Bu il 3825 sanator-kurort putyovkası verilib

Bu il 3825 sanator-kurort putyovkası verilib
20:44
12.10.2018
1058
Ölkə
A
Əmək və Əhalinin Sosial Müdafiəsi Nazirliyi (ƏƏSMN) tərəfindən bu il ərzində 3825 sanator-kurort putyovkası verilib.

"Ölkə.Az" bildirir ki, ƏƏSMN-dən trend-ə verilən məlumata görə, sanator-kurort putyovkaları Nazirlər Kabinetinin 12 avqust 2002-ci il tarixli 128 saylı Qərarı ilə təsdiq olunmuş qaydalara uyğun olaraq, ƏƏSMN yanında Dövlət Sosial Müdafiəsi Fondunun rayon (şəhər) şöbələri tərəfindən işləməyən əlillərə, Böyük Vətən müharibəsi əlilləri və iştirakçılarına, şəhid ailələrinə, valideynlərini itirmiş və valideyn himayəsindən məhrum olmuş uşaqlara, fövqəladə hallarda insanların xilas edilməsində, tibbi yardım göstərilməsində iştirak edərkən ziyan çəkmiş vətəndaşlara növbəlilik qaydasında verilir.

Həmçinin əlilliyi olan şəxslərin asudə vaxtının təşkili məqsədi ilə bu kateqoriyadan olan 1229 nəfər Lənkəran, Quba və Xaçmaz rayonlarında yerləşən istirahət mərkəzlərinə göndərilib. Nazirliyin “Əlillərin tibbi reabilitasiya və sosial-məişət problemlərinin həllinə köməklik göstərən Komissiyası”nın qərarı əsasında sosial müdafiəyə daha çox ehtiyacı olan 1085 nəfərin sosial-məişət problemlərinin həll edilməsinə, 52 nəfər əlilliyi olan şəxsin respublika daxilində müalicə olunmasına köməklik göstərilməsi məqsədilə birdəfəlik maddi yardımlar edilib.

Səhiyyə Nazirliyinin “Vətəndaşların respublikadan kənar müalicəyə göndərilməsi məsələləri üzrə Komissiyası”nın müvafiq rəyi əsasında 15 nəfər əlilliyi olan şəxsin respublikadan kənar müalicəyə göndərilməsinə müvafiq köməklik göstərilib.

Ölkə.Az

ŞƏRH YAZ
0

NATO Müdafiə Kollecinin nümayəndə heyəti Azərbaycana gəlib

NATO Müdafiə Kollecinin nümayəndə heyəti Azərbaycana gəlib
13:17
Bu gün
648
Ölkə
A
İtaliya paytaxtı Romada yerləşən NATO Müdafiə Kollecinin nümayəndə heyətinin Azərbaycana akademik səfəri başlayıb.

Bu barədə "Ölkə.Az"a Müdafiə Nazirliyinin mətbuat xidmətindən məlumat verilib.

Müxtəlif ölkələri təmsil edən yüz nəfərədək dinləyici və müəllim ölkəmizin iqtisadi, coğrafi, mədəni, tarixi, siyasi və təhlükəsizlik mühiti ilə tanış olacaq.

Səfər çərçivəsində müxtəlif dövlət qurumları və ali təhsil müəssisələrini ziyarət edəcək qonaqlara Azərbaycanın sosial-iqtisadi inkişafı, hərbi qüdrəti və qlobal təhlükəsizliyə verdiyi töhfəsi, eləcə də Ermənistan-Azərbaycan, Dağlıq Qarabağ münaqişəsi haqqında brifinqlər təqdim ediləcək.

Ölkə.Az

ŞƏRH YAZ
0

Sosial şəbəkədə tanışlıq, intim fotolar, şantaj — MƏHKƏMƏ

Sosial şəbəkədə tanışlıq, intim fotolar, şantaj
13:04
Bu gün
998
Ölkə
A
Bakı Apellyasiya Məhkəməsində hədə-qorxu yolu ilə tələb etmədə təqsirləndirilən Astan Əzizovun barəsindəki hökmdən verilən apellyasiya şikayəti üzrə məhkəmə başlayıb.

"Ölkə.Az"ın Oxu.Az-a istinadən verdiyi xəbərinə görə, hakim Rizvan Səfərovun sədrliyi ilə keçirilən iclasda təqsirləndirilən şəxsin anket məlumatları dəqiqləşdirilib. 

Daha sonra Astan Əzizovun apellyasiya şikayətinin dəlilləri müəyyən edilib. Məlum olub ki, Astan Əzizov barəsində olan hökmün ləğv edilməsini, bəraət hökmünün çıxarılmasını istəyir. 

Qeyd edək ki, Bakı Ağır Cinayətlər Məhkəməsinin hökmü ilə A.Əzizov səkkiz il azadlıqdan məhrum edilib.

İttihama görə, Astan Əzizov Sevinc Əliyevanı (ad və soyad şərti verilib – red.) şantaj edərək pul tələb edib. Astan Sevinclə sosial şəbəkədə tanış olub. 

Aralarında isti münasibət yaranan şəxslər biri-birinə intim şəkillərini göndəriblər. Bir müddət keçəndən sonra Astan Sevinci şantaj edib, onun intim şəkillərini sosial şəbəkədə yayacağı və qadını biabır edəcəyi ilə hədələyib.

Astan Əzizov bu şəkilləri yaymamaq üçün qadından ümumilikdə dörd min dollar pul tələb edib. Qadın tələb olunan pulu ona verib. Daha sonra Sevinc Əliyeva hüquq-mühafizə orqanlarına müraciət edib.

Keçirilən əməliyyat zamanı Astan Əzizov həbs edilib.

Ölkə.Az

 
ŞƏRH YAZ
0
BAĞLA