Bu gün səfər və ya səyahət yaxşı nəticə verəcək

Bu gün səfər və ya səyahət yaxşı nəticə verəcək
01:20
05.10.2018
3393
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - İntuisiyanız kəskindir. Məhz bu səbəbdən ətrafdakı insanları anlayır, əvvəllər sərin münasibətlərdə olduğunuz şəxslərlə dil tapırsınız. Unutmayın ki, bu gün insanlarla manipulyasiya etmək, onlardan öz maraqlarınızın təminatı üçün yararlanmağa çalışmaq olmaz.

Bütün bunlar yaxşı heç nə vəd etmir.

Danışıqlar və müzakirələrdə ümumi dil tapmaq asan deyil.

Müttəfiqlərlə söhbətlərdə həssas olun. Çətin durumda etibar etdiyiniz insana yardım üçün müraciət edin.

Günün ikinci yarısında hövsələsiz olmayın. Bir qədər gözləyin, fasilə verin. Sinirlənməyin, qıcıqlanmayın.

Mühüm görüş üçün yaxşı vaxt deyil.

Qarşı tərəfdə xoş təəssürat yarada bilməyəcəksiniz.

Alış-veriş məsləhət deyil.

Buğa - Planları reallaşdırmaq çətinləşir. Şərtlər dəyişdiyindən yeni situasiyaya uyğunlaşmaq gərəkdir. Yeni tapşırıqlar peyda olur. Onlar yorucu, maraqsız, usandırıcıdır. Hər işi tam başa vurmağa, bitirməyə çalışın.

Mümkün olmayan yerdə parlaq nəticələrə nail olmağa can atmayın.

Alış-veriş, sövdələşmə, anlaşmalar üçün əlverişli gün deyil.

Yeni işdə fəaliyyətə başlamaq asan deyil. Çox yəqin ki, ümidləriniz doğrulmayacaq.

Şəxsi münasibətlərdə müsbət təmayüllərin təsiri güclüdür. Yaxınlarınızla ünsiyyət sizi sevindirəcək.

Əkizlər - Stabil olmayan gündür. Günün ilk yarısında hadisələrin inkişaf tempi sizi sevindirəcək.

Lakin saatlar keçdikcə işin intensivliyi sizi yormağa başlayacaq. Bir qədər durun, nəfəs dərin. Bütün işləri yerinə yetirməyə imkan yoxdur. Yaradıcılıq potensialı səviyyəsi yüksək olduğundan fantaziya, təxəyyül, duruma qeyri-standart baxış tələb edən işlərlə məşğul ola bilərsiniz.

Günün ikinci yarısı fiziki iş üçün əlverişlidir.

Yaxınlarınızla münasibətləri gərməyin, münaqişə etməyin.

Kiçik məsələyə görə yaranmış mübahisəyə son qoyun.

Xərçəng - Tələsik yanaşma və qısa müddət tələb etməyən işlərlə məşğul olmaq üçün əlverişli zamandır. Bütün diqqəti mühüm işə yönəldərək önəmsiz və xırda təfərrüatlara baş qoşmayın.

Vaxtınızı boş söhbətlərə sərf etməyin. Sizə birbaşa dəxli olmayan mövzudakı diskussiyada iştirak usandırıcıdır. Konkret məsələnin həllində maraqlı ideya yarana bilər. Dəqiq müşahidələrinizi bölüşün.

İşdə nüfuzunuz arta bilər.

Günün ikinci yarısı şəxsi münasibətlər baxımından uğurlu deyil.

Emosional fon stabil deyil, kiçik və əhəmiyyətsiz olaylara görə sinirlənirsiniz.

Əsassız şübhələrlə sevdiyiniz insanın qəlbini qırmayın.

Şir - Ən çətin problemlərin həlli, yorucu və usandırıcı işi görmək üçün əlverişli zamandır. Fəaliyyət potensialınızın səviyyəsi yüksəkdir. Məqsədlərin bəlirlənməsi və onlara çatmaqla bağlı müşküllər yoxdur.

Yeni işlərə, birgə layihələrin gerçəkləşdirilməsinə başlamaq olar. İşgüzar xislətinizi nümayiş etdirin.

