Bu yazını oxuya bilənə mükafat verilir

Bu yazını oxuya bilənə mükafat verilir
20:40
11.05.2019
2023
Maraqlı
A
Fransanın Bretan regionundakı Pluqastel icmasının müdiriyyəti burada tapılan daşın üzərində cızılmış yazını oxuya bilən şəxsə iki min avro mükafat təklif edir. 20 sətirdən ibarət mətnin 230 il əvvəl yazıldığı güman olunur.

"Ölkə.Az" Türkiyə mediasına istinadən xəbər verir ki, yazılan hərflərin bir çoxu latın əlifbasına aid olsa da, bəzi işarələr sanki alt-üst yazılıb.

Mətndə skandinav runlarına (qədim skandinav əlifbası) bənzəyən simvollar üstünlük təşkil edir.

Bu daşın üstündə iki rəqəm var - 1786 və 1787. Bu deməkdir ki, mətn Fransa İnqilabından iki il əvvəl yazıla bilərdi.

Elə buradaca yelkənli gəmi və katolisizmdə ən mühüm rəmzlərdən biri həkk edilib: üzərində xaç olan "Müqəddəs ürək" simvolu.

Mətndə "ROC AR B ... DRE AR GRIO SE EVELOH AR VIRIONES BAOAVEL" - yazılan bir hissə var.

Başqa bir yerdə isə belə bir cümlə yazılıb: "ROC AR B ... DRE AR GRIO SE EVELOH AR VIRIONES BAOAVEL".

Yerli alimlər yazının mənasını başa düşə bilmir.

Bir çox insan mətnin qədim breton və yaxud da Bask dilində olduğunu düşünür.

Digərləri isə onun kəmsavad insan tərəfindən yazıldığını fikirləşir.

Bəziləri iddia edir ki, mətn qədim breton dilində yazıla bilər.

Nəzəriyyələrdən birinə görə, mətn yaxınlıqdakı sahilin müdafiəsi ilə bağlı işlərlə əlaqəlidir.

1780-ci ildə Brest körfəzinin qorunması üçün burada qala və atəş mövqeləri inşa olunub.

Onların qalıqlarını indi də görmək olar.

"Yerli tarixçilər və arxeoloqlara sual verdik, lakin heç kim bu daşın arxasındakı tarixi başa düşə bilmədi", - Pluqastelin meri Dominique Cap deyir. - Bixəbər qalmaqdansa, biz müsabiqə elan etmək qərarına gəldik".

Müsabiqənin başlığına 19-cü əsrdə Rozetta daşı üzərindəki qədim misir heroqliflərini oxumağa müvəffəq olan fransız alimi Jean-François Champollio-un adı da əks olunub: "Pulqastel-Daulasda Şampolyonun Sirri" (Mystère Champollion à Plougastel-Daoulas).

Müsabiqədə iştirak etmək istəyən linqvistika və arxeologiya həvəskarlarına şəhər müdiriyyətində qeydiyyatdan keçmək təklif olunur. Bundan sonra onlara daşın üzərindəki mətnin şəkilləri göndəriləcək.

Yazının təhlili üzrə işlər noyabr ayının sonuna kimi qəbul olunacaq. Daha sonra isə müsabiqənin qalibi elan olunmalıdır.

Ölkə.Az

ŞƏRH YAZ
0

2019-cu ilin ən etibarlı avtomobili — SİYAHI

2019-cu ilin ən etibarlı avtomobili
18:50
Bu gün
761
Maraqlı
A
Amerikalı mütəxəssislər 2019-cu ilin ən etibarlı avtomobilinin adını açıqlayıblar.

“Ölkə.Az” xəbər verir ki, “JD Power” analitika şirkəti Şimali Amerika bazarında ən etibarlı avtomobillərin siyahısını hazırlayıblar. Məlum olub ki, artıq ikinci ildir ki, Cənubi Koreya şirkətləri siyahıya liderlik edirlər. Bu, “Genesis”, “Kia” və “Hyundai” brendləridir.

Məlum olub ki, bu avtomobillərin keyfiyyətli avtomobil siyahısında reytinqi yüksəlib. 22 mükafatdan 6-sına layiq görülüb.

Bazarda ən çox satılan avtomobillər “Kia”nın payına düşüb. “Rio” modeli daha populyar və problemsizdir. “Sorento” modeli isə orta ölçülü avtomobillər siyahısında birincidir.

Kiçik ölçülü krossover kimi “BMW X1” birinci yerə layiq görülüb. Orta sinif üçün isə “Hyundai Tucson” birinci yeri tutub. Premium sedanlar arasında “Acura İLX” modeli liderdir. Kompakt şəhər maşınları seqmentində isə “Toyota Corolla” modeli birincidir.

Lüks krossoverlər siyahısına “BMW X6” liderlik edir. “Nissan Maxima” isə tamölçülü ən yaxşı sedan hesab edilir. Ən yaxşı tamölçülü yolsuzluq avtamobili isə “Ford Explorer”dir.

Ölkə.Az

ŞƏRH YAZ
0

Cərrah xəstənin beynini 3000 km məsafədən əməliyyat etdi — FOTOLAR

Cərrah xəstənin beynini 3000 km məsafədən əməliyyat etdi
14:50
Bu gün
2878
Maraqlı
A
Çinin Sanya şəhərində qeyri-adi hadisə baş verib.

 “Ölkə.Az” xəbər verir ki, cərrah xəstənin beynində əməliyyatı 5G şəbəkəsinin vasitəsilə uzaqdan edib. Bu zaman xəstə həkimdən 3000 km uzaqda olub.
Əməliyyatı aparan həkim Çinin Xaynan vilayətindəki xalq-azadlıq ordusundakı xəstəxananın həkimi Lin Çjipeydir. Əməliyyat 3 saat davam edib. O, əməliyyatı 5G şəbəkəsində işləyən kompüter vasitəsilə idarə edib.

Alətlərdən kompüter vasitəsilə çox dəqiq istifadə edən Lin xəstənin beyninə beyini stimullaşdırmaq üçün çip yerləşrdirilib. Xəstə isə əməliyyatdan sonra özünü yaxşı hiss etdiyini deyib.

“Mən növbə ilə Pekin və Xaynanda işləyirəm. Bu əməliyyat Xaynanda olduğum vaxt baş tutdu. Parkinson xəstəsi Pekində idi və xəstəliyinə görə Xaynana gələ bilmirdi”, - deyə həkim bildirib.

Qeyd edək ki, bu, Çin həkimlərinin ilk 5G əməliyyatı deyil. Bir həftə əvvəl də Şençjen şəhərindəki xəstəxanada həkimdən 2000 km uzaqda yerləşən xəstənin qara ciyəri əməliyyat olunub.

Hikmət Həsənov
Ölkə.Az

ŞƏRH YAZ
0
BAĞLA