Bu gün futbol üzrə Dünya Çempionatı başlayır

Bu gün futbol üzrə Dünya Çempionatı başlayır
09:25
14.06.2018
1728
İdman
A
Bu gün Rusiyanın paytaxtı Moskva şəhərində futbol üzrə Dünya Çempionatı başlayır.

“Ölkə.Az” xəbər verir ki, “DÇ-2018”in açılış mərasimi Moskvanın “Lujniki” stadionunda keçiriləcək. Tədbirdə Azərbaycan prezidenti İlham Əliyevlə yanaşı 20 ölkənin başçısı da iştirak edəcək.

Açılış mərasimindən sonra Rusiya və Səudiyyə yığmaları arasında ilk oyun keçiriləcək.

Çempionat 15 iyul tarixində başa çatacaq. Bu müddət ərzində Rusiyanın 11 şəhərində komandalar arası yarışlar keçiriləcək.

Rusiya çempionatın keçirilməsinə icazəni 2010-cu ilin 2 dekabr tarixində alıb. 

Hikmət Həsənov
Ölkə.Az

ŞƏRH YAZ
0

Oğruluqda ittiham olunan 5 futbolçu həbs edildi

Oğruluqda ittiham olunan 5 futbolçu həbs edildi
18:27
22.02.2019
240
İdman
A
Türkiyənin kurort şəhəri Belekdə Gürcüstanın “Tsixinvalı” futbol klubunun 5 oyunçusu oğruluqda ittiham olunaraq həbs edilib.

“Ölkə.Az”  “Malatya Güncel”ə istinadən xəbər verir ki, onlar Antalyada ticarət mərkəzindən idman geyim əşyalarını oğurladıqlarına görə həbs ediliblər.

Mağazadan bildirilib ki, idman geyimləri axşam vaxtı, bağlı olan zaman oğurlanıb. Oğruluq edənlər mağazadan idman ayaqqabıları, şortlar, şalvarlar və daha 9 belə şey götürüblər. Oğruluq edənlərin kimliyi ticarət mərkəzindəki videokamera vasitəsi ilə müəyyən edilib. Videokameraya hətta onların hansı maşınla gəlib getdiyi də düşüb. Polsin həyata keçirdiyi  əməliyyat-axtarış tədbirləri nəticəsində bu şəxslərin gürcü futbolçu olduqları bəlli olub. Hansı ki, onlar beşulduzlu bir oteldə qalırlarmış.

Gürcü futbol klubu olan “Tsixinvali”-nin oyunçuları  Belekə qış məşqinə gəliblərmiş. 

Gürcüstanın Futbol Federasiyası klubdan baş verən hadisə ilə bağlı hər hansı açıqlama tələb etsə də, hələlik bir açıqlama yoxdur. Federasiyadan bildirilib ki, bu hal  təkcə  gürcü futboluna deyil, ümumilikdə ölkənin imicinə pis təsir edir. Federasiyadan bildirilib ki, bu hal təsdiqlənəcəyi təqdirdə futbolçuları cəzalandırmağı tələb edib.

Mürtəza
Ölkə.Az

ŞƏRH YAZ
0

FİFA-dan “Çelsi” klubuna yeni QADAĞA

FİFA-dan “Çelsi” klubuna yeni QADAĞA
16:55
22.02.2019
254
İdman
A
FİFA-nın intizam komitəsi Londonun “Çelsi” klubuna yeni futbolçuları qeydiyyatdan keçirməyi qadağan edib.

“Ölkə.Az” xəbər verir ki, klub 2019-cu ilin yay transfer pəncərəsi və 2020-ci ilin qış ayında oyunçularla müqavilə imzalaya bilməyəcək. Bundan başqa komanda 600 min İsveçrə frankı məbləğində cərimələnib.

FİFA tərəfindən cərimələnməyə səbəb “Çelsi”nin 18 yaşına çatmayan oyunçuların beynəlxalq transfer və oyunçuların qeydiyyat məsələsində yol verdiyi pozuntular olub. Federasiya klub tərəfindən 29 qanun pozuntusu qeydə alıb. Qeyd edilir ki, İngiltərənin Futbol Federasiyası da “Çelsi”ni 510 min İsveçrə frankı məbləğində cərimələyib.

Hikmət Həsənov
Ölkə.Az

ŞƏRH YAZ
0
BAĞLA