AXTAR

Axtarışın nəticələri

Bütün nəticələr
25 Sentyabr 2017

BVF Azərbaycan manatının zəifləməsinin qarşısını ala bilər — Ekspert rəyləri

Azərbaycan Prezidenti İlham Əliyev sentyabrın 13-də Beynəlxalq Valyuta Fondunun (BVF) Orta Şərq və Mərkəzi Asiya Departamentinin direktoru Cihad Azurun başçılıq etdiyi nümayəndə heyətini qəbul edib. Beynəlxalq Valyuta Fondunun Orta Şərq və Mərkəzi Asiya Departamentinin direktoru Cihad Azur Azərbaycana səfəri çərçivəsində İçərişəhərdə olduqlarını, bu tarixi irsin yüksək səviyyədə qorunub saxlanılmasının və İçərişəhərin gözəlliyinin onlarda dərin təəssürat yaratdığını deyib. Görüşdə Azərbaycan ilə Beynəlxalq Valyuta Fondu arasında əməkdaşlığın perspektivləri ətrafında fikir mübadiləsi aparılıb.

13.09.2017 21:55 Bölmə: İqtisadiyyat Oxunma sayı: 609
A- A A+

Görüşlə əlaqədar azərbaycanlı iqtisadçılar nikbin fikirlər bildirirlər. Yerli mütəxəssislərin fikrincə, BVF ilə Azərbaycan arasında bundan sonra da qarşılıqlı münasibətlər inkişaf edəcək.

İqtisadçı ekspert Sabit Bağırov “Ölkə.Az”a açıqlamasında bildirib ki, Beynəlxalq Valyuta Fondu Azərbaycanla münasibətlərdə maraqlı tərəfdir. Onun fikrincə, bu əllaqələr ölkə iqtisadiyyatına müsbət təsir göstərəcək.

“Azərbaycanda Strateji Yol Xəritəsinin tətbiqinə başlayıblar. Bu da bir çox iqtisadi islahatlar deməkdir. BVF-nun əsas amacı müxtəlif ölkələrdə iqtisadi islahatlara yardım etməkdir. Ona görə də, düşünürəm ki, BVF Azərbaycana həm kredit yardım edə, həm də texniki dəstək göstərə bilər. Prinsipcə bu nəticələr gözləniləndir. BVF bütün dünya bankının üzvü olan ölkələrə maraq göstərir. Azərbaycan da, bu mənada maraq dairəsindədir. Onlar Azərbaycana biganə ola bilməzlər”, - deyə Sabit Bağırov bildirib.

İqtisadçı ekspert Qadir İbrahimli də “Ölkə.Az”a açıqlamasında fond ilə münasibətlərin gözlənilən hal olduğunu vurğulayıb. Onun fikrincə, Azərbaycanda müəyyən islahat layihələrinin dəstəklənməsi və maliyyələşdirilməsi istiqamətində BVF ilə əməkdaşlıq baş tuta bilər.

“İndiyə qədər də, fondla əməkdaşlığımız bu istiqamətdə olub. Yəni burada hansısa yeni kordional əməkdaşlıqdan söhbət getmir. Konkret əməkdaşlıq deyəndə, BVF-nun Azərbaycanda yeni layihələrin maliyyələşdirilməsi istiqamətində əməkdaşlıqlar davam edəcək. Fond bir çox infrastruktur layihələrin maliyyələşdirilməsinə dəstək verib. Həmin siyasət bundan sonra da davam etdiriləcək”, - deyə ekspert bildirib.
Qadir İbrahimlinin fikrincə, bu əlaqələr Azərbaycan manatının zəifləməsinin də qarşısını ala bilər:

“Azərbaycan 1992-ci ildən BVF ilə əməkdaşlığa başlayanda inflyasiya mövcud idi. Yəni qiymətlər hər gün artır, manat isə dəyərini itirirdi. Sonrakı mərhələlərdə sabitləşmə baş verdi. Bunun da səbəbi BVF-nun müəyyən tövsiyyəsi və dəstəyi idi. Bu baxımdan, indi manatımızın zəifləməsinin bu əməkdaşlığa heç bir təsiri olmayacaq. Əksinə olaraq, bu əməkdaşlıq iqtisadiyyata bir növ dəstək olacaq və manatın zəifləməsinin qarşısını alacaq”.

Məsələ ilə əlaqədar millət vəkili, iqtisadçı Vahid Əhmədov “Ölkə.Az”a bildirdi ki, BVF ilə Azərbaycanın sıx əməkdaşlığı müsbət haldır. Onun sözlərinə görə, Azərbaycanın maliyyə orqanları uzun müddətdir fondla əməkdaşlığı davam etdirir.

“Fondun mütəxəssisləri Azərbaycanla bağlı proqnozlarda nikbindirlər. Onların mütəxəssisləri uzun müddətdir Azərbaycanda gedən prosesləri izləyirlər. Fikir verirlər ki, nə qədər çətin olsa da, Azərbaycan milli valyutanı bacardığı qədər qoruyub. Ölkədə inflyasiya da çox yüksək səviyyədə deyil. Ümumi Daxili Məhsulun artımına çalışırıq. Son vaxtlar Strateji Yol Xəritəsinin hazırlanması və inkişafı ilə əlaqədar Prezident İlham Əliyevin atdığı addımlar, iqtisadi siyasət göz önündədir. Bu prosesləri BVF-nun mütəxəssisləri müsbət qarşılayırlar. 1995-ci ildən bu günə qədər fond Azərbaycanla əməkdaşlığa maraqlıdır”, - deyə V.Əhmədov bildirib.

Ziya Səccad
Ölkə.Az

Partner Xəbər