Bu ilin I rübündə dövlət büdcəsi 155 mln. manatlıq profisitlə icra olunub

Bu ilin I rübündə dövlət büdcəsi 155 mln. manatlıq profisitlə icra olunub
21:14
10.04.2018
1050
İqtisadiyyat
A
Maliyyə Nazirliyi 2018-ci ilin birinci rübündə dövlət büdcəsinin icrasına (operativ) dair məlumatı açıqlayıb.

"Ölkə.Az" xəbər verir ki, nazirlikdən verilən məlumata görə, 2018-ci ilin birinci rübündə dövlət  büdcəsinin mədaxili 4562,9 mln. manat,  xərcləri 4408,0 mln. manat olub,  154,9 mln. manat məbləğində dövlət büdcəsinin artıqlığı (profisit) yaranıb. 2018-ci ilin birinci rübündə dövlət büdcəsinin mədaxili 4428,5 mln. manat proqnoza qarşı 4562,9 mln. manat və yaxud 134,4 mln. manat (3,0 faiz) çox olub. Azərbaycan Respublikasının Vergilər Nazirliyi tərəfindən dövlət büdcəsinə 1436,5 mln. manat vəsait daxil olub ki, bu da 2017-ci ilin eyni dövrü ilə müqayisədə 15,8 mln. manat və ya 1,1 faiz çoxdur. Həmin vəsaitin 67,5 faizi və yaxud 969,7 mln. manatı qeyri-neft sektorundan daxilolmaların payına düşür. 2018-ci ilin birinci rübündə Azərbaycan Respublikasının Dövlət Gömrük Komitəsi tərəfindən dövlət büdcəsinə 726,9 mln. manat vəsait təmin edilib ki, bu da ötən ilin eyni dövrü ilə müqayisədə 27,3 faiz və yaxud 155,8 mln. manat çoxdur. Dövlət büdcəsindən maliyyələşdirilən təşkilatların ödənişli xidmətlərindən  daxilolmaları 79,3 mln. manat təşkil etmişdir. Sair daxilolmalar üzrə büdcəyə  21,2 mln. manat vəsait daxil olmuşdur ki, bu da ötən ilin eyni dövrü ilə müqayisədə 71,0 faiz və yaxud 8,8 mln. manat çoxdur. Azərbaycan Respublikasının Dövlət Neft Fondundan dövlət büdcəsinə 2299,0 mln. manat  vəsait transfert edilmişdir.   2018-ci ilin birnici rübündə dövlət büdcəsinin xərcləri proqnoza nisbətən 108,8 faiz və yaxud 4408,0 mln. manat icra olunmuşdur. İqtisadi təsnifata uyğun olaraq cari ilin ilk üç ayında dövlət büdcəsi xərclərinin 40,0 faizi və ya 1761,3 mln. manatı sosialyönümlü xərclərin (əməyin ödənişi fondu, təqaüd və sosial müavinətlər, dərman və ərzaq xərcləri) maliyyələşdirilməsinə yönəldilmişdir ki, bu da ötən ilin eyni dövrü ilə müqayisədə 7,7 faiz və ya 125,6 mln. manat çoxdur. 2018-ci ilin birinci rübündə dövlət büdcəsi xərclərinin 2299,1 mln. manatı və ya 52,2 faizi cari xərclərə, 1627,2 mln. manatı və ya 36,9 faizi əsaslı xərclərə, 481,7 mln. manatı və ya 10,9 faizi dövlət borcuna və öhdəliklərinə xidmətlə bağlı xərclərə  yönəldilmişdir. Cari ilin birinci rübündə  dövlət əsaslı vəsait qoyuluşu xərclərindən elm, təhsil, səhiyyə, sosial, mədəniyyət, idman və digər sosial-mədəni və məişət təyinatlı obyektlərin tikintisinə və yenidən qurulmasına  168,9  mln. manat, enerji, su və qaz təchizatı, nəqliyyat, kommunal, meliorasiya infrastrukturlarının tikintisinə, yenidənqurulmasına və digər sahələrə 655,6 mln. manat, o cümlədən Naxçıvan Muxtar Respublikasında həyata keçirilən investisiya layihələrinin maliyyələşdirilməsinə 21,2 mln. manat vəsait yönəldilmişdir. 2018-ci ilin ilk üç ayında büdcə təşkilatlarının təqdim etdikləri xərc sifarişləri üzrə xəzinədarlıq orqanları tərəfindən qəbul edilmiş öhdəliklər tam və vaxtında maliyyələşdirilmişdir.   Cari ilin birinci rübündə icmal büdcənin gəlirləri 7062,5 mln. manat olmuşdur ki, bu da ötən ilin eyni dövrü ilə müqayisədə 1412,9 mln. manat və ya 25,0 faiz çoxdur. İcmal büdcənin xərcləri isə 4757,9 mln. manat icra olunmuşdur ki, bu da ötən ilin eyni dövrü ilə müqayisədə 1994,8 mln. manat və ya 29,5 faiz azdır. İcmal büdcədə 2304,6 mln. manat artıqlıq (profisit) yaranmışdır.

