KORONAVİRUSA YOLUXANLARIN SAYI - CANLI STATİSTİKA

"Bu qüvvələr ölkə vətəndaşlarına saxta sənədlər verməklə, “siyasi mühacir” alveri ilə məşğul olurlar" — Deputat

12:58
22.08.2019
2752
Siyasət
A
“Qlobal böhranlar, kataklizmlər fonunda Azərbaycanın inkişafı anti-Azərbaycan qüvvələri tərəfindən qısqanclıqla qarşılandığından, ölkəmizin inkişafını dayandırıb, böhrana sürükləmək üçün ən müxtəlif vasitələrə əl atırlar. Ölkə daxilində birlik hökm sürdüyündən bu niyyətlərini həyata keçirə bilməyən qüvvələrə, müxtəlif saxta yollarla Avropaya gedən və özlərini “siyasi mühacir” hesab edən, Vətənini korporativ maraqları naminə satmağa hazır olan şəxslərin xidmətindən istifadə edir. Anti-Azərbaycan qüvvələr belə “insanlar”ın xidmətindən yararlanmaqla yalan, böhtan kampaniyasını təşkil etməklə, Azərbaycanda ictimai-siyasi proseslərı pozmağa cəhd göstərirlər”.

Bunu “Ölkə.Az”a açıqlamasında millət vəkili Kamran Bayramov deyib.

Onun sözlərinə görə,   bu şəxslərin bir qisminin Azərbaycana heç bir aidiyyatı yoxdur. “Onların eləsi var ki,  ümumiyyətlə Azərbaycanda olmayıb. Sadəcə ölkəmizi sevməyən qüvvələr belə insanların da “xidmət”indən maksimum “yararlanmağa”  çalışır. Məqsəd nə yolla olur-olsun Azərbacanın daxili işlərinə müdaxilə etməklə  inkişafı dayandırmaq və sabitliyi pozmaqdır.  Ümumiyyətlə,  bəzi dövlətlərin beynəlxalq hüquqa zidd olaraq başqa ölkələrin daxili işinə kobudcasına müdaxiləsinin şahidi oluruq. Bu qüvvələr ən müxtəlif metod və taktikalardan, müasir texnologiyaların imkanından yararlanmaqla, həm daxildə, həm da xaricdə  istənilən ölkə haqqında mənfi imic formalaşdırmağa çalışırlar. 

Azərbaycan da belə hallarla üzləşir. Bu gün saxta sənədlərlə ölkəni tərk edib, Avorpa ölkələrində “siyasi mühacir” həyatı yaşayanlar anti-Azərbaycan qüvvələrin əlində ölkəmizə qarşı bir vasitə kimi istifadə olunur. Onlar həqiqətdən, reallıqdan uzaq,  böhtan, qərəz, təhqir dolu ifadələrlə Azərbaycan rəhbərliyinin və ölkəmizin ünvanına ifadələr işlədir. Yəni, bu insanların  müasir siyasi  və informasiya kommunikasiya texnologiyaları vasitələrindən istifadə etməklə belə, qərəzli kampaniyalar aparması ölkəmizə qarşı düzənlənən çox ciddi məkrli planlardan xəbər verir. Bunun qarşısı alınmalıdır”, - deputat qeyd edib.

