Bu gün Azərbaycan Premyer Liqasında XXIII tura start veriləcək

Bu gün Azərbaycan Premyer Liqasında XXIII tura start veriləcək
14:38
14.04.2018
716
İdman
A
Bu gün futbol üzrə Azərbaycan Premyer Liqasında XXIII tura start veriləcək.

"Ölkə.Az"ın məlumatına görə, açılış oyunu Gəncə şəhər stadionunda keçiriləcək. Autsayder "Kəpəz" turnir cədvəlinin lideri "Qarabağ"ı qəbul edəcək. Bu, iki komanda arasında 49-cu çempionat matçı olacaq. Əvvəlki 48 görüşdən 25-də Ağdam, 14-də Gəncə təmsilçisi qalib gəlibsə, 9 oyunda qalib müəyyənləşməyib. Topların nisbətində də Qurban Qurbanovun baş məşqçi olduğu komanda üstündür - 66:54. 

Digər tərəfdən, "Qarabağ" 23 oyundur "Kəpəz"ə uduzmur. Gəncəlilər sonuncu dəfə ağdamlıları 2002-ci ildə 3:0 hesabı ilə yeniblər. Lakin son 3 qarşılaşmada "sarı-göylər" rəqibinə qol vura bilməyib və ardıcıl 6 görüşdə meydanı xalsız tərk edib.

Turun qalan 3 matç isə bazar günü olacaq. "Qəbələ" doğma meydanda "Səbail"lə qarşılaşacaq. Komandalar indiyədək yalnız cari mövsümdə üz-üzə gəliblər. Bu matçlarda heç bir kollektiv meydanı qolsuz tərk etməyib. "Qırmızı-qaralar" 2, "göy-qaralar" isə 1 dəfə qalib olublar. Topların nisbəti Roman Qriqorçukun baş məşqçi olduğu komandanın xeyrinədir - 7:4. 

Azərbaycan Kubokunun yarımfinal mərhələsində də üz-üzə gələn "Sumqayıt" və "Keşlə" komandaları bu dəfə XXIII turda qarşılaşacaqlar. Kubok matçında 0:1 hesabı ilə uduzan "Sumqayıt" doğma azarkeşlər önündə rəqibini məğlub etməyə çalışacaq. "Gənclik şəhəri" təmsilçisi son 3 çempionat oyununda paytaxt klubuna uduzmayıb. "Keşlə" isə "Sumqayıt"la oyunlarda ardıcıl 12 görüşdə meydanı qolsuz tərk etməyib. Bu, iki komanda arasında 24-cü çempionat qarşılaşması olacaq. Əvvəlki görüşlərdən 12-də "Keşlə", 4-də "Sumqayıt" qalib gəlibsə, 7 heç-heçə qeydə alınıb. Topların nisbətində də paytaxt təmsilçisi öndədir - 35:20.   

Turun son və mərkəzi oyununda Avropa Liqasına vəsiqə qazanmaq istəyən iki komanda üz-üzə gələcək. "Zirə" evdə "Neftçi" ilə qarşılaşacaq. Flaqman Azərbaycan Premyer Liqasında rəqibini məğlub edə bilməyib. Qəsəbə təmsilçisi isə "Neftçi" ilə doğma meydandakı oyunlarda qələbə qazanıb və qapısından qol buraxmayıb. Əvvəlki 11 görüşdən 8-də "Zirə" qalib gəlibsə, daha 3 matç heç-heçə ilə nəticələnib. Topların nisbəti də "qartallar"ın xeyrinədir - 15:4. 

Azərbaycan Premyer Liqası, XXIII tur

14 aprel (şənbə)

“Kəpəz” – “Qarabağ”

Hakimlər: Orxan Məmmədov, Rahil Ramazanov, Knyaz Əmiraslanov, Rəşad Əhmədov

AFFA nümayəndəsi: Nüvər Xasıyev

Hakim-inspektor: Kərim Ağayev

Gəncə şəhər stadionu, 16:00 (“CBC Sport”/ canlı)

15 aprel (bazar)

“Zirə” – “Neftçi”

Hakimlər: Rəhim Həsənov, Azər Əsgərov, Nahid Əliyev, Ömər Paşayev

AFFA nümayəndəsi: Abas Hüseynov

Hakim-inspektor: Murad Məmmədov

Zirə İdman Kompleksinin stadionu, 19:00 (“CBC Sport”/ canlı)

“Sumqayıt” – “Keşlə”