Ölkə.Az

ŞƏRH YAZ
0

Layihə meneceri: TAP təbii qaz qiymətlərinə müsbət təsir göstərə bilər

Layihə meneceri: TAP təbii qaz qiymətlərinə müsbət təsir göstərə bilər
21:10
Bu gün
114
İqtisadiyyat
A
Transadriatik qaz kəməri (TAP) təbii qaz qiymətlərinə müsbət təsir göstərə bilər.

"Ölkə.Az" trend-ə istinadən bildirir ki, bunu TAP-ın Albaniyadakı meneceri Mikele Elia deyib.

O bildirib ki, 4,5 milyard avro ümumi dəyəri olan TAP dünyanın ən vacib infrastruktur layihələrindən biridir.

M.Eilanın sözlərinə görə, TAP layihəsinin 80 faizdən çoxu reallaşdırılıb və bu layihə keçdiyi ölkələrdə yeni iş yerlərinin yaradılmasını və investisiyaların cəlb olunmasını təmin edib.

O əlavə edib ki, dövlət maliyyələşməsi tələb edən və ətraf mühitə təsir göstərən digər iri infrastruktur layihələrindən fərqli olaraq TAP yalnız özəl kapitalla maliyyələşir və demək olar ki, gözə görünmür:

“TAP həmçinin qiymətlərə də müsbət təsir göstərə bilər. Bu, iqtisadiyyatın sadə qanunudur: əgər bazarda bir satıcı varsa, qiymətləri o təyin edir. Amma bazarda digər satıcı peyda olsa və rəqabətqabiliyyətli qiymət təklif etsə, bu istehlakçı üçün yaxşıdır”.

Ölkə.Az

ŞƏRH YAZ
0

Pambıq üzrə yeni statistika açıqlandı

Pambıq üzrə yeni statistika açıqlandı
20:00
Bu gün
398
İqtisadiyyat
A
Dekabrın 11-dək ölkə üzrə pambıq qəbulu məntəqələri keçən ilin eyni dövrü ilə müqayisədə 11,5 faiz çox pambıq qəbul edib.

"Ölkə.Az" xəbər verir ki, Dövlət Statistika Komitəsindən verilən məlumata görə, pambıq qəbulu məntəqələrinə 222 min 748 ton məhsul təhvil verilib.

Bu isə ötən ilin müvafiq dövrü ilə müqayisədə 22,9 min ton çoxdur.

Qeyd edək ki, bu il Azərbaycanda 22 rayonda 132 min 512 hektarda pambıq əkini aparılıb. Ölkə üzrə ən çox pambıq Saatlı (15 min 815 hektar), İmişli (13 min 645 hektar), Sabirabad (13 min 55 hektar), Biləsuvar (12 min hektar), Ağcabədi (10 min hektar), Bərdə (9 min 630 hektar) və Beyləqan (9 min 560 hektar) rayonlarında əkilib. Pambıq əkinlərinin 2/3 hissəsi bu rayonların payına düşür.

Prezident İlham Əliyevin 2017-ci il 13 iyul tarixli sərəncamı ilə təsdiqlənmiş “Azərbaycan Respublikasında pambıqçılığın inkişafına dair 2017-2022-ci illər üçün Dövlət Proqramı”nda xam pambıq istehsalının 500 min tona çatdırılması nəzərdə tutulur.

Dövlət tərəfindən pambıqçılığa göstərilən dəstək məhsul istehsalının artırılmasında mühüm rol oynayır. Belə ki, dövlət tərəfindən pambığın hər kiloqramına 10 qəpik subsidiya verilməsi, güzəştli şərtlərlə texnika və yanacaqla təminat, alış qiymətinin hər tona görə 50 manat artırılması istehsalı stimullaşdıran tədbirlərdəndir.

Ölkə.Az

ŞƏRH YAZ
0
BAĞLA