Bu gün Çempionlar Liqasında ilk yarımfinalçılar məlum olacaq

Bu gün Çempionlar Liqasında ilk yarımfinalçılar məlum olacaq
09:38
18.04.2017
101
İdman
A
Bu gün futbol üzrə Çempionlar Liqasında 1/4 final mərhələsinin cavab görüşləri start götürəcək.

"Ölkə.Az" “Report”un məlumatına istinadən xəbər verir ki, ilk oyun günündə biri İspaniyada, digəri İngiltərədə olmaqla, iki matç baş tutacaq.

Madriddə turnirin son qalibi olan “kral klubu” “Bavariya”nı qəbul edəcək. Rəqibini Almaniyada keçirilən ilk dueldə 2:1 hesabı ilə məğlub edən ispanlar yarımfinala daha yaxındırlar. Lakin yaxşı formada olan qonaqlar “Real Madrid”i mübarizədən kənarlaşdıra biləcək potensiala malikdirlər.

“Bavariya”nın heyətində Mats Hummels zədəli, Xavi Martinez cəzalıdır. Zədələrini sağaldan Manuel Noyer və Robert Levandovskinin oynamaq ehtimalı böyükdür. “Real Madird”də isə Pepe, Rafael Varan və Qaret Beyl zədə üzündən meydana çıxa bilməyəcək.

Ötən mövsümün finalçısı olan digər İspaniya təmsilçisi “Atletiko” da yarımfinala yüksəlməyə daha şanslıdır. “Lester”i Madridə baş tutan ilk qarşılaşmada bir cavabsız qolla üstələyən paytaxt klubu İngiltərədə daha çox qapısını toxunulmaz saxlamaq barədə düşünəcək.

İngiltərə Premyer Liqasının son qalibinin heyətində Ues Morqan, Molla Vaqe, və Nampali Mendi zədəli, Robert Hut cəzalıdır. “Atletiko”da isə Auqusto Fernandes ilə Şime Vrsalko zədədən əziyyət çəkir.

Çempionlar Liqası

1/4 final, cavab oyunları

18 aprel

22:45 “Real Madrid” (İspaniya) - “Bavariya” (Almaniya)

Baş hakim: Viktor Kaşşai (Macarıstan)

İlk oyun – 2:1

22:45 “Lester” (İngiltərə) – “Atletiko” (İspaniya)

Baş hakim: Canluka Rokki (İtaliya)

İlk oyun – 0:1

ŞƏRH YAZ
0

“Qəbələ”də maaşlar 3 aydır, gecikir? — Klub rəsmisindən açıqlama

“Qəbələ”də maaşlar 3 aydır, gecikir?
01:30
Bu gün
251
İdman
A
Azərbaycan Kubokunun yarımfinal mərhələsinin cavab matçında “Neftçi”ni səfərdə 3:1 hesablı ilə məğlub edərək həlledici görüşə vəsiqə qazanan “Qəbələ” klubunun vitse-prezidenti Fariz Nəcəfov brifinq keçirib.

"Ölkə.Az" Report-a istinadən əyalət klubunun rəsmisi ilə müsahibəni təqdim edir:

“Qəbələ” evdə keçirdiyi ilk matçda 1:2 hesabı ilə uduzsa da, cavab görüşündə dönüş etməyi bacardı. Belə olacağını gözləyirdiniz?

- İlk matçda gərginlik olduğu üçün oyunumuz alınmadı. Futbolçularımız cavab qarşılaşmasında bir qədər “boşalmışdılar”, tam sərbəst idilər. Bu gün açılışdılar, daha sərbəst oynadılar.

“Neftçi” hesabı açandan sonra da finala yüksələcəyinizə inam vardı?

- Belə proqnoz vermək istəmirəm, amma çox rahat idim. “Qəbələ”nin elə-belə təslim olmayacağını bilirdim.

