KORONAVİRUSA YOLUXANLARIN SAYI - CANLI STATİSTİKA

Bu təklif Zukerberqin xoşuna gəlmədi

Bu təklif Zukerberqin xoşuna gəlmədi
00:31
21.10.2019
1731
Dünya
A
“Facebook”un təsisçisi milyarder Mark Zukerberq ABŞ prezidentliyinə namizədliyini irəli sürməyə hazırlaşan Berni Sandersin milyarderlərdən yaxa qurtarmaq təklifini tənqid edib.

“Ölkə.Az” oxu.az-a istinadən xəbər verir ki, Zukerberq ABŞ-dakı bərabərsizliyin onu da narahat etdiyini bildirib. Lakin onun zənnincə, milyarderlərin sərvətinin hökumətə ötürülməsi pis nəticələr verə bilər.

“Bəziləri düşünür ki, belə bir sərvətlə mübarizə bu cürdür: “Gəlin hökumətdən bunların hamısını almağı xahiş edək. Sonra isə hökumət özü bütün bu varidatı tibbi tədqiqatlara verə bilər””, - Zukerberq bildirib.

O qeyd edib ki, bu məsələdə yarış prinsipini dəstəkləyir.

“Düşünürəm ki, bu və ya digər tədqiqatların aparılması ilə bağlı rəqabətqabiliyyətli ideyalar irəli sürə biləcək müxtəlif filantroplar və təşkilatlar mövcuddur... Mən bizə müxtəlif ideyalar verə biləcək bu cür yarışa inanıram”, - deyə o fikrini izah edib.

“Senatorun (Sanders – red.) irəli sürdüyü tipdə təkliflər məni bir qədər narahat edir. Bütün bunların dövlət tərəfindən edilməli olması ilə bağı təklif bazarı və dünyanı edilə biləcək müxtəlif səylərdən məhrum edəcək”, - Zukerberq bəyan edib.

Xatırladaq ki, ötən ay Sanders “The New York Times” qəzetinə bildirmişdi ki, ABŞ-a milyarderlər lazım deyil və onların sərvətinin böyük hissəsini təsviyyə etməyi təklif etmişdi. Sanders aktivləri 32 mln dollar olanların sərvətinə 1%, 10 mlrd dolları ötənlərin isə varidatına 8 %-lik vergi tətbiqini təklif etmişdi.

Qeyd edək ki, “Forbes” Zukerberqin sərvətini 69 mlrd dollar məbləğində dəyərləndirməklə, ona planetin ən zəngin adamları siyahısında 8-ci yeri verib.

Ölkə.Az

ŞƏRH YAZ
0

Koronavirusdan daha dəhşətli virus yayıldı — BURUNDAN QAN GƏLİR - VİDEO

Koronavirusdan daha dəhşətli virus yayıldı
14:05
Bu gün
5756
Dünya
A
ABŞ-da yayılan ölümcül “dovşan hemorragik virusu 2” (RHDV2) artıq minlərlə heyvanın ölümü ilə nəticələnib.

"Ölkə.Az" redaktor.az-a istinadən xəbər verir ki, bu barədə “Bisiness Insider” xəbər yayıb. Bəzi baytarlar bu xəstəliyi “Dovşan Ebolası” adlandırırlar. Çünki virus heyvanların orqan və toxumalarına ziyan vurur, bu da daxili qanaxmaya və ölümə səbəb olur.

Qeyd edək ki, virus insanlar üçün də olduqca təhlükəlidir.

Daha ətraflı videodan izləyin:

ŞƏRH YAZ
0

ABŞ-ın Bağdaddakı səfirliyi raket atəşinə tutulub

ABŞ-ın Bağdaddakı səfirliyi raket atəşinə tutulub
11:53
Bu gün
3468
Dünya
A
Naməlum şəxslər Bağdadın yaşıl zonasında ABŞ səfirliyinə raket atəşini açıb.

"Ölkə.Az" trend-ə istinadən xəbər verir ki, bu barədə "Al Arabiya" telekanalı bildirib.

İraqın "Diclya" peyk televiziya kanalının verdiyi məlumata görə, bəzi raketlər Patriot zenit raket sistemləri tərəfindən ələ keçirilib.

Məlumata əsasən, "yaşıl zona"nın ərazisinə bir neçə mərmi düşüb. Dağıntılar haqqında məlumat verilməyib.

Ölkə.Az

ŞƏRH YAZ
0
BAĞLA