Günün ikinci yarısında xırdalıqlara ifrat önəm verməyin.

Məişət zəminində fikir ayrılıqları ciddi münaqişəyə çevrilə bilər.

Axşam saatlarında qayğılardan qurtulun, gəzinti və istirahətə vaxt tapın. Dostlarla görüşün, əylənin.

Qız - Müsbət təmayüllərin təsiri güclüdür. Kəskin zərurət olmadığı hallarda risk etməyin. Amma uğura şübhə etmirsinizsə, sürətli və qətiyyətli addımlar atın. Yeni iş yerində çalışmağa başlamaq üçün əlverişli zamandır.

Müttəfiq və həmfikirlərlə yanaşı, dostlar da tapacaqsınız.

Təcrübəli insanların məsləhətlərinə qulaq assanız, səhvlərə yol verməyəcək, başqalarının sürəkli təkrarladığı yanlışlıqlardan qurtulacaqsınız.

Günün ikinci yarısı yeni münasibətlər üçün əlverişlidir.

İnsanları dürüst qiymətləndirin və onlar ən yaxşı məziyyətlərinizi görəcəklər. İmicdə yeniliklər etmək olar. Başqalarının fikirləri əvəzinə, öz mövqeyinizi üstün tutun.

Tərəzi - Fəndgir və aktiv olun, təxəyyülünüzü işə salın. Məhz bu məziyyətlərinizin sayəsində uğur əldə etmək, mürəkkəb məsələləri çözmək, rəqibləri geridə qoymaq şanslarına yiyələnəcəksiniz.

Müstəqil çalışın. Bu, heç pis deyil. Məqsədə çatmaq üçün gərəkli hərəkət azadlığına qovuşacaqsınız. Qeyri-standart metodlardan yararlanın, etiraf və izahatlara vaxt sərf etməyin.

Şəraitin dəyişməsində xeyir var.

Yaxınlarınıza qayğı və diqqətlə yanaşın. Lakin mərhəmət, şəfqət və səmimiyyət adı ilə təzyiq göstərməyin. Təmirə başlamaq, yaşam yerini yeniləmək, interyer əşyaları almaq üçün yaxşı vaxtdır.

Əqrəb - Kiçik işlər çox vaxt alır. Onların sayı o qədərdir ki, ciddi, genişmiqyaslı və mühüm işlə məşğul olmağa vaxt qalmır.

Üstəlik, işdə həmkarlar və rəhbərliklə ünsiyyətdə problemlər yaranır.

Yaxınlarınızla təmaslarda aqressiv olmayın. Qarşınıza qoyduğunuz məqsədə çatmağa çalışın. Belədə, gələcəkdə pərişan olmazsınız.

Günün ikinci yarısında maliyyə məsələlərini təkbaşına həll edin. Ətrafınızdakı insanların məsləhətləri faydalı deyil. Gəlir ola bilər. İş yeri və yaşam arealını qaydaya salın.

Axşam saatlarında aktiv istirahəti seçin.

Oxatan - Günün ilk yarısında mənfi təmayüllərin təsiri güclənəcək. Çətinliklərin öhdəsindən gəlmək asan deyil. İşdə problemlər var. Rəhbərlik iradlarını bildirəcək. Gündəlik işin icrası qıcıq yarada bilər. Rutin əməllər sizi bezdirir.

Yeni iş aramağa tələsməyin. Az sonra hər şey qaydasına düşəcək, adi fəaliyyət rejimi bərpa olunacaq.

Günün ikinci yarısında maliyyə durumu əlverişlidir.

Planlaşdırılmamış alış-verişə varmaq olar. Yaxınlarınıza hədiyyələr verin. Seçimdə səhv etməyəcəksiniz.

İntellektual mübarizədən qalib çıxa bilərsiniz.

Oğlaq - Yeni müttəfiq və həmfikir tapmaq çətin deyil. Yanınızdakı insanlar mövqeyinizi bölüşməsələr də, maneçilik etmirlər. İndiyədək sizə rəğbət bəsləməyən insan fikrini dəyişə bilər.

Yeni romantik münasibət sürətlə, dinamik şəkildə inkişaf edərək ciddi təmasa çevrilə bilər.

