Bu şəxslər cərimələnəcək — 300 manatdan 5000 manata qədər

Bu şəxslər cərimələnəcək
11:38
21.05.2019
6713
Siyasət
A
Hesablama Palatası haqqında qanunvericiliyin pozulmasına görə inzibati sanksiyalar sərtləşdirilir.

Bununla bağlı Vergilər Məcəlləsinə və İnzibati Xətalar Məcəlləsinə dəyişiklik təklif olunur.

“Ölkə.Az” xəbər verir ki, məsələ Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasının gündəliyinə salınaraq müzakirə olunmaqdadır. Hesablama Palatası haqqında qanunvericiliyin pozulasına görə, Məcəllənin 547-ci maddəsinin aşağıdakı redaksiyada verilməsi təklif olunur:

“547.1. Aşkar edilmiş nöqsan və çatışmazlıqların aradan qaldırılması, dövlətə dəyən zərərin ödənilməsi və şəxslərin məsuliyyətə edilməsi məqsədi ilə kənar dövlət maliyyə nəzarətinin obyektlərinə və nəzarət predmeti ilə əlaqədar aidiyyatı tərəflərə  göndərilmiş Hesablama Palatasının qərarlarını əsassız  icra edilməməsinə görə- vəzifəli şəxslər 300 manatdan 1000 manatadək cərimə edilir.

547.2. Hesablama Palatasınınqərarları kənar dövlət maliyyə nəzarətinin obyekti tərəfindən əsasız icra edilmədikdə həmin obyektin xəzinə və bank hesabları üzrə əməlliyyatların dayandırılması  barədə Palatanın təqdimatının xəzinə orqanları və müvəkkil banklar tərəfindən icra edilməməsinə görə- vəzifəli şəxslər 300 Azn-dən 2000 AZN-dək cərimə edilir”.

Məcəllənin 547.3 maddəsinə  təklif edilən dəyişikliyə əsasən  Hesablama Palatasının fəaliyyətinə mane olmağa görə-vəzifəli şəxslər 400 AZN-dən 700 AZN-dək, hüquqi şəxslər 1000 AZN-dən 5000 AZN-dək cərimə edilir.

Məcəlləyə dəyişiklik komitə tərəfindən məqbul edilərək, müzakirə üçün parlamentin plenar iclasına tövsiyyə olunub.

Mürtəza
Ölkə.Az

ŞƏRH YAZ
0

“Hamısı vuralacaq” — İrandan xəbərdarlıq

“Hamısı vuralacaq”
22:49
21.09.2019
437
Siyasət
A
“İran ölkənin hava məkanını pozan istənilən pilotsuz uçan aparatı (PUA) vuracaq”.

“Ölkə.Az” virtualaz.org-a istinadən xəbər verir ki, bunu İran İslam İnqilabı Keşikçilər Korpusunun (SEPAH) rəhbəri Hüseyn Salami deyib.

“Biz hava məkanımıza daxil olan PUA-ları məhv etməyə davam edəcəyik. İran özünün cavab fəaliyyətlərində qətiyyətlidir, istənilən cavab sərt olacaq”, - deyə o bildirib.

Xatırladaq ki, iyun ayında İran ABŞ-ın “Global Hawk” PUA-sını sərhədi pozduğuna görə Hörmüzgən əyalətində vurduğunu bildirmişdi.

Ölkə.Az

ŞƏRH YAZ
0

İlham Əliyev Səudiyyə Ərəbistanının Kralını təbrik etdi

İlham Əliyev Səudiyyə Ərəbistanının Kralını təbrik etdi
14:48
21.09.2019
1401
Siyasət
A
Azərbaycan Respublikasının Prezidenti İlham Əliyev İki Müqəddəs Ocağın Xadimi, Səudiyyə Ərəbistanının Kralı Əlahəzrət Salman bin Əbdüləziz Al Səuda təbrik məktubu ünvanlayıb.

"Ölkə.Az"ın məlumatına görə, təbrik mətnində deyilir:

"Əlahəzrət,

Əziz Qardaşım,

Səudiyyə Ərəbistanının milli bayramı – Krallıq elan edilməsi günü münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi təbriklərimi yetirməkdən məmnunluq duyuram.

Belə bir əlamətdar gündə Sizə möhkəm cansağlığı və xoşbəxtlik, Səudiyyə Ərəbistanının qardaş xalqına daim sülh və firavanlıq diləyirəm".

ŞƏRH YAZ
0
BAĞLA