Bunları etməsəniz XOŞBƏXT ola bilərsiniz — 10 vərdiş

Bunları etməsəniz XOŞBƏXT ola bilərsiniz
23:18
23.08.2019
3438
Maraqlı
A
Həyatınızda nə vaxtsa bəzi şeylərin əskik olduğunu düşündünüzmü? Özünüzü bədbəxt, səfil bir halda hiss etdinizmi? Ya da yaşamaqdan sıxıldınızmı?

Hamımızın həyatında belə vaxtlar olur… Üstəlik bəzən bunun fərqində belə olmuruq. Bu, xoşbəxt olmayan insanlara xas olan xüsusiyyətdir.

“Ölkə.Az” uplifers.com-a istinadən bu yazıda insanda bədbəxtliyə səbəb olan 10 vərdişi diqqətinizə çatdırır:

1. Hər şeyin aydınlaşmağını gözləyərlər

Bəzən sevdiyi və xoşbəxt olduğu şeylər etmək üçün hansı istiqamətə getməyi bilməyin lazım olduğunu düşürlər. Amma əslində bu işlər belə olmur. Başınız qarışıq olanda da əlinizdən gələnin ən yaxşısını edə bilərsiniz. Yaxşı bir şey etmək üçün qeyri-müəyyənliyin aradan qalxmasını gözləməyə ehtiyac yoxdur.

2. Fikirlərini başqalarının təsdiq etməyini gözləyərlər

İnsan xoşbəxt olmayanda bir şeyi doğru edərkən başqalarının bunu təsdiqləməsini gözləyirlər. Halbuki bu gözlənti çoxaldıqca insanın daxilindəki boşluqlar da artar. Çünki potensial gücünü özündən başqasına verir. “Səhv edirəm” deyə həyəcana qapılmaq əvəzinə, özlərinə güvənməli və bununla qane olmağa çalışmalıdır.

3. Gələcəkdə bütün problemlərdən xilas olacaqlarına inanırlar

Belə insanların daha bir vərdişi gələcəkdə yaşamaqdı, hədəflərə çatmağın xoşbəxtlik verəcəyini hesab etməkdir. Lakin, xoşbəxtlik gələcəkdən və ya çatılan hədəflərdən asılı deyil, insanın içindən gəlir.

4. Böyük yüksəlişlər əldə etmək istəyərlər

Prosesləri qabaqlamaq, gələcəyə sürətlə getmək istəyərlər. Səbrsizlik edərlər. Bu da həyatın digər məqamlarına önəmsiz yanaşmağa səbəb olar. Halbuki prosesləri bir az öz axarına buraxsaq, hər şeyin bir-birinə uyğunluqla davam etdiyini görmək mümkün olacaq.

5. Səhv gözləntilər

Hər an, hər gün xoşbəxt olmaq mükün deyil. Ancaq xoşbəxt olmayan insanlar hər an xoşbəxt olmağın gözləntisində olarlar və həyatlarını biraz daha çətinləşdirərlər. Həyat bəzən bədbəxtlik, bəzən çətinliklər, bəzən ümid qırıqlığı, bəzən də xoşbəxt keçən bir səyahətdir.

6. Fikirləri həddindən çox ciddiyə alarlar

Hamımızın ağlından bəzən özümüzlə bağlı mənfi fikirlər keçir. Bədbəxt insanlar belə düşüncələri həddindən çox ciddiyə alır, onun təsirindən çıxa bilmirlər. Əslində belə fikirləri sadəcə qəbul edib, yola davam etmək lazımdır.

7. “Etibarlı sularda üzmək” istəyərlər

Xoşbəxt olmayan insanlarda daimi rahatlığında azca kənara çıxanda özlərini narahat hiss edərlər. Bəzən xoşbəxtlik rahatlıq sərhədlərini aşmaqla və risk etməklə əldə edilər.

8. Problemlərə çox köklənərlər

Bədbəxt insanlar iş, maliyyə vəziyyəti, ailə münasibətlərindən sadəcə birində problem yaşayanda bütün diqqətini ona ayırar və təsirindən çıxa bilməzlər. Bununla da özlərini daha bədbəxt edərlər. Qəbul etmək lazımdır ki, həyatda hər şey daim qaydasında gedə bilməz. Önəmli olan onların təsirindən uzaqlaşmaq və o problemlərlə yaşamağı öyrənməkdir.

9. Maneələrə müqavimət göstərər

Daima maneələrlə mübarizə aparmaq əvəzinə, bu əngəllərdən nələr öyrənmək olduğu araşdırılmalıdır. Düşünmək lazımdır ki, qarşımıza çıxan və başımıza gələn hər şeyin bir səbəbi var. Önəmli olan bu səbəbi öyrənməkdir. Xoşbəxt olmayan insanlar isə sadəcə nəticəylə məşğul olarlar.

10. Öz istəklərini arxa plana atarlar

Xoşbəxtliyin önündəki ən böyük əngəllərdən biri insanın öz arzu-istəklərini həmişə arxa plana atmasıdır. Belə insanlar ürəyindən keçənlərə və hədəflərinə laqeyd yanaşdığı üçün bədbəxt olmağa başlayarlar.

