Bunu edən sürücülər 500 manat cərimələnəcək — RƏSMİ

Bunu edən sürücülər 500 manat cərimələnəcək
11:50
15.11.2017
3798
Ölkə
A
Qanun qadağan etsə də, avtomobillərə quraşdırılması inzibati xəta tərkibi yaratsa da, antiradar cihazı açıq satışa çıxarılır.

"Ölkə.Az" xəbər verir ki, qadağan edilmiş bu cihazın həm Əmlak Məsələləri Dövlət Komitəsində hərraca çıxarılması və alış-veriş saytında açıq şəkildə satılması ilə bağlı Bakı Şəhər Dövlət Yol Polisi İdarəsinin bölmə rəisi Vaqif Əsədov axar.az-a açıqlama verib. O bildirib ki, antiradar cihazının satışı "Yol hərəkəti haqqında" qanunun tələblərinin təbliğinə aid deyil:

"Bu cihazın satışı ilə bağlı biz bir şey edə bilmərik. "Yol hərəkəti haqqında" qanunda deyilir ki, antiradar qurğularının avtomobillərə quraşdırılması inzibati xəta tərkibi yaradır. Bunun cəriməsi də yüksəkdir. Avtomobilərə antiradar cihazı, yəni radarın işini əngəlləyən qurğu qoyulmasına görə sürücü məsuliyyət daşıyır. Sürücü o qurğuya görə 500 manatdan 800 manata qədər cərimə edilə bilər".

V.Əsədov bildirib ki, həmin cihazın satışına müdaxilə edə bilməzlər:

"Bu qurğunun satışı ilə bağlı sualı bizə ünvanlamayın. Bununla biz məşğul olmuruq. Bu, bizə aid olan bir məsələ deyil. Biz birmənalı olaraq bildiririk ki, qanun bu qurğuların avtomobillərə quraşdırlmasına icazə vermir. Hər hansısa avtomobildə bu cihaz müəyyən edilərsə, mütləq qaydada cərmələnəcək".

Hüquqşünaş, yol-hərəkəti üzrə ekspert Ərşad Hüseynov açıqlamasında bildirib ki, dəqiqləşdirmək lazımdır, hərracda və saytlarda satışa çıxarılan həmin qurğu özündən radiodalğalar buraxaraq radarın fəaliyyətini məhdudlaşdıran cihazdır, ya yox:

"Antiradar özü dalğalar buraxan və bu dalğalarla radarın işini məhdudlaşdıran qurğudur. Antiradar - radara işləməyə imkan verməyən cihazdır. Radarın dalğalarını öldürür, boğur və imkan vermir ki, radar avtomobilin sürətini ölçsün.

Azərbaycanda məhz antiradar, yəni radarın dalğalarını öldürən cihaz qadağandır. Bu qurğudan da avtomobillərdən başqa heç bir yerdə istifadə edilməsi mümkün deyil. Avtomobillərə quraşdırılması da qadağan edilibsə, ölkədə satışı, gətirilməsi də əhəmiyyətsizdir".

Ə.Hüseynovun sözlərinə görə, dövriyyəsi məhdudlaşdırılan əmlakların konkret siyahısı var ki, radarın fəaliyyətini məhdudlaşdıran antiradar da həmin siyahıya salınıb:

"Prezident tərəfindən o əşyaların siyahısı da müəyyən olunub. O siyahıda da konkret bildirilir ki, hansı texniki göstəriciləri olanlar məhdudlaşdırılıb. Rabitə və Yüksək Texnologiyalar Nazirliyinin həmin cihazların ölkəyə gətirilməsini və satılmasını qadağan edib, məhdudlaşdırıb. Avbtomobillərə quraşdırıması da qanunla tənzimlənir, cəriməsi də var".

Baş Dövlət Yol Polisi İdarəsinin İctimaiyyətlə əlaqələr şöbəsinin rəisi Kamran Əliyev də deyir ki, antiradarlar radarların işinə mane olduğuna görə qadağan edilib.

Qeyd edək ki, antiradar cihazı "Tap.az" saytında açıq satışa çıxarılıb. Həmçinin Əmlak Məsələləri Dövlət Komitəsinin növbəti hərracında da sözügedən cihaz satılır.

