Bu ilin 6 ayı ərzində azərbaycanın kənd təsərrüfatında 13% artım qeydə alınıb

Bu ilin 6 ayı ərzində azərbaycanın kənd təsərrüfatında 13% artım qeydə alınıb
02:03
02.08.2019
728
İqtisadiyyat
A
2019-cu ilin 6 ayı ərzində kənd təsərrüfatı məhsullarının ümumi istehsal həcmi ötən ilin müvafiq dövrü ilə müqayisədə 13% artıb. Bitkiçilik məhsullarının həcmində 25,6% (1,77 mlrd.manat), heyvandarlıq məhsullarının həcmində 2,9% artım (1,9 mlrd. manat) qeydə alınıb. Aqrar sahənin Ümumi Daxili Məhsulda payı 5,6 faizə çatıb.

"Ölkə.Az"a Kənd Təsərrüfatı Nazirliyindən verilən məlumata görə, ötən ilin müvafiq dövrü ilə müqayisədə bu ilin yanvar-iyun aylarında kartof istehsalı 10,3%, taxıl istehsalı (qarğıdalı da daxil olmaqla) 40,7%, tərəvəz istehsalı 13,8%, meyvə və giləmeyvə istehsalı 21,1%, bostan məhsulları istehsalı 37,5% artıb. Cari ilin 6 ayı ərzində ölkədə 335,7 min ton kartof, 2541,7 min ton taxıl (qarğıdalı da daxil olmaqla), 675,1 min ton tərəvəz, 125,2 min ton meyvə və giləmeyvə, 54,8 min ton bostan məhsulları istehsal olunub.

2019-cu ilin ilk yarısında ölkədə heyvandarlıq məhsullarının istehsalında da ciddi artım qeydə alınıb. Diri çəkidə ət istehsalı 3%, süd istehsalı 2%, yumurta istehsalı 4,5%, yun istehsalı 0,8% artıb. Yanvar-iyun aylarında ölkədə 252,5 ton diri çəkidə ət, 1037,2 ton süd, 926,9 milyon ədəd yumurta, 14,6 min ton yun istehsal olunub.
2019-cu ilin 6 ayı ərzində 411,8 milyon ABŞ dolları həcmində kənd təsərrüfatı məhsulları ixrac olunub. Kənd təsərrüfatı məhsullarının ixrac həcmi ötən ilin müvafiq dövrünə nəzərən 27,9% artıb. Yanvar-iyun aylarında ölkədən 181,3 milyon dollar dəyərində kartof və tərəvəz məhsulları, 137,2 milyon dollar dəyərində meyvə, 75,7 milyon dollar dəyərində pambıq lifi, 6,4 milyon dollar dəyərində tütün xammalı ixrac olunub. Ötən ilin müvafiq dövrü ilə müqayisədə bu ilin yanvar-iyun aylarında ölkədən meyvə ixracı 42,2% artıb.

2019-cu ilin 1 iyul tarixinə kimi 798,1 min hektar taxıl sahəsində biçin aparılıb. Ümumi taxıl sahələrinin 76,6%-i, o cümlədən, buğda sahələrinin 69,9%-i, arpa sahələrinin isə 94,5%-i biçilib. Sahələrdən 1,6 milyon ton buğda, 964,6 min ton arpa yığılıb ki, bu da keçən ilin eyni dövrü ilə müqayisədə müvafiq olaraq 60,0% və 18,9% çoxdur. 1 iyul tarixinə buğdanın məhsuldarlığı 33.2 sent/ha, arpanın məhsuldarlığı isə 29.9 sent/ha olub ki, bu da ötən ilin eyni dövrü ilə müqayisədə müvafiq olaraq 2,3 sent/ha və 2,2 sent/ha çoxdur.

Yanvar-iyun aylarında respublika üzrə 636.6 ton barama tədarük edilib ki, bu da keçən ilin müvafiq dövrünün göstəricisi ilə müqayisədə 24% çoxdur.

Ölkə.Az

ŞƏRH YAZ
0

Çindən Transxəzər layihəsinə dəstək

Çindən Transxəzər layihəsinə dəstək
23:01
17.08.2019
340
İqtisadiyyat
A
Çin Transxəzər qaz kəmərinin inşasında Avropa İttifaqını (Aİ) dəstəkləmək qərarına gəlib.

"Ölkə.Az" virtualaz.org-a istinadən xəbər verir ki, Aİ və Çin şirkətlər konsorsiumu sərhədləri Xəzər dənizi hövzəsinə daxil olan ölkələrin mövqeyini dəyişdirə biləcək yüksək profilli layihəni həyata keçirməyə hazır olduqlarını bildiriblər.

Xatırladaq ki, planlaşdırılan sualtı qaz kəməri Türkmənistanın Türkmənbaşı şəhərini Azərbaycanın paytaxtı Bakı ilə birləşdirməlidir. Bəzi mənbələrə görə, Qazaxıstandakı Tengiz-dən bir qaz kəmərini şəbəkəyə bağlamaq və onu Türkmənbaşı ilə birləşdirmək də planlaşdırılır. Bu sualtı qaz kəməri təbii qazın Türkmənistan və Qazaxıstandan Azərbaycan vasitəsilə Türkiyə və Gürcüstana, daha sonra isə Avropa İttifaqına üzv ölkələrə nəqlini nəzərdə tutur. Bu boru kəməri həm də Cənub Qaz Dəhlizinin genişləndirilməsinin bir hissəsi hesab olunur.

Qeyd edək ki, ötən həftə Rusiya və İran hökumətləri ətraf mühitin qorunması motivləri əsasında Transxəzər qaz kəmərinin inşasına qarşı çıxıblar.

Edison Technologies GmbH, MMEC Mannesmann GmbH, Air Liquide Global E&C Solutions (AB) də daxil olmaqla Avropa və Çin şirkətlərindən ibarət konsorsium, SINOPEC Mühəndislik Qrupu (Çin) ilə birlikdə 300 km sualtı qaz kəməri çəkmək istəyini bəyan edib. O, 30 il ərzində ildə 30 milyard kubmetr qaz tədarükünü nəzərdə tutur. Bu barədə konsorsium nümayəndələrinin Türkmənistan Nazirlər Kabineti sədrinin neft və qaz məsələləri üzrə müavini Mıratgəldi Meredov və ölkə prezidentinin neft və qaz məsələləri üzrə müşaviri Yagışgəldy Kakaevlə görüşündən sonra açıqlama verilib.

Konsorsium layihə çərçivəsində, boru kəmərinin çəkilməsi ilə yanaşı, zəruri infrastruktur, o cümlədən qaz təmizləyici qurğu və kompressor stansiyaları layihələri hazırlamağa və qurmağa da hazırdır.

Şirkətlər həmçinin lazımi sayda istifadəyə hazır qaz quyuları qazacaqlar.

Qazın, hansı ki, yeni potensial marşrut üzrə Türkmənistandan gedə bilər,əsas alıcısı Avropa olacaq. O, Rusiya və İran qazının alternativi olmaqda maraqlıdır, çünki tədarükü şaxələndirəcək, Aİ-ni köhnə tədarükçülərdən daha az asılı edəcək və qiymətlərin aşağı düşməsinə kömək göstərəcək.

ŞƏRH YAZ
0

SOCAR 2019-cu ilin II rübündə hasilat səviyyəsini sabit saxlamağa nail oldu

SOCAR 2019-cu ilin II rübündə hasilat səviyyəsini sabit saxlamağa nail oldu
17:28
17.08.2019
421
İqtisadiyyat
A
2019-cu ilin II rübündə SOCAR öz imkanları hesabına müstəqil olaraq 1,928 mln. ton neft, 1,672 mlrd. kubmetr qaz hasil edərək, hasilat səviyyəsini əvvəlki ilin müvafiq dövrünə nisbətən sabit saxlamağa nail olub.

Bu barədə "Ölkə.Az"a SOCAR-ın mətbuat xidmətindən məlumat verilib.

Şirkətin istismar etdiyi neft və qaz yataqlarında hasilat səviyyəsinin sabit qalması üçün həyata keçirilən kompleks tədbirlər planın icrası davam etdirilib, istismardan çıxarılmış bir sıra köhnə quyuların fəaliyyəti bərpa olunub, yeni quyular qazılmayıb, ümumilikdə qazma işlərin həcmi ötən ilin müvafiq dövrünə nisbətən artırılıb. Cari ilin ikinci rübündə şirkət üzrə 41 593 metr qazma işi aparılıb.

Hesabat dövründə SOCAR tərəfindən, AÇQ üzrə mənfəət nefti də daxil olmaqla 4 911,586 min ton xam neft, 172,292 mln kubmetr təbii qaz, 604,6 min ton neft və neft kimya məhsulları ixrac edilib. Xam neftin ixracında azalma müşahidə edilsə də, neft və neft kimya məhsullarının ixracında 48% artım qeydə alınıb. Bu isə xam neftin və qazın ixracında azalmaya səbəb olan amillərdən birinin də daha çox məhsulun emala yönəlməsi olduğunu göstərir.

II rübdə, Azərbaycanın digər hasilatçı şirkətləri daxil olmaqla, ölkə üzrə ümumilikdə 9,061 mln. ton neft, 8,238 mlrd. kubmetr qaz hasil edilib. Dövr ərzində ölkədən 2 421,574 mln. kubmetr təbii qaz ixrac edilib. Təbii qazın ixracında Cənub Qaz Dəhlizinin işə düşməsi ilə əlaqədar olan artım ötən ilin müvafiq dövrünə nisbətən təqribən 37% təşkil edib.

Ölkə.Az

ŞƏRH YAZ
0
BAĞLA