Bütün dünya Putini nokauta salan bu qadından danışır — FOTOLAR

Bütün dünya Putini nokauta salan bu qadından danışır
16:11
16.02.2019
14684
Dünya
A
Rusiya prezidenti Vladimir Putin Soçi Zirvəsindən sonra jüdo ilə və hokkey idman növü ilə məşğul olub.

“Ölkə.Az” xəbər verir ki, Türkiyə prezidentini hava limanından yola salan Putin idman salonuna keçib.

Cüdo üzrə qara kəmər sahibi olan Putin əynini dəyişərək döşəyə çıxıb. 2016-cı ilin qızıl mükafatçısı Beslan Mudranov Putinlə üz-üzə durub. Rusiya prezidenti rəqibini məğlub edib.

Murdanovdan sonra döşəyə rus milli cüdoçusu Nataliya Kuziutin çıxıb. Rusiya mətbuatı Nataliyanı “Putini nokauta salan cüdoçu” adlandırıb. İdmançı qadın Putinə təşəkkür edib və rus liderlə olan fotolarını sosial şəbəkədə paylaşıb.

“Prezident Putinə təşəkkür edirəm. Zirvədə gərgin görüşlərdən sonra idmana vaxt tapıb. Ölkəmizin bir nömrəli cüdoçusu ilə qarşılaşmaqdan çox məmnun qaldım”, - deyə Nataliya sosial şəbəkədə yazıb.

Rusiyanın Bryansk şəhərində anadan olan Nataliya Kuziutin 2020-ci il Tokio Yay Olimpiya Oyunları üçün rus milli komandası ilə məşqlər edir. Dörd dəfə Avropa çempionu olan çüdoçu ilk dəfə 2009-cu ildə, yəni 2009-cu ildə Tiflisdə keçirilən yarışda çempion olub.
52 kq çəki dərəcəsində mübarizə aparan Nataliya 2010, 2014 və 2017-ci illərdə Dünya Cüdo Çempionatının bürünc mükafatlarını qazanıb. 2012-ci ildə London Yay Olimpiya oyunlarında ilk mərhələdə məğlub olub.

Hikmət Həsənov
Ölkə.Az

ŞƏRH YAZ
0

Nurməhəmmədov atası ilə rinqə çıxdı — FOTO

Nurməhəmmədov atası ilə rinqə çıxdı
13:10
Bu gün
291
Dünya
A
UFC çempionu Həbib Nurməhəmmədov atası Əbdülmanaf Nurməhəmmədovlar rinqə çıxıb.

“Ölkə.Az” xəbər verir ki, idmançının məşqçisi Xavyer Mendes bu anları lentə alaraq İnstaqram səhifəsində paylaşıb.

Mendes qeyd edib ki, Nurməhəmmədov üçün atası ilə rinqdə məşq etmək vacibdir və bunu təkrar edəcək. Həbib 2018-ci ilin oktyabr ayından rinqə çıxmır. Bu zaman rusiyalı idmançı irland döyüşçü Konor Makreqoru məğlub etmişdi. Döyüşdən sonra baş verən davada iştirak etdiyi üçün Həbib 9 ay müddətinə idmandan uzaqlaşdırılıb. Onun növbəti döyüşü UFC 242 turnirində amerikalı Dastin Poryeyə qarşı 7 sentyabrda baş tutacaq.

Ölkə.Az

ŞƏRH YAZ
0

İrlandiyalı qızın iddiası — Qədim Misir kahininin ruhuyam

İrlandiyalı qızın iddiası
11:31
Bu gün
298
Dünya
A
Dünyada bəzən reinkarnasiya ilə bağlı xəbərlər, məqalələr üzə çıxır.

“Ölkə.Az” bu gün belə xəbərlərdən, daha doğrusu iddialardan birini oxucularına təqdim edir. Sözügedən yazıda Qədim Misirdəki Abidosdakı firon I Setinin məbədinin kahinindən danışacağıq.  Kahinin ruhu XX əsrdə irlandiyalı Doroti Edinin bədəninə keçib. Doroti üç yaşına qədər adi körpə olub. Amma sonradan kliniki ölüm keçirib və ayıldıqdan sonra qeyri-adi insana çevrilib.

Onun bütün maraqlı, söhbətləri və hətta yuxusu da Qədim Misirə həsr edilmişdi. Dorotinin sözlərinə görə, fironun məşuqəsi idi və eyni zamanda kahin idi. Bu səbəbdən qız məktəbə getməkdən və katolik dinindən imtina etdi. Britaniya muzeyini, əsasən də Qədim Misirə həsr edilmiş bölməsini izləməkdən doymurdu. Bir neçə dəfə Doroti əsəb xəstəxanasına da düşdü. Amma həkimlər onda heç bir xəstəlik müşahidə etmədilər. Qız sadəcə Qədim Misir tarixinə aşiq idi.

Nəhayət, Doroti Plimut incəsənət məktəbini bitirdi, piramidalar ölkəsinə aid bir sıra kitab və materiallarla tanış oldu. Artıq 27 yaşı olanda London jurnalında işləyirdi və Misir haqqında maraqlı məqalələr yazırdı. Tezliklə Doroti misirli Eman əbdül Maqidlə tanış oldu və ailə quraraq Qahirəyə köçdü. Təyyarədən enən qız yerə əyilərək torpağı öpdü və nəhayət evə qayıtdığını bildirdi.

Doroti dünyaya gələn oğluna Seti adını verdi və özünü Omm Seti, yəni Setinin anası adlandırdı. O, tez-tez piramidaların yanında meditasiya edir, bəzən burada gecələyirdi. Belə meditasiyaların birində Qor-Ranın ruhu peyda oldu və bildirdi ki, keçmişdə Doroti I Setinin hakimiyyəti dövründə yaşayan, Bentreşit adlı adi qız olub. Onun anası tərəvəz alverçisi olub və dünyasını dəyişəndə Bentreşitin cəmi üç yaşı olub. Atası döyüşçü idi və qızını Abidosdakı məbədə verdi. Məhz burada Bentreşit kahin-bakirə yolunu seçdi və sonradan fironun kənizinə çevrildi.

Dorotinin ailə həyatı uğursuz alındı, çünki keçmiş inkarnasiyası ilə çox məşğul olurdu. Cütlük 1935-ci ildə boşandı və qadın özünü tam olaraq Qədim Misirin dininə və tarixinə həsr etdi. Qadının 52 yaşı olanda Peqa Qap dağının ətəyinə yerləşdi və “doğma” Abidos məbədində xidmət etməyə başladı. Burada o, qədim əlyazmalar üzrə tərcüməçi və Qədim Misir üzrə məsləhətçi idi. O, məşhur misirşünaslar tərəfindən dəyərləndirilirdi. Onun fantastik intiusiyası var idi. Doroti arxeoloqlara I Setini ilk dəfə gördüyü bağçanın da yerini göstərdi. Burada həqiqətən də qədim binanın qalıqları tapıldı. Onun reinkarnasiyasına adi insanlar inanırdılar və müalicə üçün yanına gəlirdilər. O, hətta Nefertitinin məqbərəsinin harada olduğunu da bilirdi. Amma Doroti deyirdi ki, sərdabəni açmaq olmaz, çünki bu dünyaya bədbəxtlik gətirə bilər.

Doroti 77 yaşında, 1981-ci ildə vəfat etdi. Misirşünaslar üçün Doroti özünü qədim Misir tarixinə həsr edən adi insan idi. Onun reinkarnasiyasına heç kəs inanmırdı...

Hikmət Həsənov
Ölkə.Az

ŞƏRH YAZ
0
BAĞLA