Günün ikinci yarısında maliyyə fonu uğurludur. Əhəmiyyətli gəlir əldə edə bilərsiniz.

Alış-veriş üçün yaxşı gündür. Təhsil və iş üçün zəruri nəsnələri almaq olar.

Səfər və ya səyahət yaxşı nəticə verəcək.

Dolça - Müsbət təmayüllərin təsiri güclüdür. Xoş gündür. Qarşınıza qoyduğunuz məqsədlərə çatacaqsınız. Yaxın ətrafınızdakı insanlar sizi dəstəkləyəcək, kömək göstərəcəklər.

Yeni əməkdaşlığa başlamaq, tərəfdaşlar aramaq, yeni işə çıxmaq zamanıdır.

Günün ikinci yarısında ətrafınızdakı insanlara yardım edin, xeyriyyə aksiyasına qatılın.

Yeni bilik, təcrübə və informasiya əldə etmək olar.

Dəvət olunduğunuz tədbirdə iştirak edin.

Balıqlar - Hər şey rəvan olmasa da, sakit və soyuqqanlı olun, dürüst qərarlar verin. Belə olarsa, bədxahlar bütün səylərinə rəğmən, sizə mane ola bilməyəcəklər. Seçdiyiniz istiqamət üzrə hərəkəti davam etdirin.

Xoş sürprizlər, qəfil hədiyyələr istisna deyil.

Böyük gəlirlər olmasa da, günün maliyyə fonu stabildir.

Əks cins mənsubları ilə ünsiyyət üçün əlverişli vaxtdır.

Romantik münasibətlərin başlanğıcı üçün yaxşı gün deyil. Başqalarının emosiyalarının girovu və qurbanı ola bilərsiniz.

Ölkə.Az

ŞƏRH YAZ
0

Öz niyyət və planlarınızı gizlətməyin

Öz niyyət və planlarınızı gizlətməyin
01:30
Bu gün
3449
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - günün ilk yarısında mənfi təmayüllərin təsiri güclü olacaq. Ehtiyatlı olun, sayıq davranın. Peşəkar fəaliyyətlə bağlı mühüm məsələləri həll etmək üçün yaxşı zaman deyil. Sizə yardım və dəstək vəd edən insanların yardımlarına bel bağlamayın. Kömək etmək istədiklərini deyən insanlar sizin maraqlarınızı nəzərə almırlar.

Günün ikinci yarısında müsbət təmayüllərin təsiri güclənəcək. Axşam saatları maraqlı ünsiyyət və görüşlər zamanıdır.

Yaşam potensialının səviyyəsi yüksək olsa da, orqanizmi sınağa çəkməyin. İfrata varmaq xroniki ağrıları gücləndirə bilər.

Buğa - yaranmış situasiyanı mümkün qədər tez dəyərləndirməyə çalışın. Situasiyanı düzgün qiymətləndirsəniz, gününüz pis keçməyəcək. Yanlış ümidlər və illüziyalardan qurtulmağa çalışın. Bu, sizə xoş olmasa da, problemin öhdəsindən gəlin. Ünvanınıza deyilən tənqidlərə diqqətlə qulan asın. Eşidəcəyiniz sözlər arasında məntiqli, ağıllı ifadələr də var.

İşgüzar görüşlərdə soyuqqanlı və sayıq olun. Vədlər verməyin, çünki onlara riayət etmək asan deyil. İşdə həmkarlarla fikir ayrılıqları ola bilər.

Günün ikinci yarısında isə şəxsi münasibətlər müstəvisində problemlər həllini tapacaq. Müsbət təmayüllərin təsiri güclənir. Ciddi çətinliklər olmayacaq. Axşam saatlarında yaxınlarınızı xoş xəbərlərlə sevindirməyə çalışın.

Ailə üzvlərinizin istəklərini nəzərə alın.

Əkizlər - emosiyalarınızı nəzarətdə saxlayın. Hisslərinizi cilovlaya bilməsəniz, bunun heç bir yaxşı nəticəsi olmayacaq. Adi vaxtlarla müqayisədə münaqişələrin sayı sürətlə artır. Etiraf edin ki, belə situasiyanın formalaşmasında özünüz də suçlusunuz. İşdə həmkarlar və rəhbərlik istənilən səhvinizə diqqət yetirəcək, sizi nəzarətdə saxlayacaqlar. Təkbaşına gördüyünüz böyük həcmdə işi onlar görməyəcəklər.

