Bu il Bakıda Novruz bayramı karvanı təşkil olunmayacaq

Bu il Bakıda Novruz bayramı karvanı təşkil olunmayacaq
17:17
13.03.2018
1346
Ölkə
A
Bu il Bakıda Novruz bayramı karvanı təşkil olunmayacaq.

“Ölkə.Az”ın məlumatına görə, paytaxtın bayram şənliyi proqramında dəvələr, süvarilər və faytonların müşayiəti ilə böyük karvanın təşkil olunması nəzərdə tutulmayıb.

Bakı Şəhər İcra Hakimiyyətindən bildirilib ki, bu il “İlaxır çərşənbə” Novruz bayramı ilə (martın 20-si) üst-üstə düşür. Ona görə də “İlaxır çərşənbə” ilə bağlı ayrıca mərasim olmayacaq. 

İcra Hakimiyyətindən qeyd edilib ki, bayramla bağlı rəsmi dövlət tədbiri keçiriləcək: “Karvanın təşkil olunub-olunmayacağına Mədəniyyət və Turizm Nazirliyi aydınlıq gətirə bilər”.

Mədəniyyət və Turizm Nazirliyinin İnformasiya və ictimaiyyətlə əlaqələr şöbəsinin müdiri Vüqar Şıxməmmədov isə deyib ki, indiyə qədər bayram karvanını Bakı Şəhər İcra Hakimiyyəti təşkil edib: “Nazirliyin öhdəsinə düşən bayram tədbirlərinin də siyahısı artıq məlumdur və ictimaiyyətə açıqlanıb. Tədbirlər planında Novruz bayramı karvanının təşkil olunması məsələsi nəzərdə tutulmayıb”.

Qeyd edək ki, hər il Bakı Şəhər İcra Hakimiyyətinin təşkilatçılığı ilə “İlaxır çərşənbə”si günü metronun “İçərişəhər” stansiyası və İcra Hakimiyyəti binasının arasındakı sahədən - qala divarları önündən Novruz personajları – Dədə Qorqud, Bahar qızı, Kosa, Keçəl və musiqi qruplarının iştirakı ilə dəvələr, süvarilər və faytonların müşayiəti ilə böyük bayram karvanı Suraxanı “Atəşgah”ına yola düşürdü. “Atəşgah”dan od götürən bayram karvanı Fəvvarələr meydanından Gənclər meydanına gələrək bayram tonqalını alovlandırır və Dədə Qorqudun Novruz xeyir-duası ilə incəsənət ustalarının iştirakı ilə bayram konserti və atəşfəşanlıq təşkil edilirdi.

ŞƏRH YAZ
0

İkinci əl avtomobillərə tələb artıb — SƏBƏB + VİDEO

İkinci əl avtomobillərə tələb artıb
01:15
Bu gün
875
Ölkə
A
"Ölkə.Az" xəzər tv-yə istinadla xəbər verir ki, hazırda paytaxtda ikinci əl avtomobil satan salonlara tələb kifayət qədər çoxdur.

Məsələn, avtomobillərdən birinin istehsal ili 2018-dir. Təzəsinin qiyməti 180 min dollar olduğu halda, bu, bir neçə ay sürülüb və cəmi 210 km. yol qət edib. Qiyməti isə 155 min dollardır. Yəni təzəsindən 25 min dollar uzuc, həm də zəmanəti var.

Avtomobil ustası Sahil Ağabəyli də təzəsini almaqdansa, pula qənaət məqsədilə az istifadə edilən avtomobilləri almağı tövsiyə edir. Ancaq sürücülərin aldana biləcəyini və ona görə də mütləq zəmanəti olan avtomobillərə üstünlük vermələrini məsləhət görür.

Avtomobil bazarını araşdıran Sərxan Qədirov isə deyir ki, ölkəmizdə Koreya və Yaponiya istehsalı olan avtomobillərin satışı geniş yayıldığı üçün bu kimi hallar həmin avtomobillərdə daha çox müşahidə edilir.

Onu da qeyd edək ki, belə avtomobillərə tələb böyük olduğundan onları tapmaq da asan olmur.

Ölkə.Az

ŞƏRH YAZ
0

Cocuq Mərcanlıda 25 ildən sonra məhsul istehsalına başlanılıb — VİDEO

Cocuq Mərcanlıda 25 ildən sonra məhsul istehsalına başlanılıb
00:19
Bu gün
1346
Ölkə
A
Cəbrayıl rayonunun Cocuq Mərcanlı kəndində 25 ildən sonra ilk dəfə kənd təsərrüfatı məhsulları becərilib.

"Ölkə.Az" xəzər tv-yə istinadəla xəbər verir ki, bir müddət əvvəl İqtisadiyyat Nazirliyinin və Türkiyənin Azərbaycandakı səfirliyinin birgə həyata keçirdiyi layihələr çərçivəsində kənddə istixana təsərrüfatları yaradılmışdı. Burada hər biri 160 kvadratmetr sahəyə malik polietilen örtüklü, tunel tipli 15 istixana qurulmuşdu. Artıq 25 ildir ki, əkilməyən həmin torpaqlardan bol məhsul əldə edilib.

Cocuq Mərcanlı fermerlərinə dəstək məqsədilə istixanalarda yetişdirilmiş 1100 kiloqram xiyar Dövlət Aqrar Ticarət Şirkəti tərəfindən satın alınıb. Bununla yanaşı, fermerlər məhsulun pərakəndə satışını da həyata keçirirlər.

Fermerlər növbəti illərdə digər kənd təsərrüfatı məhsulları da becərmək niyyətindədirlər.

Təsərrüfatlardan əldə olunacaq məhsulların satışına dəstək məqsədilə Dövlət Aqrar Ticarət Şirkəti ilə Cocuq Mərcanlı fermerləri arasında razılıq əldə olunub. Bu məqsədlə sözügedən qurumla fermerlər arasında memorandum imzalanacaq.

Ölkə.Az

ŞƏRH YAZ
0
BAĞLA