Büdcə icrasında nə qədər defisit yaranıb?

Büdcə icrasında nə qədər defisit yaranıb?
12:05
19.10.2017
297
İqtisadiyyat
A
Cari ilin 9 ayında dövlət büdcəsinin mədaxili 12 mlrd. 45,1 mln. manat, xərcləri 12 mlrd. 783,7 mln. manat olub, 783,6 mln. manat məbləğində büdcə kəsiri (defisit) yaranıb.

Maliyyə Nazirliyindən "Ölkə.Az"a verilən məlumata görə, bu 9 ayında dövlət büdcəsinin mədaxili 12,019 mlrd. manat proqnoza qarşı 12 mlrd. 45,1 mln. manat və ya 0,2% çox icra olub ki, bu da ötən ilin eyni dövrü ilə müqayisədə 1,942 mlrd. manat və ya 19,2% çoxdur.

Vergilər Nazirliyi tərəfindən mədaxil proqnozu 100,1% icra edilməklə dövlət büdcəsinə 5 mlrd. 224,8 mln. manat vəsait təmin edilib ki, bu da ötən ilin eyni dövrü ilə müqayisədə 298,5 manat və ya 6,1% çoxdur. Həmin vəsaitin 73,2%-i və ya 3 mlrd. 825,8 mln. manatı qeyri-neft sektorundan daxilolmaların payına düşür.

2017-ci ilin doqquz ayında Dövlət Gömrük Komitəsi proqnoza 117,8% əməl edərək dövlət büdcəsinə 1 mlrd. 950,4 mln. manat vəsait təmin edib ki, bu da ötən ilin eyni dövrü ilə müqayisədə 296,6 mln. manat və ya 17,9% çoxdur.
 
Dövlət Neft Fondundan dövlət büdcəsinə 4,3 mlrd. manat  vəsait daxil olub ki, bu da proqnoza nisbətən 275 mln. manat və ya 6% azdır.

Dövlət büdcəsindən maliyyələşdirilən təşkilatların ödənişli xidmətlərindən daxilolmaları 246,7 mln. manat təşkil edib ki, bu da 2016-cı ilin eyni dövrü ilə müqayisədə 53,8 mln. manat və 27,9% çoxdur.

Sair daxilolmalar üzrə büdcəyə 323,2 mln. manat, bundan 250 mln. manat vəsait Mərkəzi Bankın sərbəst mənfəətindən transfert şəklində daxil olub.
 
Cari ilin iyul-sentyabr ayları üzrə dövlət büdcəsinin mədaxili üzrə 4 mlrd. 320,3 mln. manat vəsait daxil olub.
 
Bu ilin 9 ayında dövlət büdcəsinin xərcləri proqnoza nisbətən 100,7% və ya 12 mlrd. 783,7 mln. manat icra olunub ki, bu da 2016-cı ilin eyni dövrü ilə müqayisədə 2 mlrd. 161,5 mln. manat və ya 20,3% çoxdur.
 
İqtisadi təsnifata uyğun olaraq cari ilin 9 ayında dövlət büdcəsi xərclərinin 38,1%-i və ya 4 mlrd. 865,1 mln. manatı sosialyönümlü xərclərin (əməyin ödənişi fondu, təqaüd və sosial müavinətlər, dərman və ərzaq xərcləri) maliyyələşdirilməsinə yönəldilib ki, bu da ötən ilin eyni dövrü ilə müqayisədə 351,4 mln. manat və ya 7,8% çoxdur.
 
Cari ilin 9 ayında dövlət əsaslı vəsait qoyuluşu xərclərindən elm, təhsil, səhiyyə, sosial, mədəniyyət, idman və digər sosial-mədəni və məişət təyinatlı obyektlərin tikintisinə və yenidən qurulmasına 514,7 mln. manat, enerji, su təchizatı, nəqliyyat, kommunal, meliorasiya infrastrukturlarının tikintisinə, yenidənqurulmasına və digər sahələrə 1666,1 mln. manat, o cümlədən Naxçıvan Muxtar Respublikasında həyata keçirilən investisiya layihələrinin maliyyələşdirilməsinə dövlət büdcəsinin dövlət əsaslı qoyuluşu xərclərindən 64,9 mln. manat vəsait yönəldilib.
 
