil Yunanov (“Sumqayıt”)

Qeyd edək ki, yığmamız mayın 23-dən iyunun 2-dək Bakıda, iyunun 3-dən 6-dək Astanada, iyunun 7-dən 9-dək Riqada təlim-məşq toplanışı, mayın 29-da Qırğızıstan, iyunun 6-da Qazaxıstan, iyunun 9-da Latviya ilə yoldaşlıq oyunu keçirəcək.

ŞƏRH YAZ
0
BAĞLA