ŞƏRH YAZ
2

Pasportunu itirənlərə üçün — VACİB XƏBƏR

Pasportunu itirənlərə üçün
12:07
Bu gün
497
Ölkə
A
Azərbaycanda ümumvətəndaş pasportu və vətəndaşın şəxsiyyət vəsiqəsinin itirilməsi və korlanması ilə əlaqədar bu sənədlərin yenidən verilməsinə görə rüsumlar dəyişdirilir.

"Ölkə.Az" Report-a istinadən xəbər verir ki, dəyişikliyə əsasən, Azərbaycan vətəndaşının şəxsiyyət vəsiqəsinin itirilməsi və korlanması ilə əlaqədar yenidən verilməsinə görə rüsum artırlır.

Belə ki, sənəd 10 iş günü müddətində verildikdə 5 manatdan 15 manata, 3 iş günü müddətində verildikdə 25 manatdan 35 manata və 1 iş günü müddətində verildikdə 35 manatdan 45 manata artırılır.

Həmçinin, Azərbaycan vətəndaşlarına xaricə getmək hüquq verən ümumvətəndaş pasportlarının itirilməsi və korlanması ilə əlaqədar yenidən verilməsinə görə yeni rüsumlar müəyyən edilib.

Belə ki, dəyişikliyə əsasən, sənəd 10 iş günü müddətində verildikdə 1 yaşadək uşaqlar üçün 20 manat (hazırda 10 manat), 1 yaşından 3 yaşadək uşaqlar üçün 30 manat (20 manat), 3 yaşından 18 yaşadək uşaqlar üçün 40 manat (hazırda 30 manat), 18 yaşına çatmış vətəndaşlara 50 manat (hazırda 40 manat), 5 iş günü müddətində verildikdə 1 yaşadək uşaqlar üçün 30 manat (hazırda 20 manat), 1 yaşdan 3 yaşadək uşaqlar üçün 50 manat (40 manat), 3 yaşdan 18 yaşadək uşaqlar üçün 70 manat (60 manat), 18 yaşına çatmış vətəndaşlara 90 manat (80 manat), 1 iş günü müddətində verildikdə 1 yaşadək uşaqlar üçün 50 manat (hazırda 40 manat), 1 yaşından 3 yaşadək uşaqlar üçün 90 manat (80 manat), 3 yaşından 18 yaşadək uşaqlar üçün 130 manat (hazırda 120 manat), 18 yaşına çatmış vətəndaşlara 170 manat (hazırda 160 manat) ödəniləcək. 

Qeyd edək ki, hazırda ümumvətəndaş pasportu və vətəndaşın şəxsiyyət vəsiqələri itirilmə və korlanma ilə əlaqədar yenidən verildikdə rüsumlar ümumi qaydada (qüvvədə olma müddətinin bitməsi, habelə qanunla müəyyən edilmiş hallarda dəyişdirilməsi nəzərə tutulan hallarda) tutulur.

ŞƏRH YAZ
0

"Qoca"nın qaçdığına görə həbs olunan komandirin yerinə yeni — TƏYİNAT

12:03
Bu gün
525
Ölkə
A
Ədliyyə Nazirliyi Pentensiar Xidmətin Konvoy Taboruna yeni rəis təyin edilib.

"Ölkə.Az" “ucnoqta.az”a istinadən xəbər verir ki, Ədliyyə Nazirinin müavini, Pentensiar Xidmətin rəisi, ədliyyə general –mayoru Ceyhun Həsənovun əmri ilə Azad Maşanov Pentensiar Xidmətin Konvoy Taborunun komandiri təyin edilib.Azad Maşanov bundan qabaq Pentensiar Xidmətin Alayının Qərargah rəisi olub.
 
Qeyd edək ki, Pentensiar Xidmətin Konvoy Taborunun komandiri ədliyyə polkovnik–leytenantı  Pərviz Abdullayev bir müddət bundan qabaq qaçan dustaqlara görə vəzifəsindən azad edilərək həbs olunub.

 

ŞƏRH YAZ
0
BAĞLA