"Bugünkü gənclər artıq 10-15 il əvvəlki deyillər" — DTX RƏİSİ

15:38
19.05.2017
135
Ölkə
A
"Bu gün Azərbaycan dünyada tanınır. Ulu öndər Heydər Əliyev demişdi ki, Azərbaycan bir gün dünyaya Günəş kimi saçacaq. Bax bu gün biz bunun şahidi oluruq".

"Ölkə.Az"ın APA-ya istinadən məlumatına görə, bunu Dövlət Təhlükəsizliyi Xidmətinin rəisi Mədət Quliyev deyib.
 
M. Quliyev Azərbaycana turist axınını buna misal göstərib: "Turistlər hər hansı narahatlıq olan, təhlükəsiz sayılmayan ölkəyə gələrlərmi? Təbii ki, gəlməzlər. Bu gün Azərbaycanda əmin-amanlıqdır, ona görə də turistlər ölkəmizə gəlir. Bugünkü gənclər artıq 10-15 il əvvəlki deyillər. Onlar tam azad, müasir dünyanın insanlarıdır. Bu da Heydər Əliyev tərəfindən əsası qoyulan siyasətin məntiqi nəticəsidir. Azərbaycan prezidenti İlham Əliyev də bu siyasəti uğurla davam etdirir. Azərbaycan tolerantlığı və dini dözümlülüyü ilə dünyaya nümunədir. Dinindən, irqindən asılı olmayaraq, bütün insanlar ölkəmizdə özlərini çox rahat hiss edirlər. Mədəniyyətimiz sürətlə inkişaf edir. İslam Həmrəyliyi Oyunları Heydər Əliyev tərəfindən əsası qoyulan, prezident İlham Əliyev tərəfindən uğurla aparılan siyasətin bir nümayişidir. Bu gün Azərbaycan idmançıları yarışlarda çoxsaylı qələbələr əldə edirlər. Ancaq əsas məqam odur ki, belə bir mötəbər idman yarışı Azərbaycanda keçirilir. Bunun özü artıq Azərbaycan üçün bir qələbədir".

ŞƏRH YAZ
0

Şirvan Milli Parkında 2 ədəd raket aşkar olundu

Şirvan Milli Parkında 2 ədəd raket aşkar olundu
01:25
Bu gün
525
Ölkə
A
Ötən gün Dövlət Sərhəd Xidmətinin Sahil Mühafizə Xidməti və Fövqəladə Hallar Nazirliyinin Böhran Vəziyyətlərində İdarəetmə mərkəzindən ANAMA-ya Qaradağ rayonunun Ələt qəsəbəsi ərazisində 1 ədəd mərminin tapılması barədə məlumatlar daxil olub.

“Ölkə.Az” xəbər verir ki, məlumatlara əsasən, Agentliyin xüsusi mobil çevik əməliyyat qrupu və Dövlət Sərhəd Xidmətinin Sahil Mühafizə Xidmətinin əməkdaşları dərhal həmin əraziyə göndərilib.

Mütəxəssislər və Dövlət Sərhəd Xidmətinin Sahil Mühafizə Xidmətinin əməkdaşları tərəfindən birlikdə yuxarıda adı qeyd olunmuş ərazidə Şirvan Milli Parkının ərazisinə baxış keçirilib. Aparılan təcili təxirəsalınmaz operativ əməliyyat-axtarış tədbirləri nəticəsində Agentliyin mütəxəssisləri tərəfindən 2 ədəd 140 mm-lik raket (M-14) aşkar olunub, zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.

Raketlərin tapıldığı yerin ətrafında 4 000 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ölkə.Az

ŞƏRH YAZ
0

27 yaşlı qız çoxlu dərman içdi, zəhərləndi

27 yaşlı qız çoxlu dərman içdi, zəhərləndi
01:10
Bu gün
466
Ölkə
A
Qaxda 27 yaşlı qız dərmandan zəhərlənib.

"Ölkə.Az"ın APA-ya istinadən məlumatına görə, iyunun 19-u axşam saat 23:20 radələrində rayonun Cəlayır kənd sakini, 1991-ci il təvəllüdlü Əfsanə Salman qızı Cəlilova zəhərlənmə əlamətləri ilə Qax Mərkəzi Rayon Xəstəxanasının (MRX) reanimasiya şöbəsinə daxil olub.

MRX-dan verilən məlumata görə, müayinə zamanı 27 yaşlı Əfsanə Cəlilovanın yaşadığı ünvanda hələki məlum olmayan səbəbdən eyni adda 6 ədəd dərman həbi qəbul etdiyi məlum olub. Hazırda Əfsanə Cəlilovaya lazımi tibbi yardımlar edilir, vəziyyəti orta-stabildir.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA