"Bu yarış Azərbaycanda idmanın daha da kütləviləşməsinə səbəb olacaq" — Cavid Osmanov

15:25
22.07.2019
1622
Siyasət
A
"Azərbaycan daha bir mötəbər idman yarışına - “Bakı 2019” Avropa Gənclər Yay Olimpiya Festivalına ev sahibliyi etməkdədir. Mötəbər idman yarışının keçirilməsi ilə bağlı təşkilatı işlər yüksək səviyyədə təşkil olunub. Tədbirin rəsmi açılışı bunun bariz göstəricisidir. Belə ki, bu idman yarışı da bundan öncə keçirilən yarışlar kimi çox yüksək səviyyədə başa çatacaq və iştirakçılar, Azərbaycana gələn qonaqlar çox razı halda ölkəmizdən ayrılacaqlar”.

Bunu “Ölkə.Az”a açıqlamasında deputat Cavid Osmanov deyib.

Onun sözlərinə görə, bu idman yarışı da digərləri kimi Azərbaycan üçün çox böyük əhəmiyyət daşıyır:

"Bu tədbirin keçirilməsi Azərbaycanın artıq idman və beynəlxalq səviyyəli digər tədbirlərin keçirildiyi bir mərkəzə çevrildiyini göstərir. Azərbaycanın ev sahibliyi etdiyi bütün tədbirlər çox yüksək səviyyədə keçirilib və ictimai asayiş yüksək səviyyədə təmin olunub. Biz Avroliqanın final oyununun Bakıda keçirilən yarışına da şahid olduq. Oyun çox yüksək səviyyədə keçdi. Necə ki, bundan öncəki yarışlar təşkilatçılığın yüksək səviyədə olması ilə qonaqların yaddaşında qalıbsa, növbəti oyunlar da  belə olacaq. Artıq nüfuzlu idman xadimləri, ekspertlər Azərbaycanda keçirilən Avropa Gənclər Olimpiya Festivalının yüksək səviyyədə təşkil olunduğunu qeyd edirlər. Avropa Olimpiya Komitələrinin prezidenti Yanes Kosyançiç Bakının əvvəlki turnirlərdə olduğu kimi, bu festivala da uğurla ev sahibliyi edəcəyini vurğulayaraq deyib:

“Bakı festivalın təşkilinə tam hazırdır. Şəhər yalnız irimiqyaslı tədbirlərin keçirilməsi üçün lazım olan infrastruktura malik deyil. Bakı özündə digər əsas komponentləri – yüksək təşkilatçılıq, həvəs və səmimiliyi birləşdirir. İnanıram ki, XV Avropa Gənclər Yay Olimpiya Festivalı böyük müvəffəqiyyətlə keçəcək. Təbii ki, Azərbaycan artıq belə yarışlar keçirmək üçün böyük təcrübə əldə etdiyindən, növbəti yarışda çox yüksək səviyyədə keçəcək və hamı bu oyunlardan məmnun qalacaq. Bu bir daha ölkəmizin beynəlxalq nufuzuna əlavə dividend gətirəcək”.

 Yarışın əhəmiyyətini qeyd edən deputat bildirib ki, “Zirvələrə hazırıq” devizi altında keçirilən “Bakı 2019” XV Avropa Gənclər Yay Olimpiya Festivalında 48 ölkədən 3900 atlet idmanın on növü üzrə qələbə uğrunda 135 dəst medal uğrunda güclərini sınayacaqlar. Mükafatçıların 300 qızıl, 300 gümüş və 330 bürünc medal uğrunda mübarizəsi bir daha bu yarışın ölkəmiz üçün necə əhəmiyyət kəsb etdiyindən xəbər verir. Bu yarışlarda Azərbaycanın 120-dən artıq idmançı ilə iştirak edir. Artıq idmançılarımı ilk qələblərini qazanaraq qızıl, gümüş və bürünc medalları qazanıblar. Bu yarış Azərbaycanda idmanın daha da kütləviləşməsində, yeniyetmə və gənclərimizin vətənpərvərlik ruhunda böyüməsində mühüm əhəmiyyət kəsb edəcək.

O əlavə edib ki, Azərbaycan Avropa Gənclərinin Olimpiya festivallarında 1993-cü ildən təmsil olunmağa başlasa da, 1997-ci ildə İlham Əliyev Azərbaycan Milli Olimpiya Komitəsinin prezidenti seçildikdən sonra gənc idmançılarımız bu festivallarda daha böyük uğurlar qazanmağa başlayıblar.

