Bu gün Qış Olimpia Oyunlarının açılışı olacaq — İdmançılarımız Cənubi Koreyada

Bu gün Qış Olimpia Oyunlarının açılışı olacaq
09:25
09.02.2018
1551
İdman
A
Bu gün, 9 fevral tarixində Cənubi Koreyanın Pxençxan şəhərində Qış Olimpia Oyunlarının təntənəli açılış mərsimi keçiriləcək.

"Ölkə.Az" xəbər verir ki, artıq 8 fevral tarixindən Olimpiadada oyunlar start götürüb. Kerlinqtistlər, tramplindən tullananlar və fiquristlər yarışa qoşulublar.
Yarışlarda 92 ölkənin 2902 idmançısı öz gücünü sınayacaq. 15 idman növü uğrunda 102 medal üçün mübarizə artıq başlayıb.

Oyunlarda Azərbaycanın nümayəndə heyətinə Milli Olimpiya Komitəsinin (MOK) vitse-prezidenti Çingiz Hüseynzadə rəhbərlik edəcək. Onunla yanaşı, gənclər və idman nazirinin müavini İsmayıl İsmayılov, MOK-un baş katibinin müavini Azər Əliyev, Azərbaycanın şef de-missionu Anar Bağırov, Gənclər və İdman Nazirliyinin idman şöbəsinin müdiri Fərid Mansurov və digər şəxslər Pxençxana yollanıblar.

Açılış mərasimində bayraqdar funksiyasını Azərbaycanın yeganə təmsilçisi Patrik Braxner yerinə yetirəcək. O, dağ xizəyi idmanında slalom və böyük slalom yarışlarına qatılacaq.

Qeyd edək ki, Olimpia Oyunlarının bağlanış mərasimi 25 fevralda keçiriləcək.

Hikmət Həsənov
Ölkə.Az

ŞƏRH YAZ
0

Qurban Qurbanov acı məğlubiyyətdən danışdı

Qurban Qurbanov acı məğlubiyyətdən danışdı
09:38
Bu gün
893
İdman
A
Futbol üzrə Azərbaycan millisinin baş məşqçisi Qurban Qurbanov Kosovoya böyük hesablı məğlubiyyəti şərh edib.

"Ölkə.Az"ın xəbərinə görə, baş məşqçi ilk növbədə Kosovo millisini qələbə münasibətilə təbrik edib:

“Mən rəqibin güclü olduğunu bilirdim. Buraya qələbə üçün gəlmişdik. İlk dəqiqələrdə buraxdığımız qol futbolçular üçün zərbə oldu”, - Q.Qurbanov bildirib.

Baş məşqçi qeyd edib ki, futbolçuları tənqid etmək fikri yoxdur.

“Biz birlikdə çətin yol keçmişik. Hamı qələbə istəyirdi. Lakin bu gün biz rəqibin əsl gücünü gördük. Məğlubiyyəti heç nə ilə bağlamaq istəmirəm. Kosovo bizdən güclü idi. Ustalıq səviyyəsi və digər komponentlərdə geri qaldıq. Yorğunluq və psixoloji sıxıntı həmişə olur”, - deyə o bildirib.

Azərbaycan millisinin gələcəyindən danışan Q.Qurbanov qeyd edib ki, ölkə çempionatını və oyunçuların potensialını gücləndirmək lazımdır:

“İndi bizi nə gözlədiyini demək çətindir. Bu suala bir müddət sonra cavab vermək mümkün olacaq”.

Ölkə.Az

ŞƏRH YAZ
0

Azərbaycan Kosovoya böyük hesabla məğlub oldu — YENİLƏNİB

Azərbaycan Kosovoya böyük hesabla məğlub oldu
01:35
Bu gün
2646
İdman
A
UEFA Millətlər Liqasının VI turunda Kosovo və Azərbaycan yığmaları arasında matç başa çatıb.

"Ölkə.Az" xəbər verir ki, matçda bundan başqa qol qeydə alınmayıb və Kosovo 4 cavabsız qolla millimizi məğlub edib.

***

"Ölkə.Az" xəbər verir 1-ci və 2-ci qolların müəllifi Arber Zeneli 76-cı dəqiqədə het-trik edərək komandasının 4-cü qolunu vurub. 

***

"Ölkə.Az" xəbər verir ki,  Kosova millisinin heyətində matçın 2-ci və 50-ci dəqiqəsində 10 nömrəli futbolçu Arber Zeneli, 61-ci dəqiqədə isə Amir Rahmani fərqlənib. Nəticədə millimiz Kosovoya 3-0 hesabı ilə uduzur.

***

"Ölkə.Az" report-a istinadən xəbər verir ki, qonaq komandanın baş məşqçisi Qurban Qurbanov Farer adalarını Bakıda 2:0 hesabı ilə yendikləri görüşlə müqayisədə bir dəyişiklik edib. Zədəli olduğu üçün heyətdən çıxarılan qapıçı Kamran Ağayevi Səlahət Ağayev əvəzləyib. Kapitan sarğısı isə Maksim Medvedevə verilib.

Kosovo: 12. Ariyanet Muriç, 3. Fidan Aliti, 5. Herolind Şala, 6. Hekuran Kryeziu, 7. Milot Raşitsa, 10. Arber Zeneli, 13. Amir Rrahmani, 14. Valon Berişa (k.), 15. Mergim Voyvoda, 17. Benjamin Kololli, 18. Vedat Muriqi

Ehtiyat oyunçular: 1. Samir Uykani, 16. Visar Bekay, 2. Arbenit Cemayli, 4. İdriz Voka, 8. Besar Halimi, 9. Şkelqim Demhasay, 11. Donis Avdiyay, 19. Leart Paqarada, 20. Mirlind Kryeziu, 21. Atdhe Nuhiu, 22. Edon Jeqrova, 23. Lirim Kastrati

Baş məşqçi: Bernar Şalland

Azərbaycan: 23. Səlahət Ağayev (k.), 2. Qara Qarayev, 4. Pavlo Paşayev, 5. Maksim Medvedev (k.), 6. Bədavi Hüseynov, 7. Аraz Abdullayev, 13. Dmitri Nazarov, 16. Rüfət Dadaşov, 17. Mahir Mədətov, 20. Riçard Almeyda, 21. Təmkin Xəlilzadə

Ehtiyat oyunçular: 1. Şahrudin Məhəmmədəliyev, 12. Emil Balayev, 3. Ürfan Abbasov, 8. Emin Mahmudov, 9. Mirsahib Abbasov, 10. Ruslan Qurbanov, 11. Ramil Şeydayev, 14. Rahid Əmirquliyev, 15. Cavid İmamverdiyev, 18. Şəhriyar Əliyev, 19. Rahil Məmmədov, 22. Əfran İsmayılov

Baş məşqçi: Qurban Qurbanov

Qeyd edək ki, Priştinadakı "Fadil Vokrri" stadionunda keçiriləcək oyun Bakı vaxtı ilə saat 23:45-də başlanacaq.

Ölkə.Az

ŞƏRH YAZ
0
BAĞLA