KORONAVİRUSA YOLUXANLARIN SAYI - CANLI STATİSTİKA

Bu sürücülər 40 manat CƏRİMƏLƏNƏCƏK — Yol Polisindən xəbərdarlıq

Bu sürücülər 40 manat CƏRİMƏLƏNƏCƏK
17:11
22.11.2019
15199
Ölkə
A
Havalar soyuduqca, yağışlar yağdıqca yollarda vəziyyət heç də ürəkaçan olmur. Yollardakı su gölməçələri piyadalar üçün problemə çevrilir. Çünki elə sürücülər var ki, yol kənarında dayanan piyadaları belə nəzərə almır. Əksinə sürət həddini daha da yüksəldərək, onların üst-başlarını batırmağa nail olurlar.

Ümumiyyətlə belə halların qarşısını almaqdan ötrü sürücülərə cərimələr tətbiq edilirmi?

"Ölkə.Az" xəbər verir ki, məsələ ilə bağlı Baş Dövlət Yol Polisi İdarəsinin (DYP) şöbə rəisi, polis polkovnik-leytenantı Rüfət Quliyev Modern.az-a məlumat verib. "Təbii ki, biz hər zaman olduğu kimi, hava şəraitini nəzərə almaqla, sürücülərə tövsiyə edirik ki, yollarda diqqətli olsunlar. Yağışlı hava ilə əlaqədar yollarda su gölməçələri yaranır. Sürücülərə dəfələrlə xəbərdarlıq edilir ki, yol kənarlarında dayanan piyadaları nəzərə alsınlar, sürət həddini azaltsınlar. Hərəkət iştirakçıları unutmasınlar ki, çirkli suları piyadaların üzərinə sıçratmaq yolverilməzdir. Eyni zamanda, piyadalara da bildirilir ki, hava şəraitinin yağışlı olmasını nəzərə alıb, geyimlərinə fikir versinlər. Sutkanın qaranlıq  vaxtında yola çıxarkən imkan daxilində əlvan, xüsusilə də işıqqaytarıcı geyimlər geyinsinlər. Çünki ən azından sürücüləri də nəzərə almaq lazımdır. Gecə vaxtı qara paltar geyinmiş piyadanı sürücü bəzən görmür, nəticədə isə yol nəqliyyat hadisəsinin baş verməsi halı qaçılmaz olur".

Rüfət Quliyev bildirib ki, sürücülərin piyadaların üzərinə çirkli su sıçratmaları ilə bağlı inzibati məsuliyyət nəzərdə tutulub:
"Azərbaycan Respublikasının İnzibati Xətalar Məcəlləsinin 42-ci maddəsinin 1.5 bəndində bu məsələnin həlli öz təsdiqini tapıb. Bununla bağlı sürücü məsuliyyətə cəlb olunmaqla, ona protokol tərtib edilir. Bütün sürücülərin nəzərinə çatdırırıq ki,  bu qaydanı pozan hər kəsə  40 manat miqdarında cərimə tətbiq olunacaq".

ŞƏRH YAZ
0

Bakıda baş verən ağır qəzanın görüntüləri — VİDEO

Bakıda baş verən ağır qəzanın görüntüləri
07:07
Bu gün
1170
Ölkə
A
Dünən Bakıda baş verən ağır yol-nəqliyyat hadisəsinin görüntüləri yayılıb.

"Ölkə.Az" oxu.az-a istinadən xəbər verir ki, hadisə zamanı BMW və “Renault” markalı avtomobillər toqquşub.

Qəza nəticəsində BMW-nin sürücüsü, 1992-ci il təvəllüdlü Quliyev Yaqub Səfər oğlu xəsarət alıb.

İlkin ehtimallara görə, qəza “Renault” markalı avtomobilin əks yola çıxması səbəbindən baş verib.

Həmin görüntüləri təqdim edirik:

ŞƏRH YAZ
0

Rusiya koronavirusla mübarizə üçün Azərbaycana mütəxəssislər göndərəcək

Rusiya koronavirusla mübarizə üçün Azərbaycana mütəxəssislər göndərəcək
06:02
Bu gün
4639
Ölkə
A
Rusiyanın səhiyyə naziri Mixail Muraşko bildirib ki, yeni koronavirus infeksiyası ilə mübarizədə yerli mütəxəssislərin təcrübəsi, həmçinin pasiyentlərə yardım ölkədən xaricdə də çox tələb olunur.

Bu barədə "Report" "Rusiya-24" telekanalına istinadən xəbər verir.

Nazir qeyd edib ki, xüsusi halda, Rusiya həkimləri artıq italiyalı, qırğız həmkarlarına virusla mübarizə aparmağa kömək ediblər. Onun sözlərinə görə, yaxın vaxtlarda Azərbaycana da səfər planlaşdırılır.

"Hər gün biz bir sıra ölkələrdən müraciətlər alırıq, hansılar ki, həm metodiki, həm də praktik kömək kimi göstərmək üçün mütəxəssislərimizi göndərməyimizi xahiş edirlər və biz kömək edirik. Bu gün artıq mütəxəssislər İtaliyada işləyirlər, Qırğızıstandan qayıtdılar, indi Qazaxıstanda işləyirlər. Mütəxəssislərin Azərbaycana getməsi planlaşdırılır.

Əlbəttə biz xüsusilə yaxın dostlara hərtərəfli yardım göstəririk", - deyə o, “Rusiya-24” telekanalına müsahibəsində deyib.

ŞƏRH YAZ
0
BAĞLA