“Qəbələ” bu cür həlledici oyunlarda qalib gəlməyi bacaran komandadır. Amma çempionatda bunun əksini görürük. Bu nə ilə bağlıdır?

- Komandada nə baş verirsə, hamısını analiz edirik. “Qəbələ”də ciddi bir problem yoxdur. Analizlər aparırıq, səhvlərimizi görürük, bilirik. Çempionluq əldən getdi. Çalışacağıq ki, kubokda qalib gələk.

“Qəbələ”də artıq 3 aydır maaşların verilmədiyi, futbolçuların bu səbəbdən son matçlarda zəif oynadıqları söylənilir. Bu nə dərəcədə doğrudur?

- Tam yanlış məlumatdır, belə bir şey ola bilməz. Gecikmələr hər yerdə olduğu kimi bizdə də olur. Amma daha 3 – 4 ay çəkmir. Gecikmələrin olması normaldır.

Azərbaycan Kubokunun finalının Qəbələdə keçirilməsi sizin üçün bir üstünlük olacaq?

- Əslində, finalın Qəbələdə keçirilməsini istəmirdim. Çünki finala çıxacağımıza inanırdım. Xahiş edəcəyəm ki, mümkündürsə, finalın keçiriləcəyi yeri dəyişsinlər. Lakin sözsüz ki, evimizdə oynamaq bizim üçün əlavə motivasiyadır.

Ancaq finalın mayın 28-də Qəbələdə keçirilməsinə öncədən qərar verilib...

- Mənim həmin vaxt da etirazımı bildirdim. Lakin dedilər ki, başqa yerdə keçirilməsi mümkün deyil.

Bugünkü qələbə “Qəbələ”nin çempionatdakı çıxışına müsbət təsir edəcək?

- Bunlar fərqli turnirlərdir. Çox təsiri olacağına inanmıram.

Finaldakı rəqibiniz “Keşlə” haqda nə deyə bilərsiniz?

- Yeni baş məşqçi Yuri Maksimovun komandanın əvvəlki oyun tərzini bərpa etdiyini bilirik. Çox yaxşı komandadır.

Çoxları “Qəbələ”ni favorit sayır...

- Mən belə deməzdim. Yenə də deyirəm, çempionatla kubok fərqlidir.

Roman Qriqorçukun aqibəti necə olacaq? Mövsüm başa çatdıqdansa sonra gedir, yoxsa qalır?

- Hələ bu barədə heç nə danışmamışıq. Mövsüm bitəndən sonra söhbət edəcəyik.

Onun gələcək aqibəti kubokdakı nəticədən asılı idi?

- Xeyr, belə bir şey yoxdur. Bir turnirə görə qərar verilmir.

Latviya Futbol Federasiyasının baş katibi bildirib ki, Qriqorçuk onlara “Qəbələ”də qalacağını söyləyib...

- Bu barədə danışmamışıq. Baş məşqçi ilə bağlı qərarı mən yox, klubun prezidenti verir. Klubun strategiyasını prezident müəyyənləşdirir.

Ölkə.Az

ŞƏRH YAZ
0

“Qəbələ”dən geridönüş — 3 qol vurdu

“Qəbələ”dən geridönüş
22:40
18.04.2018
228
İdman
A
Azərbaycan kubokunda finala vəsiqə qazanan növbəti komanda məlum olub.

“Ölkə.Az” xəbər verir ki, ilk matçda öz meydanında “Neftçi”yə 1:2 hesabı ilə məğlub olan “Qəbələ” səfərdə lazım olan nəticəni əldə etməyi bacarıb.

“Qəbələ” matçın əvvəlində hesabda 0:1 geriyə düşsə də, sonrakı dəqiqələrdə 3 qol vuraraq qalib gəlib.

Beləliklə, finalda “Keşlə”nin rəqibi “Qəbələ” olub.

Ölkə.Az

ŞƏRH YAZ
0
BAĞLA