Mötəbər idman yarışlarında Azərbaycanın seçilməsinə gəldikdə, deputat deyib ki, bu gün Azərbaycan dünyanın ən stabil və əmin-amanlığın hökm sürdüyü ölkələrdən biridir:

"İkincisi, Azərbaycan çox  qonapərvər xalq olduğundan bura gələn qonaqlar sonradan ölkəmizin təbliğatçılarına çevrilər ki, bu da Azərbaycanın tanıdılması baxımdan çox böyük əhəmiyyət kəsb edir. Mötəbər tədbilərin yüksək səviyyədə keçməsi sahəsində də Azərbaycan böyük təcrübə əldə edib. Azərbaycan təcrübəsi yüksək dəyərləndirilir və hətta bəzi inkişaf etmiş ölkələr bu təcrübədən yararlanırlar.

Belə tədbirlər Azərbaycanın dünyaya daha yaxından tanıdılması baxımından böyük əhəmiyyətə malikdir. Belə ki, tədbirdə iştirak edən qonaqlar Azərbaycanın iqtisadi, sosial, mədəni inkişafının şahidi olmaqla yanaşı, ölkənin iqtisadi və turizm sektorunun inkişafına öz müsbət təsirini göstərəcək”.

Deputat onu da bildirib ki, idman yarışının keçirildiyi müddətdə Azərbaycan yenidən dünyanın diqqət mərkəzində olacaq:

"Digər tədbirlər kimi bu yarış da Azərbaycanın dünyada tanıdılması baxımından böyük əhəmiyyətə malik olacaq. Və tədbir çox yüksək səviyyədə təşkil olunacaq”.

Mürtəza
Ölkə.Az

ŞƏRH YAZ
0

11 ölkə nasizmi pisləyən birgə bəyanat yaydı — Aralarında Azərbaycan da var

11 ölkə nasizmi pisləyən birgə bəyanat yaydı
03:11
Bu gün
168
Siyasət
A
Azərbaycan, Rusiya, Belarus, Ermənistan, Qazaxıstan, Özbəkistan, Qırğızıstan, Tacikistan, Türkmənistan, Moldova və Serbiya xarici işlər nazirləri İkinci Dünya müharibəsində Qələbənin 75 illiyi ilə bağlı birgə bəyanat imzalayıblar.

"Ölkə.Az" APA-ya istinadən xəbər verir ki, bu barədə Rusiya Xarici İşlər Nazirliyinin mətbuat xidməti məlumat yayıb.

Rusiya XİN rəsmi internet səhifəsində ATƏT  XİN başçıları Şurasının Bratislavada keçirilən 26-cı iclasında 11 ölkənin xarici işlər nazirləri tərəfindən qəbul olunan birgə bəyanatın mətni yerləşdirilib.

Bəyanatda İkinci Dünya müharibəsinin tarixdə on milyonlarla insanın həyatına son qoyan və bəşəriyyət üçün dəhşətli əzablara səbəb olan ən şiddətli və qanlı münaqişələrdən biri olduğu qeyd olunub. 

Bildirilib ki, nasizm üzərində qələbə xalqlarımızın sarsılmaz birliyi və həmrəyliyi, anti-Hitler koalisiyası ölkələrinin birgə mübarizəsi sayəsində mümkün olub. 

Bəyanatda ön və arxa cəbhələrdə misilsiz şücaət və cəsarət göstərərək sivilizasiyamızı məhv olmaqdan xilas edənlərin fədakarlığı xatırlanıb: “Bizim müqəddəs borcumuz tarixi həqiqəti qorumaqdır. Biz Qızıl Ordunun əsgər və sərkərdələrinin abidələrinin, Avropanın faşistlərdən azad edilməsi uğrunda canlarını vermiş insanların məzarlarına hörmətsizliyi təhqir hesab edirik. Bu cür xatirə obyektlərinə qarşı vandalizmə heç bir haqq qazandırmaq olmaz. Bütün ölkələri qəhrəmanların xatirəsinə ehtiram göstərməyə və hərbi məzarları yaxşı vəziyyətdə saxlamağa çağırırıq".

Bəyanatda həmçinin İkinci Dünya müharibəsinin nəticələrini saxtalaşdırmağa cəhdlər də qətiyyətlə pislənilib: "Bir sıra ölkələrin nasist cinayətkarlarının və onların silahdaşlarının reabilitasiyası və qəhrəmanlaşdırılması səylərindən narahatıq. Nürnberq Beynəlxalq Hərbi Tribunalının müddəti bitməyən qərarlarına ciddi riayət edilməsinin zəruriliyini hesab edirik. Etnik və dini nifrət əsasında olan cinayətlərə susmaq dünyanı yeni bir fəlakətə aparacaq”.

 “BMT Baş Assambleyasının 74-cü sessiyasında qəbul olunan "Nasizmin qəhrəmanlaşdırılması, irqçilik, irqi ayrı-seçkilik, ksenofobiya və onunla bağlı olan dözümsüzlüyün təşviqinə xidmət edən neonasizm və onun digər növlərinə qarşı mübarizə” adlı qətnamənin vacibliyini qeyd edirik" - deyə, birgə bəyanatda qeyd olunub.