Günün ikinci yarısında mühüm məsələləri yaxınlarınızla müzakirə etməyin. Problemləri təkbaşına həll etməyə çalışmayın. Seçiminiz sual doğura bilər. Həll və çözüm axtarışını bir qədər ertələməyə can atın.

Axşam saatlarında gəzintiyə çıxmayın.

Xərçəng - bu gün əməlli-başlı çalışmalısınız. Əldə edəcəyiniz uğurlar gələcək qələbələrinizin rəhni ola bilər. Yeni işgüzar münasibətlərə başlamaq üçün pis zaman deyil. Yeni müttəfiqlər və hamilər axtarışına başlamaq olar. Səyləriniz əbəs olmayacaq. Gördüyünüz işlərə görə mükafat və ya ödəniş əldə etmək asan olmasa da, narahat olmayın. Sonucda ödəniş səxavətli olacaq.

Günün ikinci yarısında bilik və informasiya əldə etmək, yaxşı məsləhətlər almağa can atın. Peşəkar fəaliyyət sahəsində başqasının təcrübəsindən yararlana bilərsiniz. Şəxsi münasibətlərinizin rəvan olmasına çalışın.

Axşam saatlarında səhhətinizdə problemlər yarana bilər. Narahat olmayın, ciddi ağrılar olmayacaq.

Şir - günün ilk yarısında aktiv və qətiyyətli olun. Peşəkar fəaliyyət sahəsində əhəmiyyətli uğurlar əldə edə bilərsiniz. Saatlar keçdikcə sədlər və maneələrin sayı artacaq. Etibar etdiyiniz müttəfiqə, köhnə dosta üz tutaraq yardım istəyə bilərsiniz. Bununla belə, müraciətinizə rədd cavabı da istisna deyil.

Yeni işgüzar təmaslara və əməkdaşlığa başlamaq olar. Yerinə yetirilməsi çətin, bəzən də mümkünsüz vədlər verməyin.

Şəxsi münasibətlərdə intuisiyaya bel bağlayın. Diqqətli olsanız, səhvlərin sayı azalacaq, dürüst həllin tapılması sürətlənəcək.

Nagahani etiraf, nəzərdə tutulmamış görüş istisna deyil.

Qarşı tərəfin rəğbətini qazanmağa çalışın.

Qız - günün ilk yarısında maksimum dərəcədə ehtiyatlı davranın. Sizi aldatmağa, fırıldaq və kələyin qurbanı etməyə çalışan insan var. Mənfi təmayüllərin təsiri saatlar keçdikcə azalacaq. Son vaxtlar sizi narahat edən bir sıra məsələlər həllini tapa bilər. Yeni işlərə başlamağa tələsməyin. Həmin işləri həyata keçirəcəyiniz yolda dəf ediləsi çox çətin problemlər yarada bilər.

Günün ikinci yarısında bəzi planları dəyişmək, nəzərdə tutulmuş əyləncələrdən imtina etmək gərəkdir. Çətin vəziyyətə düşmüş yaxınınıza yardım edin. Maliyyə probelmləri yaranarsa, onları çözməyin yollarını arayın.

Qəfil hədiyyə və gəlir istisna deyil.

Tərəzi - əsas məsələ sakitliyi qorumaq və ya heç olmasa, belə görüntü yaratmaqdır. Qeyri-rəvan, gərgin gündür. Mahiyyət etibarilə pis zaman deyil. Sadəcə, başınızı itirməyin, çaş-baş qalmayın. Yeni layihə və işlərin reallaşdırılmasında irəliləyə bilərsiniz.

Daşınmaz əmlakla bağlı anlaşmalara nail olmaq, habelə ev üçün nə isə almaq olar.

Təmkinli və səbrli olsanız, yaranmış problemləri həll etməklə yanaşı yeni layihələrin gerçəkləşdirilməsinə başlaya bilərsiniz.