Deputat  deyib ki, Azərbaycan demokratik və hüquqi dövlət olduğundan ölkədə siyasi plüarizm,  fikir və söz azadlığı hökm sürür, istənilən şəxs və ya siyasi qüvvə fikirlərini sərbəts ifadə edir. “Bu gün Azərbaycanda  siyasi mövqeyinə, düşüncəsinə, səsləndirdiyi ifadəyə görə təqiblərə məruz qalmır. Əksinə demokratik bir ölkə olaraq onların hüquqları qanunla qorunur. Lakin bəzi qüvvələri ölkədəki sabitlik narahat etdiyindən və ictimai-siyasi sabitliyi poza bilmədiyindən, cəmiyyətin onları dəstəkləmədiyindən  xaricdəki anti-Azərbaycan qüvvələrlə əlbir olub, niyyətlərini reallaşdırmaq istəyirlər. Bu qüvvələr  ölkə vətəndaşlarına saxta sənədlər verməklə “siyasi mühacir” alveri ilə məşğul olurlar. Göndərdiyi şəxsləri isə anti-Azərbaycan qüvvələrin yanına göndərməklə, onlarında xidmətindən istifadə edirlər. Biz  hüquq-mühafizə orqanlarının belə şəbəkələri ifşa etməsinin şahidi olmuşuq. Hesab edirəm ki, cəmiyyət olaraq  ölkədə sabitliyin pozulmasına xidmət edən  qərəzli, təhqir, böhtan xarakterli kampaniya aparmasına həssas yanaşmalı və diqqətli olmalıyıq.  Ona görə də bütün sağlam, milli mövqedə dayanan siyasi qüvvələri Azərbaycana qarşı xarici təbliğata və təsirlərə, ilk növbədə isə siyasi proseslərə və seçkilərə müdaxilələrə qarşı vahid cəbhədə birləşməlidir. İnanıram ki, milli mənafeləri hər şeydən üstün tutan partiyalar siyasi baxışlarından asılı olmayaraq,  ölkənin suverenliyinə, Azərbaycanın müstəqilliyinə qarşı çıxış edənlərə qəti və layiqli cavab verəcək, dövlətimizə qarşı çıxmasına imkan verməyəcək”. 

Mürtəza
Ölkə.Az

ŞƏRH YAZ
0

Nazir 190 manat üçün müraciət edənlərə imtina cavablarının verilməsinə aydınlıq gətirib

Nazir 190 manat üçün müraciət edənlərə imtina cavablarının verilməsinə aydınlıq gətirib
22:53
Bu gün
409
Siyasət
A
Əmək və Əhalinin Sosial Müdafiəsi naziri Sahil Babayev aprel-may ayında bəzi vətəndaşlara birdəfəlik ödəmə (190 manat) ilə bağlı imtina verilməsi məsələsinə aydınlıq gətirib.

"Ölkə.Az"ın məlumatına görə, nazir bu barədə AzTV-nin efirində bildirib.

Onun sözlərinə görə, bəzi vətəndaşlar var ki, onlar aprel-may aylarında birdəfəlik ödəmə (190 manat) ala bilməmişdilər və düşünürdülər ki, onlara haqsız olaraq imtina verilib:

“Həmin vətəndaşlara kifayət qədər geniş açıqlamalar verilib ki, nazirlik tərəfindən qiymətləndirilmə müxtəlif dövlət qurumlarının elektron bazaları üzərindən aparılıb. Yəni bizə 25 dövlət qurumunun elektron bazası inteqrasiya olundu. Biz imtina səbəblərini də o bazalar üzərində etmişik. Ola bilər ki, hansısa bazalarda müəyyən çatışmazlıq var və ya vətəndaşların öz səhlənkarlığından hansısa məlumatın düzgünlüyü aparılmayıb”.

“Bir misal deyim ki, vətəndaş avtomobili satıb, amma onun adından çıxarılmayıb. Elektron bazada yenə də mülkiyyətçi olaraq həmin şəxsi təqdim edir. Bu zaman onlara imtina cavabı gedir”, - deyə S.Babayev qeyd edib.

ŞƏRH YAZ
0

Nazirdən 190 manatla bağlı — AÇIQLAMA

Nazirdən 190 manatla bağlı
22:17
Bu gün
940
Siyasət
A
Xüsusi karantin rejiminin tətbiqi ilə əlaqədar işsiz qalan və günəmuzd işləyən şəxslərə 190 manat birdəfəlik ödəmənin verilməsinə yaxın günlərdə başlanacaq.

Birdəfəlik ödəmə sərt karantin rejiminin tətbiq olunduğu 16 şəhər və rayon üzrə bank kartları vasitəsilə həyata keçiriləcək.

Əmək və Əhalinin Sosial Müdafiəsi naziri Sahil Babayev AzTV-yə açıqlamasında bu dəfə 190 manatlıq müavinətin 287 min nəfərə veriləcəyini bildirib:

ŞƏRH YAZ
0
BAĞLA