Bundestaqın bir qrup deputatı Türkiyə səfərini ləğv etdi
“Ölkə.Az” xəbər verir ki, bu barədə Bundestaqın vitse-prezidenti Klaudiya Rot bildirib. O, hələlik Türkiyəyə getməkdən imtina etmələrinin səbəbini açıqlamayıb. Sadəcə qərarın ləğv edildiyini deyib. Klaudiya Rot bunun səbəblərini mayın 24-də açıqlayacağını bildirib.
Qeyd edək ki, Bundestaqın vitse-prezidenti Klaudiya Rot (“Yaşıllar Partiyası”) və daha üç deputat 25-28 may tarixlərində Ankara, Diyarbəkir və İstanbula səfər etməyi planlaşdırıblarmış. Səfər çərçivəsində Türkiyə XİN nümayəndələri, parlament rəhbərliyi və deputatlarla görüşlər nəzərdə tutulmuşdu.
“İncirlik” aviabazasına baş çəkmək deputatlar planlarına daxil olmayıb. Türkiyə rəsmiləri tərəfindən alman deputatların “İncirlik” aviabazasına səfərinin mümkünsüz olduğu bildirilmişdi.
Ziya Səccad
Ölkə.Az
