Bütün dünya ŞOKDA — Yerin altında 17 il yaşayan şaxtaçı sağ tapıldı

Bütün dünya ŞOKDA
15:54
12.08.2017
683
Dünya
A
Çində çox qəribə hadisə baş verib.

"Ölkə.Az" xəbər verir ki, 17 il əvvəl güclü zəlzələ baş verən mədəndə qazıntı işləri aparılıb. Qazıntı zamanı ərazidə olan hamı şoka düşüb. Məsələ burasındadır ki, 17 il əvvəl zəlzələ nəticəsində şaxtada qalan bir şaxtaçı sağ tapılıb.

Zəlzələ 17 il əvvəl olub. 7.8 bal gücündə zəlzələ mədəni dağıdıb. Nəticədə isə 118 şaxtaçı torpaq altında qalıb.

Hadisədən sonra mədənin bu hissəsi bağlanmışdı. Amma bu yaxınlarda bərpa edilən işlər nəticəsində ölüm tələsində 17 il sağ qalmağı bacaran şaxtaçı tapılıb.

59 yaşlı Çunq Vainin vəziyyəti çox pis olub. Onu yaxınlıqdakı xəstəxanaya çatdırıblar. Həkimlər onun fiziki və psixi vəziyyətini dəyərləndirirlər.

Zəlzələ nəticəsində mədənin taxtadan inşa edilən konstruksiyası uçub və 118 nəfər dağıntılar altında qalıb. Çunqdan başqa bütün şaxtaçılar həlak olub.

Ventilyasiya sistemi sayəsində şaxtaçı sağ qala bilib.

Bundan başqa şaxtada olan böyük qida ehtiyatı da onun sağ qalmasına səbəb olub. Bununla yanaşı Çunq bir müddət kəsəyənlərlə də qidalanıb.

Hikmət Həsənov
Ölkə.Az

ŞƏRH YAZ
0

Fransadan yumurta ilə bağlı tarixi qərar

Fransadan yumurta ilə bağlı tarixi qərar
22:53
19.02.2018
1094
Dünya
A
Fransada 2022-ci ildən etibarən yalnız açıq havada bəslənən toyuqların yumurtasından istifadə ediləcək.

“Ölkə.Az” xəbər verir ki, bu barədə Fransa kənd təsərrüfatı naziri Stefan Travert açıqlamasında deyib.

Nazirin sözlərinə görə, Fransada 2022-ci ildən başlayaraq qapalı yerlərdə saxlanılan toyuqların yumurtalarının satışı qadağan ediləcək. Həmin ildən etibarən toyuqların açıq havada saxlanılması da məcburi olacaq.

Yerli mətbuatda yayımlanan xəbərlərdə bu qərarın tərkibində yumurta olan məmulatlara aid edilmədiyi bildirilib. Ona görə də, qapalı yerlərdə saxlanılan toyuqların yumurtalarından ancaq yumurta tərkibli məhsulların hazırlanmasında istifadə ediləcək.

Qeyd edək ki, Fransada yumurtaların 68 %-i qapalı yerlərdə saxlanılan toyuqlardan əldə edilir.

Ölkə.Az

ŞƏRH YAZ
0

İranda qəzaya düşən təyyarənin axtarışına dronlar cəlb olundu

İranda qəzaya düşən təyyarənin axtarışına dronlar cəlb olundu
22:37
19.02.2018
762
Dünya
A
Bazar günü İranda qəzaya uğrayan ATR-72 sərnişin təyyarəsinin gövdəsinə aid hissələrin tapılması barədə ilkin məlumat təsdiqini tapmayıb.

"Ölkə.Az" İran mətbuatına istinadən xəbər verir ki, bu səbəbdən təyyarənin axtarışları davam etdirilir. Aşağı temperatur və pis hava şəraiti axtarış işlərini çətinləşdirir. Xilasedicilərə ərazinin mürəkkəb landşaftına bələd olan yerli əhali arasından könüllülər də kömək edirlər. Axtarış əməliyyatlarında dron və helikopterlərdən istifadə olunur. Həmçinin rəsmi Tehranın bir sıra xarici dövlətlərə peyk çəkilişlərinin təqdim olunması barədə müraciət etdiyi bildirilir.

Xatırladaq ki, Tehran-Yasuc reysi ilə uçan təyyarədə ümumilikdə 66 nəfər olub. Təyyarə Dena dağları üzərində olarkən – təyinat məntəqəsinə cəmi 25kilometr qalmış radarlardan itib.

İnsanların cəsədləri tapılmadığından onların qohumları ümidlərini üzməyib. Lakin ekspertlərin fikrincə, qəzadan sağ qurtarmaq şansı yoxdur.

Ölkə.Az

ŞƏRH YAZ
0
BAĞLA