Bu ilin 6 ayı ərzində azərbaycanın kənd təsərrüfatında 13% artım qeydə alınıb

Bu ilin 6 ayı ərzində azərbaycanın kənd təsərrüfatında 13% artım qeydə alınıb
02:03
02.08.2019
1032
İqtisadiyyat
A
2019-cu ilin 6 ayı ərzində kənd təsərrüfatı məhsullarının ümumi istehsal həcmi ötən ilin müvafiq dövrü ilə müqayisədə 13% artıb. Bitkiçilik məhsullarının həcmində 25,6% (1,77 mlrd.manat), heyvandarlıq məhsullarının həcmində 2,9% artım (1,9 mlrd. manat) qeydə alınıb. Aqrar sahənin Ümumi Daxili Məhsulda payı 5,6 faizə çatıb.

"Ölkə.Az"a Kənd Təsərrüfatı Nazirliyindən verilən məlumata görə, ötən ilin müvafiq dövrü ilə müqayisədə bu ilin yanvar-iyun aylarında kartof istehsalı 10,3%, taxıl istehsalı (qarğıdalı da daxil olmaqla) 40,7%, tərəvəz istehsalı 13,8%, meyvə və giləmeyvə istehsalı 21,1%, bostan məhsulları istehsalı 37,5% artıb. Cari ilin 6 ayı ərzində ölkədə 335,7 min ton kartof, 2541,7 min ton taxıl (qarğıdalı da daxil olmaqla), 675,1 min ton tərəvəz, 125,2 min ton meyvə və giləmeyvə, 54,8 min ton bostan məhsulları istehsal olunub.

2019-cu ilin ilk yarısında ölkədə heyvandarlıq məhsullarının istehsalında da ciddi artım qeydə alınıb. Diri çəkidə ət istehsalı 3%, süd istehsalı 2%, yumurta istehsalı 4,5%, yun istehsalı 0,8% artıb. Yanvar-iyun aylarında ölkədə 252,5 ton diri çəkidə ət, 1037,2 ton süd, 926,9 milyon ədəd yumurta, 14,6 min ton yun istehsal olunub.
2019-cu ilin 6 ayı ərzində 411,8 milyon ABŞ dolları həcmində kənd təsərrüfatı məhsulları ixrac olunub. Kənd təsərrüfatı məhsullarının ixrac həcmi ötən ilin müvafiq dövrünə nəzərən 27,9% artıb. Yanvar-iyun aylarında ölkədən 181,3 milyon dollar dəyərində kartof və tərəvəz məhsulları, 137,2 milyon dollar dəyərində meyvə, 75,7 milyon dollar dəyərində pambıq lifi, 6,4 milyon dollar dəyərində tütün xammalı ixrac olunub. Ötən ilin müvafiq dövrü ilə müqayisədə bu ilin yanvar-iyun aylarında ölkədən meyvə ixracı 42,2% artıb.

2019-cu ilin 1 iyul tarixinə kimi 798,1 min hektar taxıl sahəsində biçin aparılıb. Ümumi taxıl sahələrinin 76,6%-i, o cümlədən, buğda sahələrinin 69,9%-i, arpa sahələrinin isə 94,5%-i biçilib. Sahələrdən 1,6 milyon ton buğda, 964,6 min ton arpa yığılıb ki, bu da keçən ilin eyni dövrü ilə müqayisədə müvafiq olaraq 60,0% və 18,9% çoxdur. 1 iyul tarixinə buğdanın məhsuldarlığı 33.2 sent/ha, arpanın məhsuldarlığı isə 29.9 sent/ha olub ki, bu da ötən ilin eyni dövrü ilə müqayisədə müvafiq olaraq 2,3 sent/ha və 2,2 sent/ha çoxdur.

Yanvar-iyun aylarında respublika üzrə 636.6 ton barama tədarük edilib ki, bu da keçən ilin müvafiq dövrünün göstəricisi ilə müqayisədə 24% çoxdur.

Ölkə.Az

ŞƏRH YAZ
0

Mikayıl Cabbarovdan Azərbaycan investorlarına çağırış

Mikayıl Cabbarovdan Azərbaycan investorlarına çağırış
23:54
11.12.2019
591
İqtisadiyyat
A
Azərbaycan hökuməti ölkə iqtisadiyyatına sərmayə qoyan hər kəsi dəstəkləyir və bu səbəbdən Şura təbii və ya süni xarakterli problemlər barədə nazirliyi məlumatlandırmalıdır.

"Ölkə.Az" trend-ə istinadən xəbər verir ki, bunu Azərbaycan-Rusiya İşgüzar Şurasının Bakıda keçirilən iclası zamanı İqtisadiyyat naziri Mikayıl Cabbarov deyib.

M.Cabbarov Azərbaycan-Rusiya İşgüzar Şurasının biznes tərəfdaşlarını Azərbaycan iqtisadiyyatına investisiya qoymağa çağırıb.

Şuranın fəaliyyətinə toxunan nazir təşkilatın ölkələr arasında strateji əməkdaşlığı dərinləşdirmək üçün böyük əhəmiyyət daşıdığını qeyd edib və strukturun fəaliyyət coğrafiyasının genişləndirilməsi və şaxələndirilməsinin vacibliyini vurğulayıb.

Qeyd edək ki, bu gün Bakıda Azərbaycan-Rusiya İşgüzar Şurasının iclası keçirilib.

Ölkə.Az

ŞƏRH YAZ
0

Rövnəq Abdullayev yeni direktor TƏYİN ETDİ

Rövnəq Abdullayev yeni direktor TƏYİN ETDİ
16:58
11.12.2019
856
İqtisadiyyat
A

SOCAR-ın prezidenti Rövnəq Abdullayevin əmri ilə Məmmədov Bəxtiyar İbrahim oğlu Heydər Əliyev adına Neft Emalı Zavodunun direktoru, zavodun keçmiş direktoru İsmayılov Elman Abbas oğlu isə SOCAR-ın emal üzrə vitse-prezidentinin müavini təyin olunub.

SOCAR-dan "Ölkə.Az"a verilən məlumata görə, Bəxtiyar Məmmədov 1971-ci ildə anadan olub. Azərbaycan Neft Akademiyasını (indiki Azərbaycan Dövlət Neft və Sənaye Universiteti) bitirdikdən sonra “Azərneftyağ” NEZ-də əmək fəaliyyətinə başlamış, 2015-ci ilə kimi zavodda müxtəlif vəzifələrdə çalışmışdır. 2015-2016-cı illərdə Heydər Əliyev adına NEZ-də şöbə rəisinin müavini, 2016-2019-cu illərdə isə Karbamid Zavodunun baş mühəndisi – direktor müavini işləmişdir.

ŞƏRH YAZ
0
BAĞLA