“Bu hər bir ölkənin təhlükəsizliyi üçün zəmanətdir” — Putin MDB ölkələrinə səsləndi

“Bu hər bir ölkənin təhlükəsizliyi üçün zəmanətdir”
21:43
11.10.2017
147
Dünya
A
MDB ölkələri terrorla mübarizə və pul yuyulması sahəsində informasiya mübadiləsini artırmaq niyyətindədir.

“Ölkə.Az” xəbər verir ki, bunu Rusiya prezidenti Vladimir Putin MDB dövlət başçılarının sammitinin geniş tərkibli iclasında bildirib. Onun sözlərinə görə, MDB ölkələri səlahiyyətli orqanlar vasitəsilə informasiya və təcrübə mübadiləsini artırmaq niyyətindədir.

“MDB ölkələri terrorizmlə və çirkli pulların yuyulması ilə mübarizə sahəsində informasiya mübadiləsini gücləndirmək fikrindədirlər. Biz xarici siyasət və təhlükəsizlik sahəsinə dair məsələlərdə sıx əlaqələri davam etdirmək niyyətindəyik. Qarşılıqlı əlaqələr nəticəsində bu sahədə baş verən cinayətləri müəyyən edə və cinayətkarları həbs edə bilərik. Bu sahədə əməkdaşlıq hər bir ölkənin təhlükəsizliyi üçün zəmanətdir”, - deyə V.Putin bildirib.

Ziya Səccad
Ölkə.Az

ŞƏRH YAZ
0

Afrində daha üç bölgə terrorçulardan təmizlənib

Afrində daha üç bölgə terrorçulardan təmizlənib
00:05
Bu gün
358
Dünya
A
Türkiyə Silahlı Qüvvətləri və Azad Suriya Ordusu “Zeytun Budağı” əməliyyatı çərçivəsində Afrinin Üst Hacıkanlı, Aşağı Hacıkanlı və Dərviş Obası kəndlərini terrorçulardan azad ediblər.

“Ölkə.Az” xəbər verir ki, əməliyyatların başlanmasından bu yana TSK və əməliyyatlara dəstək verən OSO qüvvələri, Afin, bir rayon mərkəzi, 45 kənd, 3 şəhərətrafı qəsəbə və 17 strateji dağ və ya təpə PYD/PKK terrorçularından təmizlənib.

Ölkə.Az

ŞƏRH YAZ
0

Silahlı insidentin baş verdiyi məktəbin şagirdləri etiraz aksiyasına hazırlaşırlar

Silahlı insidentin baş verdiyi məktəbin şagirdləri etiraz aksiyasına hazırlaşırlar
23:15
18.02.2018
331
Dünya
A
Ötən həftə Florida ştatındakı məktəbdə baş verən və 17 məktəblinin ölümü ilə nəticələnən silahlı insidentdən sonra bir neçə şagird ABŞ-ın paytaxtı Vaşinqtona kütləvi yürüş etməyə çağırıblar.

"Ölkə.Az" "Azərtac"a istinadən xəbər verir ki, martın 24-də keçiriləcək “Həyatımız üçün yürüş” adlanan etiraz aksiyası vasitəsilə məktəblilər ABŞ hökumətini silah satışına nəzarətin artırmasına və silah dövriyyəsinin tənzimlənməsinə dair yeni qanunların qəbul olunmasına çağıracaqlar. Təşkilatçılar baş vermiş qətliamın silah satışı qaydalarında və ümumiyyətlə, Amerika cəmiyyətində silahlardan istifadə olunması sahəsində dönüş yaradacağına inanırlar. Onlar bildiriblər ki, indiyədək məktəblərdə baş verən və şagirdlərin ölümü ilə nəticələnən silahlı hücumlardan sonra qanunvericilərin hərəkətsizliyi və laqeyd yanaşması bu faciələrin davam etməsi ilə nəticələnir.

Vaşinqtonla yanaşı, ölkənin digər şəhərlərində də etiraz aksiyalarının keçirilməsi planlaşdırılır. Təşkilatçılardan olan Kameron Kaski deyib ki, bu aksiya nə iqtidarda olan Respublikaçılara, nə də Demokratlara qarşı yönəlmiş hərəkat deyil. Milli Silah Assosiasiyasından maddi yardım alan hər bir qanunverici və hökümət nümayəndəsi belə faciənin baş verməsində günahkardır. Təşkilatçılar deyib ki, öz maraqlarını güdən və silah satışlarını artırmağa çalışan Milli Silah Assosiasiyası Amerikada silahdan istifadənin genişlənməsini təbliğ edir.

Milli Silah Assosiasiyası və silah hüquqları müdafiəçiləri hər vətəndaşların silah sahibi olmasını konstitusional hüquq sayırlar. Qurum silah satışına nəzarət edən qanunların dəyişməməsi və hətta yumuşaldılması üçün hər il qanunvericilərin və müxtəlif namizədlərin seçki kampaniyalarına maddi yardım göstərir. Donald Trampın Milli Silah Assosiasiyasından indiyədək 30 milyon dollara yaxın maddi yardım aldığı bildirilir.

Xatırladaq ki, fevralın 14-də Florida ştatındakı Marcori Stounman Duqlas məktəbində 19 yaşlı Nikolas Kruz tərəfindən törədilmiş silahlı insident nəticəsində 17 nəfər həlak olub, 14 nəfər yaralanıb. N.Kruz bu qanlı qırğını “AR-15” avtomat tüfəngi ilə törədib.

Ölkə.Az

ŞƏRH YAZ
0
BAĞLA