Ölkə.Az

ŞƏRH YAZ
0

“Hakimlərə məzuniyyət haqqının hesablanması Qaydası”nı təsdiqləndi

“Hakimlərə məzuniyyət haqqının hesablanması Qaydası”nı təsdiqləndi
18:35
07.12.2019
1619
Siyasət
A
Nazirlər Kabineti “Hakimlərə məzuniyyət haqqının hesablanması Qaydası”nı təsdiqləyib.

“Ölkə.Az” xəbər verir ki, bununla bağlı qərarı Baş Nazir Əli Əsədov imzalayıb.

Yeni qaydalar “Məhkəmələr və hakimlər haqqında” qanunun 107-ci maddəsinin birinci hissəsinin ikinci cümləsinə uyğun olaraq hazırlanıb və hakimlərə məzuniyyət haqqının hesablanması qaydasını müəyyən edir və məzuniyyət haqqının ödənilməsi üçün əmək haqqının hesablanması qaydası hakimə istifadə edilməyən məzuniyyətə görə kompensasiya ödənilərkən də tətbiq edilir.

Qərarda qeyd olunub ki, məzuniyyət vaxtı üçün ödənilən orta əmək haqqı onun hansı iş ili üçün verilməsindən asılı olmayaraq, məzuniyyətin verildiyi aydan əvvəlki 12 təqvim ayının orta əmək haqqına əsasən müəyyən edilir. 12 təqvim ayından az işləyib məzuniyyətə çıxan hakimin orta aylıq əmək haqqı onun faktiki işlədiyi tam təqvim aylarına əsasən hesablanır.

Məzuniyyət günlərinin əmək haqqının müəyyən edilməsi üçün məzuniyyətdən əvvəlki 12 təqvim ayının əmək haqqının cəmlənmiş məbləği 12-yə bölünməklə orta aylıq əmək haqqının məbləği tapılır və alınan məbləğ ayın təqvim günlərinin orta illik miqdarına - 30,4-ə bölünməsi yolu ilə bir günlük əmək haqqının məbləği müəyyən edilir. Bu qayda ilə müəyyən edilmiş bir günlük əmək haqqının məbləği məzuniyyətin müddətinin təqvim günlərinin sayına vurulur.

Hakimə məzuniyyət vaxtı üçün orta əmək haqqı məzuniyyətin başlanmasına ən geci 3 (üç) gün qalmış ödənilir.

Qərara əsaəsn, məzuniyyət vaxtı üçün orta əmək haqqının hesablanması zamanı aşağıdakı ödənişlər nəzərə alınır:

- faktiki işlənmiş vaxt üzrə vəzifə maaşı;

- vəzifə maaşına ödənilən bir aylıq vəzifə maaşı həcmində əlavə;

- hakimlik stajına və prokurorluq orqanlarındakı xidmət illərinə görə əlavə;

- Azərbaycan Respublikası Ali Məhkəməsinin hakimlərinə ödənilən yüksək hüquqi ixtisasa görə vəzifə maaşına əlavə;

- elmi dərəcəyə görə vəzifə maaşına əlavə;

- fəxri ada görə aylıq təqaüd;

- səlahiyyətlərin yerinə yetirilməsi ilə bağlı xərclərin ödənilməsi üçün hakimlərə ödənilən aylıq pul təminatı;

- müvəqqəti əvəzetməyə görə ödəmə;

- nqanunvericilikdə hakimlərin iş yerlərinin və əmək haqqının saxlanıldığı hallarda ödəmələr;

- məcburi işburaxma dövrünün ödənilməsi;

- əmək qabiliyyətini müvəqqəti itirməyə, hamiləliyə və doğuma görə müavinətlər;

- dəniz səviyyəsindən 1200 metrdən yüksəklik yerlərdə əmsallar üzrə əlavə ödənişlər.

- Məzuniyyət vaxtı üçün orta əmək haqqının hesablanması zamanı aşağıdakı ödənişlər nəzərə alınmır:

- birdəfəlik xarakter daşıyan mükafatların bütün növləri, yubiley və bayram günləri, anadan olan günlərlə bağlı və digər analoji hallarda verilən həvəsləndirici ödənişlər;

- ilk dəfə hakim vəzifəsinə təyin olunan şəxslərə hakimlik fəaliyyətinin birinci ilində və sonrakı 4 (dörd) il ərzində ildə bir dəfə ödənilən birdəfəlik yardım;

- müalicə olunması üçün verilən iki aylıq əmək haqqı məbləğində pul təminatı;

- məzuniyyətə çıxdıqda verilən iki aylıq əmək haqqı məbləğində müavinət;

- zamiyyə xərcləri;

- birinci instansiya məhkəmələrinin hakimlərinə verilən dəftərxana ləvazimatlarının dəyəri;

- sanatoriya-kurort müalicəsinə və istirahət evlərinə yollayışların dəyəri;

- istifadə edilməmiş əmək məzuniyyətlərinə görə ödənilən kompensasiya.

ŞƏRH YAZ
0
BAĞLA