Bu ilin üç ayında bir sıra mühüm obyektlər istifadəyə verilib
Cari ilin yanvar-mart aylarında Bakıda 110/35/10 kilovoltluq “Yasamal-1” və “Qobu”, 35/10-6 kilovoltluq 120 saylı elektrik yarımstansiyaları, Bakı Şəhər Statistika İdarəsinin inzibati binasının tikintisi başa çatdırılıb.
"Ölkə.Az" xəbər verir ki, Dövlət Statistika Komitəsindən Azərtac-a verilən məlumata görə, həmin müddətdə, həmçinin Bakıda Bona Dea Beynəlxalq Hospitalı, Mingəçevir Sənaye Parkında “Mingəçevir Tekstil” MMC-nin iplik istehsalı üzrə iki müəssisəsi, Neftçala Sənaye Məhəlləsində “Xəzər” avtomobil zavodu, Naxçıvan Muxtar Respublikasında 442 şagird yerlik iki ümumtəhsil məktəbinin binaları və bir növbədə gəlişlərin sayı 15 nəfər olan ambulatoriya-poliklinika müəssisəsi və digər obyektlər istifadəyə verilib.
Ölkə.Az
