"Bunu Mahir Mədətovun atasından soruşun" — Qurban Qurbanov

22:09
01.12.2017
1848
İdman
A
Topaz Premyer Liqasının 14-cü turunda evdə "Neftçi"ni 1:0 hesabıyla məğlub edən "Qarabağ"ın baş məşqçisi Qurban Qurbanov oyunsonrası mətbuat konfransında jurnalistlərin suallarını cavablandırıb.

Ölkə.Az "qafqazinfo"-ya istinadən xəbər verir ki, Qurbanov öncə oyunla bağlı fikirlərini bildirib:

"Çox vacib 3 xal qazandıq. Son vaxtlar topla yaxşı davranan rəqibə qarşı oynadıq. Biz də buna görə çalışdıq ki, topla daha çox rəftar edək. Düşünürəm ki, maraqlı oyun oldu. Futbolçularımı təbrik edirəm. Tərlan Əhmədova uğurlar arzulayıram".

- Baş verən son hadisələrə millinin baş məşqçisi kimi münasibətiniz necədir?

- Kənardan asan gələ bilər. Hansısa klubun işinə qarışmaq düzgün çıxmaz. Buna vaxt lazımdır. Ola bilər ki, hamımız çılğın reaksiya verə bilərik. Mənim açıqlama verməyim düzgün olmaz. Bizim futbolda belə şeylər yaxşı hal deyil. Bundan əvvəl də həmişə UEFA-dan xəbərdalıq gəlirdi. Belə bir şey varsa, mütləq yığışdırılmalıdır. Ancaq indiki halda həm o futbolçular, həm də "Neftçi" və "Keşlə" haqda fikir bildirmək düzgün olmazdı. Xaricdə bu, bizə antipatiya yarada bilər.

- Bu kimi hallar "Qarabağ"ın Çempionlar Liqasındakı uğuruna kölgə salır?

- Bu hallar təkcə bizdə yaşanmır. İnsanın zəif yerləri var, bəzən özünü saxlaya bilmir.

- Ansi Aqollinin durumu nə yerdədir?

- O, "Roma" ilə oyunda çıxış edə bilməyəcək. Ümumiyyətlə, onun üçün il başa çatıb. Çox güman ki, müdafiənin mərkəzində Elvin Yunuszadə oynayacaq.

- Son 20-25 dəqiqədə nəzarəti əldən verdiniz. Bu, xüsusi tapşırıq idi?

- Düz qeyd etdiniz. Bir az çətinlik oldu. Məğlub durumda olan hər komanda hücuma atılır. Bu üzdən də Coşqunu meydana buraxdım.

- Mahir Mədətovun xarici klubların diqqətində olması barədə nə deyə bilərsiniz?

- Bu barədə onun atasından soruşun. Məndə bu haqda bir məlumat yoxdur.

ŞƏRH YAZ
0

Messi Ronaldunu qabaqladı və rekorda imza atdı

Messi Ronaldunu qabaqladı və rekorda imza atdı
23:49
18.12.2017
116
İdman
A
Lionel Messi İspaniyada növbəti mükafatını qazanıb.

Ölkə.Az apasport.az-a istinadən xəbər verir ki, argentinalı futbolçu nüfuzlu "Marka" nəşrinin ötən mövsümün ən yaxşı oyunçusuna verdiyi "Alfredo di Stefano" mükafatına sahib çıxıb.

Oxucular arasında aparılmış sorğunun nəticəsinə əsasən Leo əsas rəqibi Kristianu Ronaldunu qabaqlayaraq 1-ci yerə sahib çıxıb. Messi sözügedən mükafata 5-ci dəfə sahib çıxaraq Ronaldunu qabaqlayıb və rekorda imza atıb.

Qeyd edək ki, Di Stefano mükafatı 2007-ci ildən verilir.

ŞƏRH YAZ
0

2018-ci ildə Azərbaycanda daha 3 Olimpiya Mərkəzi tikiləcək

2018-ci ildə Azərbaycanda daha 3 Olimpiya Mərkəzi tikiləcək
16:12
18.12.2017
475
İdman
A
"Gələn il dövlət büdcəsində bölgələrdə üç Olimpiya İdman Mərkəzinin tikintisi nəzərdə tutulub. Onlardan biri istifadəyə veriləcək, ikisində isə tikinti gedəcək. Ondan sonrakı illərdə də biz bu siyasəti davam etdirəcəyik".

"Ölkə.Az"ın "Report"a istinadən məlumatına görə, bunu Azərbaycanın və Milli Olimpiya Komitəsinin prezidenti İlham Əliyev 2017-ci ilin idman yekunlarına həsr olunmuş mərasimdəki çıxışında deyib. Dövlət başçısı bildirib ki, bu günə qədər bölgələrdə 43 Olimpiya İdman mərkəzi yaradılıb: "Bakının idman qurğuları dünyanın ən yüksək standartlarına cavab verir. Bölgələrdə də Olimpiya İdman mərkəzlərinin tikintisi davam etdirilir. Bu il Abşeron və Ağcabədi rayonlarında iki gözəl Olimpiya İdman Mərkəzi yaradılıb. Bunlar gənclər, idmançılar, rayon sakinləri üçün çox gözəl imkanlar yaradır. Əlbəttə, bu istiqamətdə işlər bundan sonra da davam etdiriləcək".

Prezident İlham Əliyevin fikrincə, Regional Olimpiya mərkəzləri idmanın kütləvi xarakter almasından ötrü tikilib: "Mən hər zaman idmançılarla görüşəndə qeyd edirəm ki, hər bir insan idmanla məşğul olmalıdır. Fiziki sağlamlıq hər bir insan üçün çox önəmlidir. Biz son illər ərzində bu istiqamətdə bir çox vəzifələri icra etdik. Bütün bölgələrdə müasir xəstəxanalar, diaqnostika mərkəzləri tikilib. Dövlət tərəfindən təşkil olunan dispanzerizasiya, müayinədənkeçmə işləri aparılır. Hər il beş milyondan çox insan dövlət hesabına tibbi müayinədən keçir. Ekoloji vəziyyət yaxşılaşır, təmiz içməli su layihələrinin icrası geniş vüsət alıb. Əlbəttə, fiziki hərəkət sağlamlıq üçün əsas amillərdən biridir. İdmanın kütləviliyi idman nəticələri əldə etmək üçün yox, sadəcə olaraq, ona görə vacibdir ki, hər bir insan özünü yaxşı hiss etsin".

ŞƏRH YAZ
0
BAĞLA