Bu gün Uşaq Xərçəng Xəstəlikləri ilə Mübarizə Günüdür

"Ölkə.Az" xəbər verir ki, bu gün bütün dünyada onkoloji xəstəliklərdən əziyyət çəkən uşaqlara və onların ailələrinə kömək edilir və əhali maarifləndirilir. 

Bu gün həm də xərçəngdən əziyyət çəkən uşaqlara dünya ictimaiyyətinin diqqətini yönəltmək və onların problemlərinə şərik olmaq üçün şüarlar səslənilir. Bundan başqa bütün dünya xərçəng xəstəliyindən vəfat etmiş uşaqların xatirəsi anılır,  xərçəngə qalib gəlmiş uşaqların fədakarlığı qeyd edilir.
Uşaqlar arasında xərçəng  xəstəlikləri az olsa da, bütün xərçəng xəstəliklərinin 0.5%-1.5%-ni təşkil edir. Dünyada il ərzində hər 1 milyon uşaqdan 150-200 nəfərində xərçəng xəstəliyi qeydə alınır.

Uşaqlar arasında ən çox rast gəlinən xərçəng xəstəliyi leykemiyadır. Bu qeydə alınan bütün xərçəng xəstəliklərinin 30%-ni təşkil edir. Digər rast gəlinən yayılmış növü isə mərkəzi sinir sisteminin şişləri və limfomalardır. 

Statistikaya görə 2013-cü ildən 2017- ci ilə qədər  Azərbaycanda 620 uşaq onkoloji xəstəliyə görə qeydiyyata götürülüb. 

Ölkə.Az