Bu il sahibkarlara nə qədər güzəştli kredit verilib?

Bu il sahibkarlara nə qədər güzəştli kredit verilib?
19:17
20.04.2018
796
İqtisadiyyat
A
İqtisadiyyat Nazirliyinin Sahibkarlığa Kömək Milli Fondu (SKMF) iqtisadiyyatın müxtəlif sahələrində fəaliyyət göstərən sahibkarlıq subyektlərinin maarifləndirilməsi və investisiya layihələrinin maliyyələşdirilməsi tədbirlərini davam etdirir.

 İqtisadiyyat Nazirliyindən “Ölkə.Az”a verilən məlumata görə, bu gün bu istiqamətdə növbəti tədbir Hacıqabul rayonunun Navahı qəsəbəsində keçirilib.

100-ə yaxın sahibkarın iştirak etdiyi işgüzar forumda sahibkarlara güzəştli kreditlərin verilməsi mexanizmi barədə məlumat verilib, Hacıqabul Sənaye Məhəlləsində sənaye məhsullarının istehsalı və emalı ilə bağlı hazırlanan kompozit və plastik qablaşdırma materiallarının istehsalı məssisələrinin, həmçinin rayonda prioritet hesab edilən quru meyvə istehsalı müəssisəsinin, müasir cins heyvandarlıq və taxıl anbarı kompleksi, intensiv bağçılıq, pambıqçılıq təsərrüfatlarının yaradılması üzrə nümunəvi investisiya layihələrinin təqdimatı keçirilib, kiçik həcmli investisiya layihələrinin ümumi dəyərinin 100%-dək hissəsinin dövlətin güzəştli kreditləri hesabına maliyyələşdiriləcəyi bildirilib, sahibkarlara nümunəvi layihələr və metodiki materiallar paylanılıb.

SKMF-nin icraçı direktoru Şirzad Abdullayev Fondun fəaliyyəti və bu ilin ötən dövrü ərzində verilmiş güzəştli kreditlər hesabına həyata keçirilən layihələr barədə məlumat verib. Bildirilib ki, 2018-ci ilin ötən dövrü ərzində sahibkarlıq subyektlərinin ümumi dəyəri 362 mln. manat olan investisiya layihəsinin maliyyələşdirilməsinə 52,3 mln. manat güzəştli kredit verilib. Bu kreditlər hesabına maliyyələşdirilən layihələrin reallaşdırılması 5550-dən çox yeni iş yerinin açılmasına imkan yaradır. Qeyd edilib ki, regionlarda sahibkarlıq fəaliyyətinin genişləndirilməsi, yerli ehtiyatlardan istifadə etməklə sənaye sahələrinin inkişafı, məşğulluqda sənayenin payının artırılması baxımından sənaye məhəllələrinin yaradılması böyük əhəmiyyət kəsb edir. Ş. Abdullayev Hacıqabul Sənaye Məhəlləsində fəaliyyət göstərəcək sahibkarları SKMF ilə fəal əməkdaşlığa və güzəştli kreditlərdən yararlanmağa dəvət edib.

İşgüzar forum çərçivəsində Aran iqtisadi rayonunda fəaliyyət göstərən sahibkarlıq subyektlərinə 434 min manatdan çox güzəştli kredit verilib. Verilən kreditlər əsasən, heyvandarlıq, pambıqçılıq, bağçılıq, meyvəqurutma müəssisəsinin yaradılması sahələrinin inkişafına yönəldiləcək. Bu kreditlərin reallaşdırılması hesabına 40-dan çox yeni iş yerinin açılması mümkün olacaq. Ümumilikdə, bugünkü tədbirdə verilən kreditlər də daxil olmaqla, Aran iqtisadi rayonunda fəaliyyət göstərən sahibkarlıq subyektlərinin 13700-dək investisiya layihəsinin maliyyələşdirilməsinə 568,5 mln. manat güzəştli kredit verilib.

Tədbir çərçivəsində Hacıqabulda dövlətin güzəştli krediti ayrılan müasir heyvandarlıq, əkinçilik və istixana komplekslərinə baxış keçirilib.

Qeyd edək ki, son illər ümumi dəyəri 476 mln. manat, ildə 100 min ton tərəvəz məhsulları istehsal etmək gücündə olan 62 müasir istixana kompleksinin yaradılmasına 203,6 mln. manat güzəştli kredit verilib.

ŞƏRH YAZ
0

Dünyanın ən bahalı şəhərləri — SİYAHI

Dünyanın ən bahalı şəhərləri
22:22
21.03.2019
1759
İqtisadiyyat
A
Dünyanın ən bahalı şəhərlərinin siyahısında ilk pillədə 3 şəhər qərarlaşıb.

“Ölkə.Az”ın məlumatına görə, bu barədə “Economist Intelligence Unit” tədqiqat mərkəzi məlumat yayıb.

Xəbərə əsasən, birinci yeri Honqkonq, Sinqapur və Paris tutub. 

Reytinq tərtib olunarkən kommunal xərclər, geyim, qida, yanacaq, mənzil, məktəb və digər xərclər nəzərə alınıb.

İlk onluqda həmçinin Sürix, Cenevrə, Osaka, Seul, Kopenhagen, Nyu York, Təl-Əviv və Los Anceles şəhərləri yer alıb.

Ən ucuz şəhərlər isə Karakas, Dəməşq və Daşkənd hesab olunub.

Ölkə.Az

ŞƏRH YAZ
1

Azərbaycanda iki ayda əhali bu xidmətə 306,9 milyon manat xərcləyib

Azərbaycanda iki ayda əhali bu xidmətə 306,9 milyon manat xərcləyib
17:06
21.03.2019
1197
İqtisadiyyat
A
2019-cu ilin yanvar-fevral ayları ərzində Azərbaycanda informasiya və rabitə müəssisələri 306,9 milyon manatlıq xidmət göstərib ki, onun da 71,5 faizi əhali tərəfindən istehlak olunub.

"Ölkə.Az" bildirir ki, 2018- ci ilin eyni dövrü ilə müqayisədə informasiya və rabitə xidmətlərinin dəyəri real ifadədə 9,3 faiz artıb, bu sahədə əldə edilmiş gəlirin 81,6 faizi qeyri-dövlət sektorunun payına düşüb.

Xidmətlərdən əldə edilən gəlirin 43,9 faizi və ya 134,8 milyon manatı mobil telefon rabitəsi sahəsində formalaşıb.

Ölkə.Az

ŞƏRH YAZ
0
BAĞLA