Bu məşhurlarımız həm də alimdirlər

Bəziləri Dostəliyevanın bu elmi dərəcəyə layiq olduğunu düşünsə də, əksini hesab edənlər də var. 

Ölkə.Az mövzunun aktuallağını nəzərə alıb, elmi dərəcəsi olan tanınmış simalarla bağlı kiçik araşdırma aparıb.

Xalq artisti Arif Babayev Azərbaycanın məşhur sənətkarları arasında elmi dərəcə alan ilk şəxslərdəndir. Sənətkar 1990-cı ildən professordur, bir sıra ali məktəblərdə dərs deyir.

Daha bir xalq artisti Mələkxanım Əyyubova isə professordur. Xanım sənətkar "Muğam sənətinin inkişafında dövlət qayğısı" mövzusunuda dissertasiya müdafiə edib.

Əməkdar artist Lalə Məmmədova da fəsləfə doktorudur. O, ötən il Novruz bayramı ərəfəsində Prezident yanında Ali Attestasiya Komissiyası tərəfindən filologiya üzrə fəlsəfə doktoru elmi dərəcəsinə layiq görülüb. 

Əməkdar artist Nüşabə Ələsgərli hazırda sənətşünaslıq üzrə fəlsəfə doktorudur. Sənətçinin dediyinə görə, 2016-cı ildə müdafiə edib:
"Ancaq doktorantura barədə düşünmürəm. Bu, mənə yetərlidir". 

Qeyd edək ki, N.Ələsgərli əfsanəvi bəstəkar Şəfiqə Axundovanın yaradıcılığı ilə bağlı elmi iş yazıb. 

Sənətşünaslıq üzrə daha bir tanınmış fəlsəfə doktoru aşıq Samirədir. 

Əməkdar artist Ədalət Şükürov isə iqtisad elmləri üzrə fəlsəfə doktorudur. Şükürov bu dərəcəyə Rusiyada layiq görülüb.

Hazırladı: İntiqam VALEHOĞLU
Ölkə.Az