Cari ilin iyul-sentyabr ayları üzrə dövlət büdcəsinin xərcləri 4,59 mlrd. manat icra olunub.
 
Hesabat dövründə dövlət büdcəsində 738,6 mln. manat kəsir (defisit) yaranıb. Kəsirin maliyyələşdirilməsi özəlləşdirmədən, daxili və xarici borclanmadan daxilolmalar və cari ilin 1 yanvar tarixinə dövlət büdcəsinin vahid xəzinə hesabının qalığı hesabına təmin edilib.
 
Cari ilin 9 ayında icmal büdcənin gəlirləri 17 mlrd. 586,9 mln. manat, icmal büdcənin xərcləri isə 16 mlrd. 972,4  mln. manat  icra olunub. İcmal büdcənin artıqlığı 614,5 mln. manat təşkil edib.

ŞƏRH YAZ
0

Azərbaycanda əhalinin gəlirləri artıb

Azərbaycanda əhalinin gəlirləri artıb
19:02
17.11.2018
15985
İqtisadiyyat
A
Bu ilin yanvar-oktyabr aylarında ölkə əhalisinin nominal gəlirləri əvvəlki ilin müvafiq dövrünə nisbətən 9,2% artaraq 43 871,5 mln. manat və ya əhalinin hər nəfərinə orta hesabla 4 471,1 manat təşkil edib.

Bu barədə “Ölkə.Az” Dövlət Statistika Komitəsinə istinadən məlumat verir.

Məlumata görə, bütün icbari və könüllü ödənişlər edildikdən sonra əhalinin sərəncamında 40 272,8 mln. manatlıq və ya əvvəlki ilin eyni dövrü ilə müqayisədə 9,6% çox vəsait qalıb.

Ölkə.Az

ŞƏRH YAZ
1

Palata Vergilər Departamentini yoxlayıb

Palata Vergilər Departamentini yoxlayıb
18:21
17.11.2018
11255
İqtisadiyyat
A
Hesablama Palatası Kollegiyasının növbəti iclası keçirilib.

"Ölkə.Az" Hesablama Palatasına istinadən xəbər verir ki, kollegiya iclasında Vergilər Nazirliyinin 2 saylı Ərazi Vergilər Departamentində vergi qanunvericiliyinə riayət edilməsi və inzibatçılıq vəziyyətinin auditinin nəticələri, 2015-2017-ci illərdə ümumtəhsil məktəblərinə ayrılan vəsaitlərin sinif komplektlərinin sayına və şagird sayına uyğunluğunun və şagird-müəllim nisbətinin təhlilinə dair həyata keçirilmiş nəzarət tədbirləri üzrə hesabatlar müzakirə olunub.

Kollegiya iclasında hər bir nəzarət tədbiri üzrə Kollegiya qərarının layihəsi müzakirə edilərək təsdiq olunub. Həmin qərarların icrasını təmin etmək məqsədilə aidiyyəti dövlət qurumlarına təqdimatların göndərilməsi və audit tədbirlərinin nəticələri barədə məlumatların Milli Məclisə təqdim olunması qərara alınıb.

İclasda, aparılmış audit tədbirlərinin nəticələri üzrə təqdimatların icrası vəziyyəti barədə auditorların məlumatı dinlənilib, müvafiq qərarlar qəbul edilib, həmçinin Hesablama Palatasının İş planında nəzərdə tutulmuş nəzarət tədbirləri ilə bağlı proqramlar təsdiq olunub. 

Ölkə.Az

ŞƏRH YAZ
0
BAĞLA