Bu hallarda təcili yardım gözləmək vaxt itkisidir — Xəstəni öldürən 5 məqam

Bu hallarda təcili yardım gözləmək vaxt itkisidir
00:04
12.06.2019
1791
Maraqlı
A
Elə kritik və insan üçün həyati təhlükəli məqamlar olur ki, yaxınları, ətrafdakı insanlar təcili yardım çağırıb, bununla da düzgün hərəkət etdiklərini düşünürlər. Amma bu vəziyyətlərdə təcili yardımı gözləməyə sərf olunan vaxt xəstənin həyatının sonu ola bilər.

“Ölkə.Az” Medicina.az-a istinadən xəstəni və ağır vəziyyətdə olan insanı təcili yardım gözləmədən ilk yardım göstərib, lazım gələrsə yaxınlıqdakı xəstəxanaya çatdırmağı labüd edən kritik vəziyyətləri təqdim edir.

1. Arterial qanaxma

Çox güclü, intensiv qanaxma zamanı qan sanki fontan vurur və qısa müddətdə litrlə qan itirilir. Əgər qanaxma dayandırılmasa, xəstə öləcək, hətta təcili yardım gəlsə də gec olacaq. Bu zaman qan axan hissəyə barmağınızı salıb tıxac yaratmalı və ya jqut qoymalısız. Təcili yardım 10-15 dəqiqəyə gələcəksə, vaxt itirmədən yola çıxıb, təcili yardıma yolunuzu deyib ya yolda qarşılaşmalı, ya da yaxın xəstəxanaya çatdırmalısınız.

Daha bir arzuolunmaz qanaxma ağciyər qanamasıdır. Bu zaman qan nəfəs yollarını tutur.  Xəstəni elə çevirmək lazımdır ki, qan çölə axsın və o boğulmasın. Ona su, dərman, qida vermək olmaz.

2. Nəfəs borusunda yad cisim qalması

Daha çox uşaqlarda rast gəlinən bu halda yad cismi çıxarmağa vaxt sərf etmək olmaz. Tənəffüs yolları blok olduqda, xəstə göyərir, huşunu itirir.

Əgər bacarırsınızsa, Qeymlix metodu tətbiq olunur. Bu effekt vermədikdə, xəstə təcili olaraq maşınla yaxınlıqdakı xəstəxanaya çatdırılmalıdır.

3. Hipoqlikemik koma

Bu, qanda qlükozanın səviyyəsinin kritik dərəcədə enməsidir. Əvvəlcə xəstə özünü narahat hiss edir, əl-ayaq əzələləri boşalır, tərləyir, su içmək istəyir, ürəyi sürətlə döyünür, sifəti qızarır. Vaxtında bu məqamı tutub, ona şirin su, çay, qənd versəniz vəziyyət düzələ bilər. Əgər vaxt keçsə, onda qıcolmalar başlayacaq və huşunu itirəcək.

Təcili olaraq xəstəxanaya çatdırılmalıdır. Əgər təcili yardım 10 dəqiqə gec gəlsə, xəstə komaya düşür. Ona təcili venadaxili qlükoza köçürülməlidir. Evdə və ya yaxında bunu bacaran varsa, dərhal aptekdən qlükoza alıb köçürmək olar.

Hipoqlikemik koma daha çox gənclərdə və diabet xəstələrində olur.

4. Uşaqlarda yalançı inağ

1-6 yaş uşaqlarda infeksiya fonunda yaranır. Əsas təhlükəsi qırtlağın stenozudur ki, tənəffüsü çətinləşdirir. Əvvəlcə inağ kimi hürücü öskürək olur, sonra uşağın ağır nəfəs alması, daha sonra göyərməsi başlayır.

Bu zaman uşağın daha yaxşı nəfəs alması üçün bütün pəncərələri açmalı, isti su dolu vannaya uşağı salmaq lazımdır. Təcili yardım gələnə kimi bunları edə bilməsəniz, maşınla təcili olaraq yaxınlıqdakı xəstəxanaya aparılmalıdır.

5. Nəbzin və tənəffüsün dayanması

Bu, ağciyər-ürək çatışmazlıqlarında olur. Əgər nəbz varsa, tənəffüs yoxdursa, deməli nəfəs yolunu təmizləmək, dili çıxarmaq və süni nəfəs vermək lazımdır.

Əgər nəbz də yoxdursa, dəqiqədə 30-40 dəfə olmaqla ürək masajı edib, süni tənəffüs verilməlidir.

Təcili yardım gələnə kimi bunlar mütləq olunmalıdır.

Ölkə.Az

ŞƏRH YAZ
0

Bakıda dron yarışması keçirildi — FOTO

Bakıda dron yarışması keçirildi
21:03
Bu gün
1093
Maraqlı
A

Heydər Əliyev Mərkəzində “InnoWeek – İnnovasiya həftəsi” çərçivəsində “Roboday” festivalı keçirilib. Festivalda müxtəlif robotlarla ünsiyyət qurmaq imkanı yaradılıb, gənc nəslin dron və robotlarla ilkin tanışlığı, ümumilikdə robototexnika sahəsi üzrə maarifləndirilmə məqsədi ilə müxtəlif təlimlər keçirilib, robot şouları nümayiş olunub.

“Dron”, “Robofutbol” və “Robosumo” yarışları uşaqların böyük marağına səbəb olub. Əyləncə zonasında isə “Formula-1”in avtomobil simulyatorları yerləşdirilib.

Həmçinin “Roboday” festivalı çərçivəsində gələcəyin yenilikçi texnologiya mühəndislərinin yetişməsinə töhfə vermək, kiçik yaşlardan bu sahəyə maraq aşılamaq məqsədilə STEAM (Science, Technology, Engineering, Art, Math – Elm, Texnologiya, Mühəndislik, İncəsənət, Riyaziyyat) təhsil proqramları barədə məlumat verilib.

Festivalı “Zəfər” Şəhid Ailələrinə Dəstək İctimai Birliyinin təşkilatçılığı ilə şəhid övladları, müxtəlif məktəblərin şagirdləri, uşaq evlərinin sakinləri ziyarət ediblər.

Festival Nəqliyyat, Rabitə və Yüksək Texnologiyalar Nazirliyi və İnnovasiyalar Agentliyinin təşkilatçılığı ilə baş tutub.

ŞƏRH YAZ
0

Tanınmış aparıcıya milyon dollarlıq toy hədiyyəsi

Tanınmış aparıcıya milyon dollarlıq toy hədiyyəsi
11:22
Bu gün
3066
Maraqlı
A
Ebru Şallıya toy hədiyyələri bitmir ki, bitmir.

Toy günü Ebru Şallıya 200 TL-lik brilyant üzük hədiyə edən nişanlısı Uğur Akkuş toydan sonra milyon dollar həcmində sürpriz bir hədiyyə bağışlayıb.

“Ölkə.Az” xəbər verir ki, Uğur Akkuş Bebekdəki villasını da Ebru Şaliyə hədiyyə edib və mülkin sənədini onun adına keçirib. Villanın dəyəri bir milyon dollardan artıqdır.

Şallə dəniz mənzərəsinə açılan villanı yenidən öz zövqünə uyğun şəkildə düzəldək.

Cütlüyün toyu ötən ay olub. 

Ölkə.Az
 

 

ŞƏRH YAZ
0
BAĞLA