Bu malları ölkəyə gətirmək qadağandır — VİDEO

Bu malları ölkəyə gətirmək qadağandır
13:51
11.01.2019
4284
Ölkə
A
Elektron ticarət son illər Azərbaycanda da geniş yayılıb. Amma bir çox alıcı və sifarişçi alış-veriş saytlarından istifadədə çətinlik çəkir. Əksəriyyət həmin saytlardan istidadə qaydalarını bilmir.

"Ölkə.Az" xəbər verir ki, ARB TV-nin “Günə doğru” proqramı mövzu ilə bağlı maraqlı süjet hazırlayıb.

Cayhun Babayev – Blogger: “Saytlarda həmin məhsullar haqqında məlumat olur, girib baxmırlar”.

Bundan əlavə vətəndaşlar sifariş etdikləri malın hansı ölkədən göndəriləcəyi ilə bağlı da məlumatları dəqiqləşdirməlidir. Eyni zamanda gömrükdə problemlə qarşılaşmamaq üçün hesab fakturası da tələb olunmalıdır.

Fərid Pərdəşünas – Ekspert: “Hesab faktura olmasa, gömrük əməkdaşı o məhsulun qiymətini müəyən edə bilmir. Bu da vaxt itkisidir”.

Şəxsi istifadə və biznes məqsədi ilə ölkəyə gətirilən mallara görə ödənilən vergi və rüsumlar da fərqlidir. Dəyəri 1000 manata qədər olan məhsulların sifarişi zamanı bu şəxsi istifadə hesab edilir və sifarişçi yüksək məbləğli ödənişlərdən azad olunur. Amma ekspertlər burada boşluğun olduğunu düşünürlər.

Fərid Pərdəşünas - Ekspert: “Kimsə 5-6 tanışının adına telefon sifariş verir. Maya dəyəri 1000 dollar olmadığından vergiyə cəlb edilmir. Amma o telefonlar şəxsi adı ilə gəlsə də, sonda satışa çıxarılır”.

Məsələnin digər tərəfi ölkəyə gətirilməsi qadağan edilən mal və məhsullarla bağlıdır. Amma vətəndaşların çoxu həmin qadağan edilən materiallardan xəbərsizdir.

Bunun üçün DGK və Azərpoçtun rəsmi səhifələrində qadağan olunmuş məhsulların siyahısı var ki, ora baxmaqla öz məhsullarının qadağan olunub-olunmadığını bilə bilərlər.

Ölkəyə gətirilməsinə icazə verilməyən və cinayət tərkibi yaratmayan istənilən mal və material sahibi tərəfindən geri göndərilə bilər. Cinayət tərkibi yaradan malları sifariş edib ölkəyə gətiməyə çalışanlar barədə isə hüquqi ölçü götürülür.

Ölkə.Az

ŞƏRH YAZ
1

DYP reyd keçirdi: 300-ə yaxın sürücü saxlanılıb

DYP reyd keçirdi: 300-ə yaxın sürücü saxlanılıb
14:51
Bu gün
6
Ölkə
A
Qusar Rayon Polis Şöbəsinin Dövlət Yol Polisi bölməsinin əməkdaşları tərəfindən “Təmiz hava” aylığı çərçivəsində rayon ərazisində reyd keçirilib

DİN Mətbuat Xidmətinin Quba regional qrupundan "Ölkə.Az"a verilən məlumata görə, RPŞ-nin Dövlət Yol Polisi bölməsinin əməkdaşlarının keçirdikləri tədbir zamanı normativlərə uyğun gəlməyən nəqliyyat vasitələrinin sahibləri müvafiq qaydada cərimələniblər. 

Tədbirin keçirilməsində məqsəd, atmosfer havasının avtomobillərin ixrac qazlarının tərkibində olan zərərli maddələrlə çirklənməsinə nəzarətin gücləndirilməsi və nəqliyyat vasitələrini texniki cəhətdən nasaz vəziyyətdə idarə edən şəxslər barəsində inzibati qaydada tədbirlərin görülməsi olub. 

Keçirilən tədbir zamanı 300-ə yaxın sürücü saxlanılıb, avtomobillərinin ixrac etdiyi dəm qazı xüsusi qurğu ilə yoxlanılıb. Normadan artıq dəm qazı olan 25 avtomobilin sürücüsü barəsində İnzibati Xətalar Məcəlləsinə uyğun olaraq protokollar tərtib edilib. 

Bundan əlavə DYP-nin inspektorları sürücülərlə profilaktik söhbətlər apararaq, onlara idarə etdikləri nəqliyyat vasitələrinin texniki vəziyyətlərinin daima saz vəziyyətdə olmasına diqqət yetirməli və istismar qaydalarına riayət etmələrinin zəruriliyini bildiriblər. Analoji tədbirlər “Təmiz hava” aylığı çərçivəsində digər bölgələrdə də davam etdirilir. 

ŞƏRH YAZ
0

Dostunu taxta parçası ilə döyərək öldürən şəxsin məhkəməsi

Dostunu taxta parçası ilə döyərək öldürən şəxsin məhkəməsi
14:25
Bu gün
242
Ölkə
A
Bakı Ağır Cinayətlər Məhkəməsində qətl törətməkdə təqsirləndirilən Bahadur Cəfərovun cinayət işi üzrə məhkəmə iclası başlayıb.

"Ölkə.Az" xəbər verir ki, hakim Faiq Qəniyevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.
Qeyd edək ki, hadisə sentyabrın 11-də Sabunçu rayonu ərazisində yaşayan, əvvəllər məhkum olunmuş Bahadur Cəfərov münaqişə zəminində Bakı şəhər sakini olan tanışı Rəfayel Rzayevi taxta parçası ilə döyərək qətlə yetirib.

Faktla bağlı Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanıb.

Polis və prokurorluq orqanları əməkdaşlarının keçirdikləri təxirəsalınmaz istintaq və əməliyyat-axtarış tədbirləri ilə B.Cəfərov saxlanılıb.

İlkin araşdırmalar zamanı  B.Cəfərovu elə onu xəstəxanaya gətirən Rafael adlı şəxs taxta parçası ilə vəhşicəsinə döyərək ölümcül hala salıb. Belə ki, qeyri-sağlam həyat tərzi sürən dostlar Sabunçudakı yarımtikilidə yeyib içiblər. Bu zaman onların arasında mübahisə yaranıb və Bahadur Rafaeli ağır söyüşlərlə təhqir edib. Buna dözməyən R.Cəfərov sərxoş vəziyyətdə dostunu döyüb. Daha sonra isə ona kömək etmək məqsədi ilə xəstəxanaya gətirib.

Məhkəmənin baxış iclası mayın 2-nə təyin edilib.

Natiq Allahverdiyev
Ölkə.Az

ŞƏRH YAZ
0
BAĞLA