Xoşbəxt olmaq üçün:

Xoşbəxtliyin gəlməyini gözləməkdənsə, ona tərəf özünü getməlisiniz. Özünüzə vaxt ayırmalısınız. Vaxt məhdudiyyətlərindən şikayətlənməkdənsə, hər gün qısa müddət də olsa bunları edərək vərdişə çevirə bilərsiniz:

- 5-10 dəqiqə idman hərəkətləri

- Sevdiklərinizlə vaxt keçirmək

- Sosiallaşmaq

- Başqalarına kömək etmək

- Gülümsəmək

- Səyahət etmək

- Və ən əsası normal yuxu rejimi lazımdır.

Ölkə.Az

ŞƏRH YAZ
0

Bakının xilaskarı bu evdən ingilislərin gedişini izləyib — Nuru Paşanın Bakıdakı qərargahından - REPORTAJ

Bakının xilaskarı bu evdən ingilislərin gedişini izləyib
15:36
Bu gün
326
Maraqlı
A
Bu gün Osmanlı ordusunun komandanı Nuru Paşanın (Nuri Killigil) rəhbərlik etdiyi Qafqaz İslam Ordusunun Bakını erməni-bolşevik işğalından azad etməsinin 101-ci ildönümüdür. 1918-ci il mayın 28-də elan edilən və müsəlman şərqinin ilk respublikası olan Azərbaycan Xalq Cümhuriyyətinin bir dövlət kimi yaranması və tarixə düşməsində, Bakının Azərbaycanın paytaxtına çevrilməsində Nuru Paşa və Qafqaz İslam Ordusunun xidmətləri əvəzsizdir. Hər il sentyabrın 15-i Bakı daxil olmaqla, indiki Azərbaycan ərazilərini işğaldan azad edən, azərbaycanlılara qarşı həyata keçirilən soyqırımının qarşısını alan, xalqın yaddaşında xilaskar kimi yaşatdığı Nuru Paşanın və Qafqaz İslam Ordusunun əsgər və zabitlərinin xatirəsi anılır. 2018-ci il avqust ayının əvvəllərindən sentyabrın 15-dək Bakı uğrunda gedən döyüşlərdə Qafqaz İslam Ordusu 1130-dək şəhid verib. Ümumilikdə isə 1918-ci il iyunun ortalarından sentyabrın 15-dək Azərbaycanın azadlığı uğrunda döyüşlərdə Qafqaz İslam Ordusunun dörd mindən çox əsgər və zabiti şəhid olub. Azərbaycanda müstəqil dövlətin qurulmasında müstəsna xidmətləri olan Qafqaz İslam Ordusunun komandanı Nuru Paşanın adı hər zaman Azərbaycan Xalq Cümhuriyyəti (AXC) ilə yanaşı çəkilir. Nuru paşa Cümhuriyyətin qurulmasında iştirak etməsə də, Bakının xilas edilməsində onun qədər qiymətli iz qoymağı bacardı. Azərbaycan xalqı onu hər zaman böyük xilaskar əsgər kimi xatırlayır. 1918-ci ilin avqust ayında Nuru Paşanın komandanlığı altında Qafqaz İslam Ordusu Bakıya daxil olanda ordu Abşeron rayonunun Qobu kəndində qərargah qurub. Bakının xilas edilməsi üçün Qafqaz İslam Ordusunun komandanı Nuru Paşa özünə qərargah kimi kənd sakini Kərbəlayi Qasımın evini seçib.

"Ölkə.Az" bildirir ki, oxu.az paşanın qərargah olaraq seçdiyi evdən reportaj hazırlayıb.

Kərbəlayi Qasımın nəvəsi Akif Qasımov baba evinin paşanın özü tərəfindən şəxsən seçildiyini bildirib:

“Qobu kəndi dəniz səviyyəsindən yüksəkdə yerləşir. Həmin ev strateji cəhətdən çox əlverişli idi. Çünki kəndin ən hündür və iki mərtəbəli evi olub. Demək olar ki, Bakını idarə etmək üçün bütün şərait var idi. Buradan Bakının hər yeri görünürdü.

Bakı sanki əsgərlərin ovuclarının içərisində idi. Babamgilin yaşadığı ev isə Nuru Paşaya lazım olan yerləri görmək üçün ən əlverişli yer idi. Paşa evin ikinci mərtəbəsindəki eyvanından ingilislərə nəzarət edirdi.

Onlara dəniz yolu ilə qaçmağa icazə verirdi. Şəxsən özü ingilislərin paroxodlarının bir-bir dəniz yolu ilə getməsinə, Bakının təmizlənməsinə şahidlik edirdi.

Ümumi olaraq əsas qüvvələr kənddəki dağın üstündə qurulmuşdu. Piyadalar isə Qasımçapandan (indiki Qurd qapısı) Bakıya girirdi. Paşa tam təmizlənmə bitdikdən sonra Bakıya və digər rayonlara daxil olub”.

