“Bu gün Azərbaycanın qarşısında duran ən aktual problem Qarabağın azad edilməsidir”
Bunu “Ölkə.Az”a açıqlamasında deputat Sabir Hacıyev deyib.
Onun sözlərinə görə, 1993-cü ildən etibarən Azərbaycanın müstəqilliyinə olan təhdidlərin aradan qalxması və torpaqlarımızın işğaldana zad olunması istiqamətində ölkənin müdafiə və təhlükəsizliyinin gücləndirilməsi istiqamətində islahatların həyata keçirilməsi istiqamətində ciddi addımlar atılıb.
“Güclü, hər zaman döyüşə hazır ordu formalaşdırılmaqla parallel olaraq, Silahlı Qüvvələrimiz ən müasir hərbi texnika və silahlarla təmin olunub. Azərbaycanın müdafiə və təhlükəsizlik sahəsinə ayırdığı vəsait Ermənistanın ümumi dölət büdcəsində artıq və ya ona bərabər səviyyədə olub”, - deyə, S.Hacıyev bildirib.
O, əlavə edib ki, 2003-cü ildən etibarən isə Azərbaycanda iqtisadiyyat və digər sahələrdə olduğu kimi ordu quruculuğu, ölkənin təhlükəsizliyinin təmin olunması istiqamətində həyata keçirilən siyasət yeni bir mərhələyə qədəm qoyub:
“Belə ki, Prezident, Ali Baş Komandan “güclü iqtisadiyyat, güclü ordu, güclü dövlət” prinsipini əsas tutaraq siyasət yürüdüb. Azərbaycanın müdafiə və təhlükəsizliynin təmin olunması istiqamətində çox böyük işlər görülüb. Son 15 ildən artıq müddətdə Azərbaycanın xarici təhdidlərdən qorunması üçün təkcə müdafiə qabliyyətinin gücləndirilməsi yox, eyni zamanda buna parallel olaraq xarici diplomatiya, ölkənin enerji resurlarından və yerləşdiyi əlverişli coğrafi mövqeyindən yararlanaraq iri enerji, iqtisadi, logistic layihələr həyata keçirilməklə yanaşı təhlükəsizliyimizin təmin olunması istiqamətində işlər görülüb. Yürüdülən bu siyasətin nəticəsidir ki, Azərbaycanda sabitlik bəqərara olmaqla, davamlı inkişaf yolunu keçir, ölkə müasirləşir, yeniləşir, xalqın maddi rifah halı ilbəil artır”.
S.Hacıyev bildirib ki, Ali Baş Komandan tərəfindən müəyyənləşdiirlən düzgün strategiya nəticəsində Azərbaycan dünyanın ən güclü ordularından birinə sahibdir:
“Hazırda Azərbaycan ordusu beynəlxalq reytinq cədəvəlində 52-ci yerdə qərarlaşıb. Bu təkcə nizami ordunun döyüşı hazırlıq səviyyəsi ilə ölçülmür. Burada ölkənin malik olduğu hərbi texnika, silah, orduya diqqət, onların sosial təminatı kimi amillər daxildir. Ali Baş Komandan tərəfindən orduya göstərilən diqqət və qayğının nəticəsi olaraq, Azərbaycanda vətənpərvərlik əhval-ruhiyyəsi yüksək səviyyədədir. Məhz yürüdülən uğurlu siyasətin nəticəsi olaraq Azərbaycan Ordusu işğal altında olan torpaqları qısa zamanda işğaldan azad etməyə hazırdır. Bunu artıq Ermənistan və onu dəsətkləyən qüvvələrə də yaxşı bilir”.
S. Hacıyev onu da vurğulayıb ki, bu gün Azərbaycanın qarşısında duran ən aktual problem işğal altında olan torpaqları işağldan azad etməkdir: “Yuxarıda qeyd etdiyim kimi, Ordu buna hazırdır. Ancaq bunun üçün lazımi şərait yaranmalıdır. Azərbaycan fəaliyyətini bu istiqamətdə quraraq həmin ana hazırlaşır. Ali Baş Komandan bir yandan işğalçı Ermənistana qarşı hərbi-psixoloji təzyiqi artırmaqla yanaşı, hücum diplomatiyasına keçərək Ermənistanın on illər boyu yürütdüyü siyasət nəticəsində formalaşdırdığı rəyi darmadağın etmələ məşğuldur. Bu siyasətin nəticəsi olaraq beynəlxalq təşkilatlar Ermənistanın Azərbaycan torpaqlarının işğal faktını qəbul edərək, işğalçı qoşunun Azərbaycan torpaqlarından çıxaması ilə bağlı qətnamələr, qərarlar qəbul edir, Xocalı soyqırımını tanıyır. Beynəlxalq təşkilatlar və dünya ölkələri birmənalı olaraq Azərbaycanın ərazi bütövlüyünü qəbul edərək, Qarabağ münaqişəsinin ancaq bu prinsiplər çərçivəsində həllinə tərəfdardırlar. Bununla da Azərbaycan Qarabağ münaqişəsinin həllinin hətta alternativ yollarla həlli istiqamətində beynəlxalq hüquqi zəmin yaradır. Elə Avropa İttifaqı ilə Azərbaycan arasında tərəfdaşlıq prioritetlərinin ərazi bütövlüyü və sərhədlərin toxunulmazlığı prinsipləri əsasında müəyyənləşdirilməsi və rəsmən bəyan edilməsi Qarabağ münaqişəsində Ermənistanın istinad etdiyi “xalqların öz müqəddəratını təyinetmə prinsipi”ni istisna etməklə münaqişənin həllinə ədalətli yanaşmanın təzahürü kimi dəyərləndirilir. Bu hadisə Ali Baş Komandanın müasir Azərbaycan diplomatiyası tarixinə “Brüssel zəfəri” kimi yazılıb”.
Deputat deyib ki, yürüdülən məqsədyönlü siyasət nəticəsində Kollektiv Təhlükəsizlik Müqaviləsi Təşkilatının (KTMT) üzvü olmadığı halda Azərbaycanın öz dostları, müttəfiqləri vasitəsilə bu təşkilatda Ermənistanı küncə sıxışdırmasını növbəti diplomatik uğur hesab etmək olar:
“Nəticədə KTMT-nin işğalçı ölkənin əlində Azərbaycana qarşı təhdid və təzyiq mexanizminə çevrilməsinin qarşısı alındı, onun məkrli planları puça çıxarıldı. Aparılan çox düşünülmüş, məqsədyönlü və prinsipial siyasət, Ermənistanın bütün regional və beynəlxalq layihələrdən təcrid olunması onu siyasi, iqtisadi və sosial böhrana düçar edib. Münaqişənin həlli üçün yaranmış yeni situasiya bu sahədə irəliləyişin ola biləcəyinə ümid doğurur və Azərbaycan dövləti, ölkə rəhbəri müvafiq istiqamətdə ardıcıl səylərini davam etdirir. Azərbaycan münaqişənin sülh yolu ilə həllinə tərəfdar olduğunu dəfələrlə bəyan etməklə yanaşı, bu məsələdə hərbi amilin xüsusi rol oynadığını və bundan sonra da ölkəmizin hərbi qüdrətinin artırılacağını daim diqqətə çatdırır”.
Mürtəza Bünyadlı
