Bu gün UEFA Millətlər Liqasının qalibi müəyyənləşəcək

Bu gün UEFA Millətlər Liqasının qalibi müəyyənləşəcək
16:37
09.06.2019
1197
İdman
A
Bu gün UEFA Millətlər Liqasında 3-cü yer uğrunda və final oyunları keçiriləcək.

"Ölkə.Az" bildirir ki, Portuqaliyada təşkil olunmuş "dördlər finalı"nın həlledici görüşündə meydan sahibləri ilə Hollandiya yığması üz-üzə gələcək. Onların yarımfinalda müvafiq olaraq, üstələdikləri İsveçrə və İngiltərə milliləri isə 3-cü yer uğrunda matça çıxacaqlar. Bu komandaların hamısı A Liqasında qrup qalibi olub. 

İlk dəfə təşkil olunan Millətlər Liqasının qalibinə 71 sm-lik gümüş kubokdan əlavə, 7,5 milyon avro pul mükafatı veriləcək. Finalda uduzan komanda isə 6,5 milyon avroya sahib olacaq.

UEFA Millətlər Liqası

3-cü yer uğrunda görüş

17:00. İsveçrə - İngiltərə
Gimaraynş (Portuqaliya), "Estádio D. Afonso Henriques"

FİNAL
22:45. Portuqaliya - Hollandiya
Portu (Portuqaliya), "Estadio do Dragao"

Ölkə.Az

ŞƏRH YAZ
0

Elxan Məmmədovun UEFA-nın baş katibiylə dron müzakirəsi

Elxan Məmmədovun UEFA-nın baş katibiylə dron müzakirəsi
13:27
Bu gün
167
İdman
A
İsveçrənin Nyon şəhərində, UEFA-nın mənzil-qərargahında AFFA-nın baş katibi Elxan Məmmədov Avropa futbol təşkilatındakı həmkarı Teodor Teodoridislə görüşüb.

"Ölkə.Az" xəbər verir ki, görüşdə bir sıra məsələlər müzakirə olunub.

 Elxan Məmmədov Avropa və dünya çempionatlarının seçmə mərhələ oyunlarında VAR sisteminin tətbiq olunmasını təklif edib. T.Teodoridis bildirib ki, bu ilin noyabr ayının sonunda Buxarest şəhərində UEFA-nın üzvü olan bütün Milli Assosiasiyaların rəhbərləri ilə keçiriləcək ənənəvi görüşdə UEFA prezidenti Aleksander Çeferinin təşəbbüsü əsasında bu məsələ ətrafında fikir mübadiləsi aparılacaq, prezentasiya təqdim olunacaq və seçmə mərhələ qarşılaşmalarında VAR-ın mümkün olub-olmaması müzakirəyə çıxarılacaq.

UEFA-nın baş katibi ilə müzakirə olunmuş digər məsələ oyunlar zamanı stadionların üzərində idarə olunan uçuş aparatlarının – dronların istifadəsi ilə bağlı olub və bildirilib ki, təhlükəsizlik baxımından bu kimi hallara xüsusi diqqət yetirilməlidir.

Daha sonra Elxan Məmmədov Avro 2020-nin Bakıda keçiriləcək 4 oyununa hazırlıqla bağlı UEFA-nın baş katibinə ətraflı məlumat verib.

ŞƏRH YAZ
0

İrandan "Traktor"un futbolçusuna qarşı şok addım!

İrandan
06:05
Bu gün
599
İdman
A
İran Futbol Federasiyası misli görünməmiş biabırçılığa imza atıb.

"Ölkə.Az" xəbər verir ki, İFF Təbrizin "Traktor" futbol klubunun oyunçusu Mehdi Babrinin müvəqqəti olaraq futboldan uzaqlaşdırılması haqda qərar verib.

İFF bu rüsvayçı qərarı Azərbaycan türkü olan Mehdi Babrini Türkiyənin PKK terror təşkilatına qarşı həyata keçirdiyi "Barış Pınarı" əməliyyatına dəstək verdiyi və instaqram hekayəsində Türkiyə bayrağını paylaşdığı üçün verib.

Qeyd edək ki, İran hökuməti Türkiyənin PKK-ya qarşı həyata keçirdiyi antiterror əməliyyatına qarşı çıxıb.(avropa.info)

Ölkə.Az

ŞƏRH YAZ
1
BAĞLA