Bu il Azərbaycana gələn turistlərin kartla xərclədikləri — 1 milyard

Bu il Azərbaycana gələn turistlərin kartla xərclədikləri
23:19
15.10.2018
1287
İqtisadiyyat
A
Cari ilin doqquz ayı ərzində xaricdən gələn qonaqlar Azərbaycanda ancaq bank kartları ilə 1 milyard manat səviyyəsində pul xərcləyiblər.

“Ölkə.Az” xəbər verir ki, bunu Prezident İlham Əliyev oktyabrın 15-də Lənkərana səfəri çərçivəsində İstisu və Sağlamlıq Mərkəzinin təqdimatında çıxışı zamanı deyib.

"Bildiyiniz kimi, bütövlükdə turizmin inkişafı ölkəmizdə sürətlə gedir. Bu, prioritet məsələdir və son illər ərzində görülmüş tədbirlər nəticəsində ölkəmizə gələn qonaqların sayı kəskin şəkildə artmışdır. Gələn turistlərin sayı 2016-cı ildə 22 faiz, keçən il 20 faiz, bu ilin 9 ayında isə əlavə olaraq 6 faiz artıb. Doqquz ayda xaricdən gələn qonaqlar Azərbaycanda ancaq bank kartları ilə 1 milyard manat səviyyəsində pul xərcləyiblər. Ancaq bank kartları ilə xərclənən bu məbləğ ilin sonuna qədər daha da artacaq. Əlbəttə ki, onlar nağd pul da xərcləyirlər və bu, ölkə iqtisadiyyatına böyük dəstəkdir. Beləliklə, son illər ərzində turizmə göstərilən diqqət öz nəticəsini verir", - deyə dövlət başçısı bildirib.

O qeyd edib ki, turizmin inkişafını şərtləndirən bir çox amillər var və onların hamısı Azərbaycanda mövcuddur:

"İlk növbədə, nəqliyyat infrastrukturu - indi ölkəmizdə 6 beynəlxalq aeroport fəaliyyət göstərir. Onlardan biri Lənkəran aeroportudur ki, mənim təşəbbüsümlə hələ 10 il bundan əvvəl əsaslı şəkildə təmir olunub, demək olar ki, yenidən qurulub. İndi Lənkəran aeroportundan beynəlxalq reyslər təşkil edilir. İndi mənə məlumat verildi ki, həftədə 3-4 reys fəaliyyət göstərir. Bu, həm rayon sakinlərinin, həm cənub zonasında yaşayan vətəndaşların rahatlığını, həm də turistlərin gəlişini təmin edir".

Ölkə.Az

ŞƏRH YAZ
0

Azərbaycanda qızıl ucuzlaşıb

Azərbaycanda qızıl ucuzlaşıb
00:21
Bu gün
46
İqtisadiyyat
A
Azərbaycanda qızıl və gümüş ucuzlaşıb.

“Ölkə.Az” Trend-ə istinadən xəbər verir ki, yanvarın 16-da qızılın qiyməti yanvarın 15-i ilə müqayisədə 2,431 manat azalaraq 1 unsiya üçün 2192,6005 manat təşkil edib.

Gümüş 0,1644 manat ucuzlaşaraq 1 unsiya üçün 26,4819 manata bərabər olub.

Platinin qiyməti 8,67 manat azalaraq 1359,4475 manat, palladiumun qiyməti isə 3,009 manat artaraq 2257,464 manat təşkil edib.

Qeyd edək ki, troy unsiyası 31,1034768 qrama bərabər ölçü vahididir.

Ölkə.Az

ŞƏRH YAZ
0

Azərbaycan bir sıra Mərkəzi Avropa ölkələrində ticarət evləri aça bilər

Azərbaycan bir sıra Mərkəzi Avropa ölkələrində ticarət evləri aça bilər
22:46
16.01.2019
369
İqtisadiyyat
A
Azərbaycan bir sıra Mərkəzi Avropa ölkələrində ticarət evləri açmaq imkanlarını qiymətləndirir.

“Ölkə.Az” xəbər verir ki, bunu Trend-ə açıqlamasında Azərbaycanın Mərkəzi Avropa ölkələri üzrə ticarət nümayəndəsi Nemət Nağdəliyev deyib.

Ticarət nümayəndəsinin sözlərinə görə, hazırda təkliflərin istiqamətlənəcəyi bazarlar və tələbatlar öyrənilir: "Bu barədə danışmaq hələ tezdir. Lakin belə bir niyyət var və real imkanlar və zərurətlərlə müqayisə olunmalıdır. İndi Varşavadakı Ticarət Evi ilə bağlı çalışırıq. Paralel olaraq Xorvatiya, Çexiya və Almaniya bazarları öyrənilir".

N.Nağdəliyev bildirib ki, yanvarın 18-dən 27-dək Berlində keçiriləcək "Green Week 2019" Beynəlxalq sərgi-yarmarkasında Azərbaycan istehsallı məhsullar da təqdim olunacaq:

"Belə tədbirlərdə iştirak bizə öz məhsullarımızı təbliğ və təşviq etmək imkanı yaradır. Bizim məhsullarımızın üstünlüyü, əlbəttə ki, yüksək keyfiyyət və rəqabətli qiymətdir. Biz Avropa bazarlarında az təqdim olunan ixtisaslaşmış seqmentlərə də çıxa bilərik".

O əlavə edib ki, Ticarət Evinin açılması Azərbaycan məhsullarının Polşada tanıdılması baxımından çox yaxşı vasitə və mexanizmdir: "Bu, yerli əhalinin, biznes nümayəndələrinin və KİV-in Polşa bazarında hələ təqdim olunmayan məhsullarımızla tanış olması üçün yaxşı meydançadır. Hazırda distribüter və alıcıların cəlb edilməsi üzərində işləyirik".

Qeyd edək ki, dekabrın əvvəllərində Polşanın paytaxtı Varşavada Azərbaycan Ticarət Evi açılıb. Ticarət Evi “Made in Azerbaijan” brendinin Polşa bazarında daha çox tanıdılmasına, Azərbaycan məhsullarının ixracının təşviqi və genişləndirilməsinə dəstək göstərir, yerli məhsullarımızın Polşada satışını təşkil edəcək, sahibkarlar arasında bu sahədə əlaqələndirməni həyata keçirir.

Ticarət Evində Azərbaycan şirkətlərinin müxtəlif növ məhsullarının sərgisi də təşkil olunur. Daimi fəaliyyət göstərəcək sərgidə 30-a yaxın Azərbaycan şirkətinin istehsal etdiyi məhsullar, o cümlədən spirtli içkilər, quru meyvələr, nar, fındıq, çay, mürəbbə, meyvə suları, mineral sular, kosmetik məhsullar və s. nümayiş olunur.

Ölkə.Az

ŞƏRH YAZ
0
BAĞLA