Paşanın Qobuda ermənilər olmadığı üçün bu kəndi seçib:

“Cümhuriyyət əsgərləri, Bakı qoçuları Nuru Paşaya bütün işlərdə kömək ediblər”.

Müsahibimiz bildirir ki, Nuru Paşa və ordunun digər məmurları evin ikinci mərtəbəsində, babasıgil isə birinci mərtəbədə məskunlaşıb:

“Ordunun buraya yerləşməsi ən azı 20 gün çəkib. Onlar bu evdə olanda işıq əvəzinə çıraq yandırıblar. Amma paşa ingilislərdən yayınmaq üçün çox vaxt çıraq belə yandırmağa icazə vermirdi. Həmin vaxt əmimin həyat yoldaşı hamilə olub. Nuru Paşaya xanımlardan birinin hamilə olduğunu və uşağın dünyaya gələcəyini deyirlər. Paşa yandırmadığı çıraqlarından birini aşağı göndərir. Deyir ki, qoy, uşaq işığa gəlsin.

Paşanın bu hərəkəti babamı çox təəccübləndirir. Paşanın göndərdiyi çıraq sayəsində əmimqızı qaranlıq deyil, işıqlı dünyaya gəlir. Qeyd edim ki, həmişə əmimqızı Qızqayıta Nuri Paşanın çırağa gətirdiyi uşaq deyirdilər”.

Onun sözlərinə görə, hazırda həmin evdə qardaşı və əmisi yaşayır:

“Bir müddət öncə qardaşım evi təmir etmək istədi. Amma hər kəs evin söküldüyünü yazdı. Əslində, elə bir şey yox idi. Sadəcə, qardaşım baxımsız qalan evi təmir etmək istəyirdi. Demək, hər kəs bu evin nə qədər əhəmiyyətli olduğunu bilir”.

Evin arxasındakı tut ağacından Nuru Paşa və əsgərləri tut yeyib:

“Çünki onların kəndə gələndə tutun yetişən vaxtı olub”.

Nuru Paşa kənddə yerləşən hamamdan da istifadə edib:

“Kəndimizdəki hamam məşhur “O olmasın, bu olsun” filmindəki Məşədi İbadın getdiyi hamama  bənzəyir. Hər iki hamam eyni layihə əsasında hazırlanıb.

Nuru Paşa və əsgərləri kənddə olduqları müddətdə həmin hamamdan istifadə edib. Hamam 1995-ci ilə kimi fəaliyyətini davam etdirib. Amma indi baxımsız vəziyyətdədir”.

Akif Qasımov qeyd edib ki, babasından paşa və digər yüksək rütbəli məmurların istifadə etdiyi məişət əşyaları qalıb:

“Heç kəsin əlinə düşməsin deyə oğluma vermişəm. Çünki nəvələrim çoxdur. Qorxuram ki, əllərinə düşən kimi itsin”.  

Qeyd edək ki, Nuru Paşa və Qafqaz İslam Ordusunun əsgər və zabitləri Azərbaycanda təkcə ölkəmizi və onun paytaxtını işğaldan azad edən qəhrəmanlar kimi deyil, həm də Azərbaycan-Türkiyə qardaşlığının örnəyidirlər.

Ölkə.Az

ŞƏRH YAZ
0

Afətə min şükür - Koreyalı qız Röyanın mahnısını it gününə qoydu — VİDEO

Afətə min şükür - Koreyalı qız Röyanın mahnısını it gününə qoydu
13:30
Bu gün
1731
Maraqlı
A
Koreyalı müğənni Qod Ci Azərbaycanın əməkdar artostləri Röya Ayxan və Miri Yusifin "Səndən bir dənədir" hitini azərbaycanca ifa edib.

"Ölkə.Az" Sputnik Azərbaycan-a istinadən bildirir ki, müğənni bu mahnını özünün YouTube sosial şəbəkəsindəki səhifəsində yayıb. Müğənni bir müddət Azərbaycanda yaşayıb və təhsil alıb. O, burada Azərbaycan dilini də öyrənməyə nail olub.

Koreyaya qayıdan qız orada koreyalılar üçün Azərbaycan mahnılarını ifa etmək qərarına gəlib. Qızın Azərbaycandan olan izləyiciləri onun ifasından zövq alıblar.

Qod Cinin ifasında bu mahnını 70 mindən çox YouTube izləyicisi dinləyib.

Xatırladaq ki, bu kompozisiya 2016-cı ildə dinləyicilərə təqdim edilib. Mahnının sözlərini Miri Yusif yazıb, musiqisini isə Kamil Əhmədbəyli və Tural Əliyev bəstələyib.

Müqayisə üçün kompozisiyanın orijinal versiyasını da azərbaycanlı müğənnilərin ifasında təqdim edirik.

Qeyd edək ki, Miri Yusif və Röyanın ifasında bu mahnının rəsmən yayımlanmış versiyasını 19,5 milyon izləyici dinləyib.

Ölkə.Az

ŞƏRH YAZ
0
BAĞLA