Günün ikinci yarısı faydalı məlumatın əldə olunması, yarımçıq işin başa çatdırılması istisna deyil. Sırf məişət məsələləri, praktiki məqamlarla bağlı ailədə fikir ayrılığı yarana bilər. Ciddi anlarda yaxınlarınız və ailə üzvləriniz sizi dəstəkləyəcəklər.

Əqrəb - bu günə hansısa mühüm işi planlaşdırıbsınızsa, təkbaşına və müstəqil işləməyə hazır olun. Müttəfiqlərlə dil tapmaq asan deyil. Sizi yanlış anlayacaqlar. Birgə layihələrin həyata keçirilməsi fikir ayrılıqları və münaqişələr yarada bilər.

Sənədlərlə çalışmaq, yaxın gələcəklə bağlı planlar qurmaq, maliyyə məsələlərini həll etmək olar.

Günün ikinci yarısında yaxınlarınızla münasibətlər rəvan və harmonik olacaq. Səmimiyyət, qayğı, diqqətə ehtiyacı olanların istəklərini nəzərə alın. Öz niyyət və planlarınızı da gizlətməyin. Sizə dəyər verən insanlar yardımlarını əsirgəməyəcəklər.

Oxatan - aktiv və qətiyyətli olun. Sizinlə mübahisə etmək çətindir. Amma bu, o demək deyil ki, bütün məsələlərdə haqlısınız. Yaxın ətrafınızdakı insanların barənizdə dedikləri sözlərə diqqətlə qulaq asın. Səfər və səyahətlər planlaşdırılandan artıq vaxt alacaq. Qəfil təxirəsalma və gecikmə mühüm görüşün baş tutmamasına səbəb ola bilər. Amma narahat olmayın, görüşəcəyiniz insan sinirlənməyəcək.

Günün ikinci yarısı maliyyə məsələlərinin həlli üçün düşərli zamandır. Anlaşmalar, sövdələşmələr, alış-veriş üçün pis vaxt deyil. Yaradıcılıq potensialının səviyyəsi yüksəkdir. Təxəyyül və bacarıq tələb edən işlərdə aktiv olun.

Oğlaq - peşəkar fəaliyyət sahəsində çiyinlərinə düşən yüklər az deyil. Yeni öhdəliklər və qayğılar peyda olur. Gördüyünüz əməyin müqabilində istədiyiniz məbləği ala bilmirsiniz. Vaxtınızı dürüst dəyərləndirsəniz, çox iş görə bilərsiniz. Uğurlarınız məhsuldar çalışa bilməyən insanlarda paxıllıq yaradır.

Günün ikinci yarısında aldığınız bütün məlumatları və informasiyaları yoxlayın. Kimsə sizi aldatmağa, manipulyasiyalarının qurbanına çevirməyə çalışacaq.

Şəxsi münasibətlərdə irəliləyiş baxımından əlverişli zamandır. Yaxınlarınızla təmaslarda heç bir çətinlik çəkmədən ümumi dil tapacaqsınız.

Ailə üzvlərinin xətrinə dəyməyin. Sərt və aqressiv olmayın.

Dolça - özünüzü həddən artıq yormayın, görə biləcəyiniz işlərə başlayın. İmkan və potensialınızın hüdudsuz olmadığını bilin. İfrat yorğunluq qıcıq mənbəyi ola bilər. Başağrısı və yuxusuzluq yarada biləcək məqamların sayının azaldılmasına çalışın.

Ən mühüm işlərdən savayı yerdə qalan işlərin hamısını başqalarına həvalə edə bilərsiniz.

Günün ortalarında mühüm görüşlər keçirmək olar. Bir şərtlə ki, həmin qarşılaşma xoş ortamda olsun.

Yeni tanışlıqlar, maraqlı görüşlər istisna deyil. Yaxın ətrafınızdakı insanlarda özünüzlə bağlı xoş təəssürat yaratmağa çalışın.

Yeni münasibət qurularsa, onun ömrü uzun olacaq.

Balıqlar - uğurlu gündür, çətin problemlərinizi həll edə bilərsiniz. Rəqiblər və bədxahlarla müqayisədə mürəkkəb işləri daha tez başa vura bilərsiniz. İşgüzar tərəfdaş və ya işdəki rəhbərliklə münasibətlərinizdəki çoxdankı ixtilafı çözə bilərsiniz. Peşəkar mövqelərinizi daha da möhkəmləndirin. Amma son vaxtlar bədxahlarınızı dəstəkləyən insanların son zamanlar mövqelərini dəyişməsi şübhəlidir. Buna inanmayın.

