"Büdcədə sosial məsələyə daha çox yer ayrılıb" — Deputat

12:37
13.11.2019
805
Siyasət
A
“2020-ci ilin büdcəsi ümumdünya inkişaf tempinə yaxındır. Bütün bunlar ölkə başçısının iradəsi sayəsində mümkün olub”.

 “Ölkə.Az” xəbər verir ki, bunu deputat Tahir Kərimli parlamentin bu gün keçirilən plenar iclasında büdcə müzakirələri zamanı çıxış edərkən deyib.

Deputat bildirib ki, 2023-cu ilə qədər dövlət büdcəsində hərbi xərclərə ayrılan vəsait azalıb: "Nə üçün bizim hərbi büdcəmiz 2023-cu ilə qədər azalıb. Bəlkə biz Dağlıq Qarabağ müharibəsini udmuşuq? Büdcədə sosial məsələyə daha çox yer ayrılır. Lakin müdafiə msəələlərində diqqətli olmalıyıq".

T. Kərimli Ağsu -Şamaxı aşırımındakı yol tikintisinə vəsaitin ayrılmasını təklif edib:

“10 illərdir ki, Ağsuya avtobus girib-çıxmır. Nə üçün insanlar cehiz aparmaq üçün kilometlərlə piyada yol getməli olurlar”. 

Bununla yanaşı deputat maliyyə amnistisiyasının verilməsini, Azərbaycan dilinə aid elmi tədqiqat institutunun yaradılmasının vacibliyini qeyd edib.

Mürtəza
Ölkə.Az

 

ŞƏRH YAZ
1

Türkiyə parlamenti ABŞ Senatının “erməni soyqırımı” qərarına etiraz edib

Türkiyə parlamenti ABŞ Senatının “erməni soyqırımı” qərarına etiraz edib
23:54
13.12.2019
542
Siyasət
A
Türkiyə Böyük Millət Məclisi ABŞ Senatının 1915-ci il hadisələrini “erməni soyqırımı” kimi tanınması ilə bağlı qəbul etdiyi qanun layihəsinə etiraz edib.

"Ölkə.Az" bildirir ki, Türkiyə parlamentinin dörd partiyası birgə qərar qəbul edərək Senatın qanun layihəsinin əsassız olduğunu bildirib.

Türkiyə Böyük Millət Məclisinin (TBMM) sədri Mustafa Şentopun imzası ilə yayılan qərarda ABŞ Senatına etiraz bildirilib. Qərara AKP ilə yanaşı, Cümhuriyyət Xalq Partiyası (CHP), İyi Partiya və Milliyyətçi Hərəkat Partiyası (MHP) imza atıblar.

Qərarda ABŞ Senatının tarixi həqiqətləri azdırmaq istəyi ilə beynəlxalq hüququn əsas qaydalarını saymaması pislənilib. Qeyd edilir ki, Türkiyə Böyük Millət Məclisi qondarma "erməni soyqırımı" ilə bağlı qərarı təəssüflə qınayır və rədd edir. 

ŞƏRH YAZ
0

Prezident İlham Əliyev Boris Consonu təbrik edib

Prezident İlham Əliyev Boris Consonu təbrik edib
22:24
13.12.2019
440
Siyasət
A
Prezident İlham Əliyev Böyük Britaniya və Şimali İrlandiya Birləşmiş Krallığının Baş Naziri vəzifəsinə yenidən təyin olunmağı münasibətilə Boris Consonu təbrik edib.

"Ölkə.Az" Azərtac-a istinadən bildirir ki, təbrikdə deyilir: 

“Böyük Britaniya və Şimali İrlandiya Birləşmiş Krallığının Baş Naziri vəzifəsinə yenidən təyin olunmağınız münasibətilə Sizi səmimi qəlbdən təbrik edirəm. Biz Azərbaycan ilə Birləşmiş Krallıq arasındakı dostluq və əməkdaşlıq münasibətlərinə böyük əhəmiyyət veririk. Enerji sektorunda səmərəli fəaliyyətimiz xüsusi məmnunluq doğurur.

İnanıram ki, qarşılıqlı faydalı əməkdaşlığımızın inkişaf etdirilməsi və dərinləşdirilməsi istiqamətində Sizinlə birgə səylərimizi bundan sonra da ardıcıl şəkildə davam etdirəcəyik.

Sizə ən xoş arzularımı yetirir, məsul fəaliyyətinizdə uğurlar diləyirəm”.

ŞƏRH YAZ
0
BAĞLA