Bu il ölən və dünyanı idarə edən adam Devid Rokfeller kimdir? — MÜDHİŞ ADAMIN HƏYATI

Bu il ölən və dünyanı idarə edən adam Devid Rokfeller kimdir?
23:37
20.03.2017
1414
Dünya
A
Devid Rokfeller 20 mart 2017-ci il tarixində dünyasını dəyişib.

"Rokfeller kim idi?" sualına "Ölkə.Az"-ın bu yazısında cavab tapacaqsınız.

Rokfeller dünyanın ən varlı adamlarından biri idi və 101 yaşında dünyasını dəyişdi. Rokfeller məşhur bankir və sabiq ABŞ prezidentinin müşavirlərindən biri olub.
Rokfeller ABŞ-ın Nyu-York şəhərindəki evində yuxuda olarkən dünyasını dəyişib. Bu barədə ailənin mətbuat katibi Freyzer Saytel məlumat verib.

1915-ci ildə dünyaya gələn Devid 6 dəfə ürək, 3 böyrək, 2 dəfə isə ciyər transplantasiyası həyata keçirib. Rokfeller "200-cü ad günü qeyd etmək istəyirəm"-deyirdi.

Rokfeller ailəsi dünyanın iki ən güclü ailəsindən biridir. Devid 1915-ci ilin 12 iyun tarixində anadan olub. Onun babası Jon Rokfeller "Standard Oil" şirkətinin qurucusudur. Atası isə oğul Jon Rokfellerdir.

Devid Nyu-Yorkun "Manhattan 45" prospektində, Rokfellerlər malikanəsində dünyaya gəlib. Onun doğumu 48 saat qeyd edilib. Harvard Universitetinin məzunudur. "London School of Economics"-də təhsilini davam etdirib. Təhsili başa vurduqdan sonra uzun illər Rokfeller ailəsinin "Chase Manhattan Bank"-ında işləyib.

Rokfeller "JP Morgan Chase"-in ortaqlarından biri olub və dünyanın ən yaşlı milyarderi sayılırdı. "Forbes" jurnalına görə Rokfeller ailəsinin sərvəti 3.2 milyard dollardır. Amma ailə 5 trilyon dolları idarə edir. Nyu-York şəhərində yaşayan Rokfeller 6 uşaq atasıdır.

6-cı dəfə ürək nəqli həyata keçirən Rokfeller "Hədəfim 200-cü ad günümü qeyd etməkdir" demişdi.

Mütəxəssislər 80 yaşından sonra ürək transplantasiyasının riskli olduğunu bildirdiyində onun cavabı belə olmuşdu:

"Amma familiyanız Rokfellerdirsə, 120 yaşda da bu əməliyyatı həyata keçirə bilərsiniz. Çünki tibb qanunları bu familiya üçün etibarlı deyil. Rokfeller familiyasının ömrü uzundur".

Devid Rokfeller "Dünya imperiyası" və "Yeni dünya sistemi" fikirləri ilə diqqətləri üzərinə çəkib və reaksiyalara səbəb olmuşdu.

Rokfeller Amerika vətəndaş müharibəsində əldə etdiyi gəlirlə varlanmış və "Standard Oil Company" şirkətinin qurucusu Con Rokfellerin böyük oğludur.

Devidin Ebbi, Jon D III, Nelson, Laurens və Vintrop adlı beş qardaşı var. 2008-ci ildə Harvard Universitetinə 100 milyon dollar bağışlayıb.

Devid Rokfeller 20 mart 2017-ci il tarixində xroniki ürək çatışmazlığından 101 yaşında dünyasını dəyişib.

Hikmət
Ölkə.Az

ŞƏRH YAZ
0

"ABŞ Rusiya ilə "açıq dialoq"da maraqlıdır" — Dövlət Departamenti

01:17
Bu gün
254
Dünya
A
Bu gün Vaşinqtonda ABŞ dövlət katibinin müavini Tomas Şennon və Rusiyanın ABŞ-dakı səfiri Anatoliy Antonov arasında görüş keçirilib.

"Ölkə.Az" "Ria Novosti"yə istinadla xəbər verir ki, bu barədə Dövlət Departamentinin nümayəndəsi bildirib.

Onun sözlərinə görə, söhbət zamanı tərəflər ikitərəfli əlaqələr, o cümlədən strateji sabitlik məsələlərini müzakirə ediblər.

“ABŞ dövlət katibinin müavini bildirib ki, rəsmi Vaşinqton Rusiya ilə açıq dialoqun tərəfdarıdır. Tərəflər strateji sabitliyin qorunmasının vacibliyinə dair razılığa gəliblər", deyə Dövlət Departamentinin rəsmisi qeyd edib.

Məlumata görə, danışıqlar bir saata yaxın davam edib.

Ölkə.Az

ŞƏRH YAZ
0

Ermənistanda şənbə günü etiraz aksiyaları davam edəcək — YENİLƏNİB

Ermənistanda şənbə günü etiraz aksiyaları davam edəcək
23:29
20.04.2018
978
Dünya
A
“Ermənistanın sabiq prezidenti Serj Sarkisyanın baş nazir seçilməsinə qarşı çıxan mitinq iştirakçıları şənbə günü səhər saatlarında etiraz aksiyalarını bərpa etmək niyyətindədirlər”.

"Ölkə.Az" xəbər verir ki, bu sözləri müxalifət lideri, millət vəkili Nikol Paşinyan deyibb.

"Sabah saat 11.00-da aksiyalarımıza yenidən başlayacağıq. Bu gün olduğu kimi yolları bağlayacağıq, lakin bu dəfə daha böyük miqyasda”, - deyə Respublika meydanında keçirilən mitinq zamanı Paşinyan vurğulayıb.

Onun sözlərinə görə, mitinqdən sonra Yerəvanın mərkəzi küçələrində yürüş keçiriləcək.

***

İrəvanda 100-ə yaxın etirazçı “Zvarnots” beynəlxalq hava limanına gedən yolu bağlayıb

"Ölkə.Az" xəbər verir ki, bu barədə Rusiya KİV-i məlumat yayıb. Aksiya iştirakçıları polisə məhəl qoymur, hökumət əleyhinə şüarlar səsləndirirlər.

***

Ermənistan paytaxtı Yerəvanın mərkəzindəki Respublika meydanında müxalifət mitinq keçirir.

“Ölkə.Az” Ermənistan mətbuatına istinadən xəbər verir ki, mitinqi  “Mənim addımım” təşəbbüs qrupu təşkil edib.

Qeyd edək ki, bir neşə gündür Serj Sarkisyanın baş nazir təyinatına etiraz əlaməti olaraq Yerəvanda etiraz aksiyaları keçirilir. Aksiyalar zamanı saxlanılanların sayı 183 nəfərə çatıb.

Ölkə.Az

ŞƏRH YAZ
0
BAĞLA