Günün ikinci yarısı olaylarla zəngin olacaq. Sizinlə maraqlanacaqlar. Amma əfsuslar olsun ki, onların arasında diqqətə və etibara layiq olmayanlar az deyil.

Ümumi işə başlamazdan əvvəl bu insanın davranışına diqqətlə nəzər salın.

Ölkə.Az

ŞƏRH YAZ
0

Bu bitki müqəddəs bağlarda yetişdirilib, mumiyalara vurulurdu...

Bu bitki müqəddəs bağlarda yetişdirilib, mumiyalara vurulurdu...
00:29
Bu gün
2621
Maraqlı
A
Vaxtilə lavanda bitkisi ticari, mədəni və dini əhəmiyyət daşıyırdı. Qədim misirlilər onu müqəddəs Fiva bağlarında yetişdirirdi. Misirdə mumiyaların balzamlanmasında istifadə edilən maddənin əsas komponentlərindən biri də lavanda olub. Keçən əsrin 20-ci illərində Misir fironu Tutanxamonun mumiyasından ətirli lavandanın qalıqları tapılıb. Deməli, lavanda min illər boyu öz ətrini saxlaya bilir.

"Ölkə.Az" AzərTac-a xəbər verir ki, gözəl ətrinə və dadına görə lavanda qədim zamanlardan tanınırdı. Qədim romalılar bitkidən suyu ətirləndirmək üçün istifadə edirdilər. Latınca “lavare” yuyunmaq deməkdir, lavandanın adı da elə həmin sözdən götürülüb. Orta əsrlərdə lavanda həm ədviyyat, həm də dərman bitkisi kimi çox yüksək qiymətləndirilirdi. Onu qurudaraq digər ətirli bitkilərə qarışdırıb kiçik kisəciklərə doldurur, kisəciklərin ağzı tikilir və quru yerdə saxlanılırdı. Ətirli kisəciklərdən ağrılı nahiyəyə qoymaq üçün və miqren xəstəliyi zamanı geniş istifadə edilirdi. Lavanda parazit cücüləri, milçəkləri və s. qovmaq üçün şkaflara və ipək parçaların arasına səpilirdi.

Onu əsasən iki məqsədlə- ədviyyat kimi və efir yağlarının alınması üçün yetişdirirdilər. Lavandadan ən çox Fransada efir yağı istehsal edilir və il ərzində ondan 60-70 ton efir yağı alınır. Distillə yolu ilə alınan efir yağından tibb, kosmetologiya və ətriyyat sahəsində istifadə edilir. Lavanda spirti antiseptik vasitə kimi bəzi məlhəmlərin tərkibinə daxildir. Bunlardan əlavə lavanda ədviyyat bitkisi kimi italyan, fransız və ispan kulinariyasında, xüsusilə ətli yeməklərin hazırlanmasında geniş tətbiq edilir. Onun ətrini daha da gücləndirmək üçün şüyüd və adaçayı ilə birlikdə istifadə edirlər.

Fransada bitki diuretik, Avstriyada sakitləşdirici kimi tətbiq olunur. Bolqarıstanda bitkinin çiçəklərindən sinir və həzm sistemi xəstəliklərində, Polşada isə dəmləməsindən orta qulağın iltihabı (otit) zamanı istifadə edirlər.

Revmatizm xəstəliyinin, taxikardiya və miqren tutmaları zamanı lavanda yağı spirtdə həll olunaraq qəbul edilir. Lavanda qrip xəstəliyi zamanı müsbət təsir göstərir, oyanıqlığı azaldır, yuxusuzluğun, isterik reaksiyaların qarşısını alır, istənilən dəriyə müsbət təsir göstərir. Lavanda orqanizmin infeksion xəstəliklərə qarşı müqavimətini artırır, iltihab əleyhinə təsirinə görə sistit, uretrit və vaginitlərin müalicəsində istifadə edilir, şlakları orqanizmdən xaric edir.

Ölkə.Az

ŞƏRH YAZ
0
BAĞLA