Bu şəxslərə Novruz şirniyyatı və çərəzlərini yemək olmaz — XƏBƏRDARLIQ

Bu şəxslərə Novruz şirniyyatı və çərəzlərini yemək olmaz
01:23
20.03.2018
4960
Maraqlı
A
Novruz bayramında hər evdə masalarda məcməyi dolu şirniyyat, qoz-fındıq, müxtəlif çərəzlər qoyulur. Ailənin bütün üzvləri uşaqdan tutmuş yaşlıya kimi çayla paxlava, şəkərbura, qoğal yeyir, tez-tez də ağzına ləbləbi atır. Çoxu isə bayramdan sonra kökələcəyinin dərdini çəkir.

 "Ölkə.Az" Medicina.az-a istinadən xəbər verir ki, əslində isə problem təkcə kökəlmək deyil. Novruz qidalarını yeməyə əks-göstərişi olan insanlar var ki, bayramdan sonra səhhətində ağırlaşmalar yarana bilər.
 
Bəs kimlərə, hansı xəstəliyi olanlara Novruz süfrəsindən uzaq durmaq tövsiyyə olunur?

Sayt terapevt Aqşin Salmanovdan risk qrupunda olan xəstələrin siyahısını əldə edib:

"Ümumiyyətlə, Novruz bayramı azuqəsi karbohidratlı tərkibli qidalardır, onlar həzm sistemində problemi olan insanlara, şəkərli diabet xəstələrinə, qaraciyər, öd xəstəliyi olanlara mənfi təsir edə bilir. Ciddi pəhriz qaydalarına əməl etmədən Novruzda bu kimi qidalardan bol yemək gələcəkdə xəstədə letal sonluğa gətirib çıxara bilər. Diatezi olan uşaqlarla da ehtiyatlı olmaq lazımdır. 

Mədə və on iki barmaq bağırsaq xorası olanlarda ürəkbulanma, qusma, ağrı kimi hallar baş verə bilər. 

Qanda şəkərin artması, hiperqlikemiya isə şəkərli diabet xəstələrinin bayramdan sonra üzləşə biləcəyi problemlərdir. 

Ödündə daş olan xəstələr də ehtiyatlı olmalıdır.

Novruz bayramından sonra həzm sistemində olan ağırlaşmalar və diabet xəstələrində baş verən problemlərlə bağlı həmişə həkimə müraciətlərdə kəskin artım müşahidə olunur. 

Xalqımızın gözəl bayramında sağlamlığı da düşünmək vacibdir. Bayrama görə bu tip xəstələr şirniyyatların dadına baxa bilər, amma hər gün onları qəbul etmək olmaz”. 

Ölkə.Az

ŞƏRH YAZ
1

“Facebook” “Messenger”ə yeni faydalı funksiya əlavə edib

“Facebook” “Messenger”ə yeni faydalı funksiya əlavə edib
19:57
21.03.2019
3634
Maraqlı
A
Bir müddət bundan öncə “Facebook” şirkəti “Messenger”ə “Dark Mode” rejimi əlavə etmişdi. İndi isə şirkət daha bir faydalı funksiyanı anons edib.

“Ölkə.Az” “Technote”yə istinadən xəbər verir ki, bu barədə “Gagadget” saytı məlumat yayıb.

Xəbərə əsasən, “Messenger”ə konkret bir mesaja cavab vermək funksiyası əlavə olunub. Bunun sadəcə olaraq müəyyən bir mesajın üzərinə klikləyib saxlamaq və daha sonra “Reply” düyməsini klik etmək lazımdır.

Maraqlısı ondadır ki, bu funksiya “Facebook Messenger”ə hələ indi əlavə olunub. Belə ki, “Facebook”un sahib olduğu “Whatsapp”da bu funksiya artıq çoxdandır ki, var. Konkret mesajlara cavab vermək funksiyası “Messenger”də artıq aktivləşdirilib.

Ölkə.Az

ŞƏRH YAZ
0

Qaraciyəri qoruyan ərzaqlar — Piylənmənin də qarşısını alır

Qaraciyəri qoruyan ərzaqlar
18:50
21.03.2019
2103
Maraqlı
A
Qaraciyərin fəaliyyətinə, eyni zamanda, bir sıra xəstəliklərin və piylənmənin qarşısını almağa faydalı ərzaqlar hansılardır?

“Ölkə.Az”ın Medicina.az-a istinadən məlumatına görə, bir çox ərzaqlar kimi yulafın da tərkibində olan lifli maddələr artıq çəkidən qurtulmağa kömək edir ki, bu da qaraciyərin fəaliyyətinə müsbət təsir göstərir.

Qəhvə

Düzgün qidalanmamaq və ya alkoqollu içkilərin qəbuluna baxmayaraq gündə 2-3 fincan qəhvə qaraciyərin fəaliyyətinin tənzimlənməsinə kömək edir və xərçəng riskini aradan qaldırır.

Yaşıl çay

Yaşıl çayın tərkibindəki antioksidantlar xərəçəngin yaranma riskini aradan qaldırır. Bu xüsusiyyət ispanaqda da var.

Qaragilə

Qaragilə bitkisinin tərkibi polifenol birləşmələrlə zəngindir. Bu da qaraciyərdə piy toplanmasının qarşısını alır.

Badam

Badamın tərkibində çoxlu miqdarda E vitamini var ki, bu da qaraciyər piylənməsi ilə mübarizədə kömək edir.

Ölkə.Az

ŞƏRH YAZ
0
BAĞLA