Cabir Abdullayev Siyavuş Kərimini məhkəməyə verir? — Hüquqşünas danışır

Cabir Abdullayev Siyavuş Kərimini məhkəməyə verir?
10:22
16.09.2017
869
Mədəniyyət
A
"Əməkdar artist Cabir Abdullayevin Milli Konservatoriyadakı işindən çıxarılması qanuna ziddir".

Bu fikirləri Ölkə.Az-a açıqlamasında hüquqşünas Ruslan Əhmədoğlu səsləndirib. Onun sözlərinə görə, Əmək Məcəlləsinin tələblərinə uyğun olaraq, C.Abdullayev işində saxlanılmalıydı:

"Əvvəla, Əmək Məcəlləsində birbaşa qeyd olunub ki, işə götürən ixtisarla bağlı iki ay əvvəldən ixtisar barədə məlumat verməlidir. Eyni zamanda vətəndaş yeni iş tapana qədər iki aylıq əmək haqqını birdəfəlik ödəməlidir. Bundan savayı, qanunda bu halda bəzi kateqoriya işçilərin üstünlük hüquqları təsbit olunub. Belə ki, işəgötürən ixtisasları (peşələri) və ya peşəkarlıq səviyyələri eyni olduqda, şəhid ailəsinin üzvləri, müharibə iştirakçıları, əsgər və zabitlərin arvadları (ərləri), öhdəsində iki və daha çox 16 yaşınadək uşağı olanlar, həmin müəssisədə əmək şikəstliyi almış və ya peşə xəstəliyinə tutulanlar, məcburi köçkün, onlara bərabər tutulan şəxs və ya qaçqın statusu olan şəxslər, kollektiv müqavilələrdə və ya əmək müqavilələrində nəzərdə tutulan digər şəxslərin işdə saxlanmasına üstünlük verir. Cabir Abdullayev Qarabağ müharibəsinin iştirakçısı və erməni faşistləriylə mərd-mərdanə döyüşmüş Azərbaycan oğludur. Ağdamda gedən döyüşlərdə könüllü döyüşüb və yüksək hərbi xidmət keçib. Qanun göstərdiyi bütün xüsusatlar göstərir ki, hüquqi tərəfdən dövlət başçısı tərəfindən fəxri ad almış, respublikanın əməkdar artisti ixtisar iştirakçısı ola bilməz! İxtisar deyilən anlayışın əsas mahiyyəti adətən qurumun maliyyə çətinliyindən irəli gələn məsələ olur. Heçkimə sirr deyil ki, Milli Konservatoriyanın maliyyə problemi yoxdur. Dövlət tərəfindən kifayət qədər maliyyəşdirilir. Lakin Cabir Abdullayevin ixtisara düşmə səbəbi çox gülünc bir açıqlama ilə əsaslandırılır. İşdən ixtisar olunmanın hüquqi tərəfinin pozulmağına baxmayaraq, deyilir ki, tələbələr yalnız Mənsum İbrahimov və Təyyar Bayramovun tələbəsi olmaq istəyirlər. Hazırda ölkədə hüquqi məsələlərlə bağlı əksər müraciətlər mənə və Ceyhun Yusifova edilir. Onda belə çıxır ki, bütün hüquq məsləhətxanaları fəaliyyətini dayandırsın, Vəkillər Kollegiyası vəkilləri ixtisar etsin ki, sizinlə heç kim işləmək istəmir. Yeri gəlmişkən, əgər Cabir Abdullayev istəsə və bizə müraciət etsə, hüquq onun məhkəmə qaydasında işə bərpa edilməsinə imkan verir. Bunu mən demirəm, hüquq deyir".
 
Qeyd edək ki, Milli Konservatoriyanln rektoru Siyavuş Kəriminin qərarı ilə 3 pedaqoq-müəllim, iyirm müşayiətçi-müəllim işdən azad edilib. Onlar arasında tanınmış xanəndə, əməkdar artist Cabir Abdullayev də var.  

İntiqam VALEHOĞLU
Ölkə.Az

ŞƏRH YAZ
0

Sərxan Sərxan: "Sənətdə heç vaxt pul, şöhrət dalınca qaçmamışam"

Sərxan Sərxan:
13:27
20.07.2018
2534
Mədəniyyət
A
"40 ildir sənətdə, səhnədəyəm. Düz 30 il öncə Əməkdar artist fəxri adına layiq görüldüm. Bu il isə mayın 27-də ölkə prezidenti tərəfindən Xalq artisti fəxri adını aldım. İnanın ki, nə o vaxt, nə də indi xəbərim olmuşdu.Hətta dostlarımdan biri zəng vurub təbrik edəndə bildirdim, niyə tələsirsən, ad günümə hələ 20 gün qalır, qayıdıb dedi ki, ad gününü yox, Xalq artisti adını təbrik edirəm."

