KORONAVİRUSA YOLUXANLARIN SAYI - CANLI STATİSTİKA

Bu yazını oxuya bilənə mükafat verilir

Bu yazını oxuya bilənə mükafat verilir
20:40
11.05.2019
2842
Maraqlı
A
Fransanın Bretan regionundakı Pluqastel icmasının müdiriyyəti burada tapılan daşın üzərində cızılmış yazını oxuya bilən şəxsə iki min avro mükafat təklif edir. 20 sətirdən ibarət mətnin 230 il əvvəl yazıldığı güman olunur.

"Ölkə.Az" Türkiyə mediasına istinadən xəbər verir ki, yazılan hərflərin bir çoxu latın əlifbasına aid olsa da, bəzi işarələr sanki alt-üst yazılıb.

Mətndə skandinav runlarına (qədim skandinav əlifbası) bənzəyən simvollar üstünlük təşkil edir.

Bu daşın üstündə iki rəqəm var - 1786 və 1787. Bu deməkdir ki, mətn Fransa İnqilabından iki il əvvəl yazıla bilərdi.

Elə buradaca yelkənli gəmi və katolisizmdə ən mühüm rəmzlərdən biri həkk edilib: üzərində xaç olan "Müqəddəs ürək" simvolu.

Mətndə "ROC AR B ... DRE AR GRIO SE EVELOH AR VIRIONES BAOAVEL" - yazılan bir hissə var.

Başqa bir yerdə isə belə bir cümlə yazılıb: "ROC AR B ... DRE AR GRIO SE EVELOH AR VIRIONES BAOAVEL".

Yerli alimlər yazının mənasını başa düşə bilmir.

Bir çox insan mətnin qədim breton və yaxud da Bask dilində olduğunu düşünür.

Digərləri isə onun kəmsavad insan tərəfindən yazıldığını fikirləşir.

Bəziləri iddia edir ki, mətn qədim breton dilində yazıla bilər.

Nəzəriyyələrdən birinə görə, mətn yaxınlıqdakı sahilin müdafiəsi ilə bağlı işlərlə əlaqəlidir.

1780-ci ildə Brest körfəzinin qorunması üçün burada qala və atəş mövqeləri inşa olunub.

Onların qalıqlarını indi də görmək olar.

"Yerli tarixçilər və arxeoloqlara sual verdik, lakin heç kim bu daşın arxasındakı tarixi başa düşə bilmədi", - Pluqastelin meri Dominique Cap deyir. - Bixəbər qalmaqdansa, biz müsabiqə elan etmək qərarına gəldik".

Müsabiqənin başlığına 19-cü əsrdə Rozetta daşı üzərindəki qədim misir heroqliflərini oxumağa müvəffəq olan fransız alimi Jean-François Champollio-un adı da əks olunub: "Pulqastel-Daulasda Şampolyonun Sirri" (Mystère Champollion à Plougastel-Daoulas).

Müsabiqədə iştirak etmək istəyən linqvistika və arxeologiya həvəskarlarına şəhər müdiriyyətində qeydiyyatdan keçmək təklif olunur. Bundan sonra onlara daşın üzərindəki mətnin şəkilləri göndəriləcək.

Yazının təhlili üzrə işlər noyabr ayının sonuna kimi qəbul olunacaq. Daha sonra isə müsabiqənin qalibi elan olunmalıdır.

Ölkə.Az

ŞƏRH YAZ
0

Koronavirusun yox olacağı TARİX — RƏSMƏN AÇIQLANDI

Koronavirusun yox olacağı TARİX
21:47
Bu gün
1815
Maraqlı
A
Hazırda bütün dünyada koronavirusun ilk dalğası yaşanır və bu zaman dövründə biz təcrübə toplamışıq.

"Ölkə.Az" bildirir ki, bunu Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı Nazirlər Kabineti yanında Operativ Qərargahın bu gün keçirilən brifinqində deyib.

Onun sözlərinə görə, peyvənd hazır olmayana qədər bu virus bizimlə hələ uzun müddət birlikdə olacaq: "Hazırda bir çox ölkə virusa qarşı peyvənd hazırlamaq üçün cəhdlər göstərir. Ona görə də ikinci dalğanın yaranmaması üçün hər birimiz bu virusa qarşı çox ciddi davranmalı, məsuliyyətli yanaşma göstərməliyik”.

ŞƏRH YAZ
0

ABŞ ordusunda xidmət edən azərbaycanlı — “Xalqımın adət və ənənələrinə riayət edirəm”

ABŞ ordusunda xidmət edən azərbaycanlı
22:14
03.06.2020
3153
Maraqlı
A
Sabir Şixəliyev – 13 il ərzində Amerika Birləşmiş Ştatlarının ordusunda rota komandiri kimi xidmət edən azərbaycanlıdır. O, Əfqanıstandakı hərbi əməliyyatlarda iştirak edərək, kontuziya alan, amma buna baxmayaraq, sevimli işinə davam edən şəxslərdəndir.

"Ölkəı.Az" xəbər verir ki, S.Şixəliyev media.az-a müsahibəsində özündən, ABŞ-a köçməsindən və hərbi xidmətindən danışıb.

- Özünüz haqqında qısaca danışın

- Mən 1983-cü ildə Bakıda anadan olmuşam. Daha sonra ailə vəziyyətinə görə Türkmənistana köçmüşük. Lakin buna baxmayaraq, mən tez-tez Bakıya, nənəmin yanına gəlirdim. İndi də Bakıda yaşayan nənəmi ziyarət etməyə çalışıram. Axırıncı dəfə Vətəndə 2019-cu ildə olmuşam.

- ABŞ-a nə vaxt köçmüsünüz?

- 1997-ci ildə “Green Card” udaraq ABŞ-a köçmüşük. O vaxta qədər bu ölkədə qohumlarım yaşayırdı.

- Belə çıxır ki, siz təhsilinizi Amerika məktəbində davam etdirmisiniz?

- Bəli, mən orada səkkizinci sinfə getdim. Eyni zamanda, işləməyə başladım. Çünki ABŞ-da uzun müddət işsiz qala bilməzsən.

- Hansı işdə çalışırdınız?

-  Hansı işlərdə işləməmişəm... Mağazada satıcı, restoranda ofisiant, tikintidə fəhlə... Həmçinin, mühafizəçi və sürücü kimi də çalışmışam.

- ABŞ ordusuna necə gedib çıxdız?

- ABŞ-dakı immiqrantlar yaşları imkan verirsə, orduda xidmət edə bilərlər. Mən özüm bunu istədim və 24 yaşında orduya yollandım.  

- Bəs ABŞ vətəndaşlığını nə vaxt aldınız?

- İki il sonra.

- Hərbi işə marağınız haradandır?

- Amerikada yaşasam da, Azərbaycanda doğulmuşam. Xalqımın adət və ənənələrinə riayət edirəm. Atam, babam orduda xidmət ediblər. Mən də bu ənənəni pozmaq istəmədim. Həmişə vətəndaşların müdafiə və köməyinə yönəlik sahədə çalışmaq istəmişəm.

Müsahibəni daha ətraflı Media.az saytından oxuya bilərsiniz.

ŞƏRH YAZ
0
BAĞLA