Hakimlər: Rauf Cabbarov, Elman Musayev, Elşad Abdullayev, Ramil Diniyev

AFFA nümayəndəsi: Erkin Hüseynov

Hakim-inspektor: Rövşən Əhmədov

“Kapital Bank Arena”, 18:00

“Qəbələ” – “Səbail”

Hakimlər: Əliyar Ağayev, Zeynal Zeynalov, Cəmil Quliyev, Ziya Nəsirov

AFFA nümayəndəsi: Rauf Hüseynli

Hakim-inspektor: Əhmədağa Cabbarov

Qəbələ şəhər stadionu, 17:00 (“CBC Sport”/canlı)

ŞƏRH YAZ
0

“Neftçi” Azərbaycan Kubokunda “Sumqayıt”a uduzub

“Neftçi” Azərbaycan Kubokunda “Sumqayıt”a uduzub
22:23
15.12.2018
1707
İdman
A
Futbol üzrə Azərbaycan Kubokunda 1/4 final mərhələsinin daha bir ilk oyunu keçirilib.

"Ölkə.Az" report-a istinadən xəbər verir ki, günün ikinci matçında "Neftçi" "Bakcell Arena"da "Sumqayıt"ı qəbul edib.

Görüş qonaqların 2:0 hesablı qələbəsi ilə başa çatıb. Əli Babayev 28-ci dəqiqədə penaltidən fərqlənib. Şəhriyar Əliyev isə 45+4-cü dəqiqədə künc zərbəsindən sonra başla qol vurub.

Maraqlıdır ki, hər iki qolun müəllifi zədələnərək oyunu davam etdirə bilməyib. Matçın ilk hissəsində ayağından zərbə alan Ə.Babayev fasilədən sonra, 55-ci dəqiqədə Cavid Tağıyevlə əvəzlənib. Qarşılaşmanın 62-ci dəqiqəsində zədələnən Şəhriyar Əliyev isə yerini Murad Xaçayevə verib.

Oyunun 88-ci dəqiqəsində "Neftçi"nin heyətində Anton Krivotsyuq simulyasiya etdiyi üçün ikinci dəfə sarı vərəqə alıb və meydandan qovulub.

Qeyd edək ki, bu komandalar arasında cavab oyunu dekabrın 19-da “Kapital Bank Arena”da keçiriləcək və saat 19:00-da başlayacaq.

Ölkə.Az

ŞƏRH YAZ
0

"Zirə"nin baş məşqçisi: "Qalib gəlsək də, sanki uduzmuşuq, məğlub əhval-ruhiyyəsi var"

21:12
15.12.2018
1264
İdman
A
"Zirə"nin baş məşqçisi Samir Abasov Azərbaycan Kubokunun 1/4 final mərhələsində "Səbail"ə 1:0 hesabı ilə qalib gəldikləri qarşılaşmadan sonra mətbuat konfarnsı keçirib.

"Ölkə.Az" report-a istinadən bildirir ki, gənc mütəxəssis əvvəlcə görüş barədə danışıb...

- İndi bizim üçün ən vacib olan şey sakitləşməkdir. Çünki qalib gəlsək də, paltardəyişmə otağında təəssüf var. Sanki uduzmuşuq, məğlub əhval-ruhiyyəsi var. Düşdüyümüz təzyiqdən çıxa, qol imkanlarını, penaltini dəyərləndirə bilmirik. İkinci matça ciddi hazılaşmalıyıq. İndi vəziyyətimiz ürəkaçan deyil. Yaxşı dincəlib çempionata hazırlaşmalıyıq. Əfsuslar olsun ki, çox xal yığa bilməmişik. Ancaq əlimizi yana salmırıq. Səfərdəki cavab matçında bizi daha çətin oyun gözləyir. Əlimizdən gələni edəcəyik ki, mərhələni keçən tərəf biz olaq.

Penaltini niyə Mirsahib Abbasov vurdu: Məgər ştatlı penalti vuran futbolçunuz odur?

- Futbolda ştatlı penalti vuran deyə bir şey yoxdur. Bizdə 11 metrlik cərimə zərbəsini Pərdis Fərcad-Azad vurur. Ancaq o, həmin anda ehtiyatda idi. Mirsahib topu çox inamlı şəkildə götürərək zərbəni vurmaq istədi. Bu, futbolçu üçün yaxşı haldır. Lakin kim təminat verə bilər ki, digər futbolçu penaltini dəqiq vura biləcəkdi?

Ölkə.Az

ŞƏRH YAZ
0
BAĞLA