"Ölkə.Az" Oxu.Az-a istinaən  xəbər verir ki, bunu tanınmış sənətkar, Xalq artisti Sərxan Sərxan deyib.

O qeyd edib ki, sənətdə heç vaxt pul, şöhrət dalınca qaçmayıb. Xalq artistinin sözlərinə görə, sənətə pulun gözü ilə baxmaq düzgün deyil, sənətə sənət naminə gəlmək lazımdır və yalnız o zaman uğur qazana bilərsən.

Tanınmış sənətçi həm adının, həm soyadının Sərxan olmasına da aydınlıq gətirib.

Bildirib ki, gənc vaxtlarından Bakıdan Moskvaya üz tutmalı olub və o vaxt onu təqdim edərkən aparıcı soyadını söyləməkdə xeyli çətinlik çəkməli olub:

“Mənim gözəl soyadım var - Qurbanbəyov. Sərxan da babamın adıdır. Gördüm ki, soyadımı çəkməyə çətinlik çəkir, rus aparıcıya dedim ki, Sərxan Sərxan de (gülür). Elə ötən əsrin 80-ci illərindən də Sərxan Sərxan oldum və belə təqdim edildim.

Eyni zamanda, Sərxan adı o vaxt yeni və az qoyulan adlardan olduğu üçün mənim pərəstişkarım olan azərbaycanlıların - içərisində Rusiyada, ovaxtkı SSRİ-də yaşayan soydaşlarımız da var - bir çoxu övladlarına Sərxan adı verməyə başladılar. İndi həmin sərxanların bir çoxu ailə-uşaq sahibi olublar”.

S.Sərxan mərhum dövlət başçısı Heydər Əliyevlə bağlı maraqlı xatirəsini danışıb:

“Böyük dövlət adamı olan Heydər Əliyev hər zaman sənətə, sənət adamlarına xüsusi diqqət yetirib. Daim dövlət konsertlərindən sonra səhnənin arxasına gələrək sənət adamları ilə görüşüb, söhbətləşib. Bir gün yenə dövlət konsertlərindən biri idi, Heydər Əliyev konsertdən sonra sənət adamları ilə görüşürdü.

Hamı ilə Azərbaycan dilində danışırdı, mənə çatanda isə rus dilində danışdı. Dedim ki, Heydər Əliyevic, mənimlə də azərbaycanca danışın. O da gülə-gülə və özünəməxsus amiranəliklə dedi ki, o zaman sən də azərbaycanca oxu (gülür).

Bu söz məni əməlli-başlı tutdu. Elə həmin gün bir nəfər televiziyada çalışan dostum mənə bir xeyli şeir təqdim etdi. Əksəriyyəti də Tofiq Bayramın şeirləri idi, özü də hamısı gözəl idi.

Onlardan birini, tez bir zamanda hitə çevrilən “Ay gecikən məhəbbətim” şerini seçdim və ona musiqi bəstələdim, elə həmin gün, bir anın içində... Bu mahnım Azərbaycanla yanaşı, Moskvada, keçmiş SSRİ-də də çox məşhur oldu”.

ŞƏRH YAZ
0

Azərbaycanda iki teatra yeni direktorlar təyin olundu

Azərbaycanda iki teatra yeni direktorlar təyin olundu
17:22
17.07.2018
5067
Mədəniyyət
A
Azərbaycandaiki teatra yeni direktor təyin edilib.

"Ölkə.Az"ın "Report"a istinadən xəbərinə görə, Gənc Tamaşaçılar Teatrının keçmiş direktoru Mübariz Həmidov Sumqayıt Dövlət Dram Teatrına direktor təyin olunub. Sumqayıt şəhər İcra Hakimiyyəti başçısının I müavini Teymur Səmədov və Mədəniyyət Nazirliyinin İncəsənət şöbəsinin müdiri İsmayıl Hüseynov Mübariz Həmidovu kollektivə təqdim ediblər.

Sumqayıt Dövlət Dram Teatrının sabiq direktoru İslam Həsənov YUĞ teatrına direktor yeni təyin olunub.Qeyd edək ki, bundan əvvəl YUĞ teatrında direktor əvəzi vəzifəsini Kukla Teatrının direktoru Rəşad Əhmədov icra edirdi.

ŞƏRH YAZ
0
BAĞLA