Cahangir Hacıyevin kassasiya şikayəti geri qaytarıldı

Cahangir Hacıyevin kassasiya şikayəti geri qaytarıldı
12:03
12.10.2017
252
Ölkə
A
Bu gün Ali Məhkəmədə “Azərbaycan Beynəlxalq Bankı” Açıq Səhmdar Cəmiyyəti İdarə Heyətinin həbsdə olan sabiq sədri Cahangir Hacıyev barəsində hökmdən kassasiya şikayəti üzrə məhkəmə iclası başlayıb.

"Ölkə.Az"ın APA-ya istinadən məlumatına görə, iclasda hakim bildirib ki, C. Hacıyevin vəkilləri Aqil Layıcov və Fəxrəddin Mehdiyev kassasiya şikayətinin yenidən hazırlanması üçün vəsatət veriblər. Məhkəmə vəsatəti təmin edib.
 
Şikayət baxılmadan geri qaytarılıb.
 
Prosesdə məlum olub ki, təqsirləndirilən şəxslərdən Azad Cavadov da kassasiya şikayəti verib. Hakim bildirib ki, hər iki təqsirləndirilən şəxs məhkəməyə ərizə ilə müraciət edərək vəkillərin vəsatətini müdafiə etdiklərini bildiriblər.
 
Qeyd edək ki, C. Hacıyev, Beynəlxalq Bankın Mərkəzi filialının direktoru vəzifəsində işləmiş Anar Sultanov, bankın mərkəzi filialının müdiri işləmiş İlqar Abdullayev, “İnter Security” MMC-nin direktoru işləmiş İbrahim Hüseynov, mərkəzi filialın direktoru işləmiş Yusif Ələkbərov, bankın nəqliyyat filialının direktoru işləmiş Kənan Orucov, bankın Nərimanov filialının direktoru işləmiş, hazırda “AFB Bank”ın sədri olan Məmməd Cahangirov və Bakı Fındıq Zavodunun direktoru işləmiş Azad Cavadov Cinayət Məcəlləsinin 179.3.1, 179.3.2 (mütəşəkkil dəstə tərəfindən külli miqdarda mənimsəmə), 308.2 (vəzifə səlahiyyətlərindən sui-istifadə ağır nəticələrə səbəb olduqda), 309.2 (vəzifə səlahiyyətlərini aşma ağır nəticələrə səbəb olduqda), 313-cü (vəzifə saxtakarlığı), 228.1 və 228.4-cü (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddələri ilə ittiham olunub. C. Hacıyev 15 il, Azad Cavadov 10 il 11 ay, Yusif Ələkbərov 7 il 6 ay, İbrahim Hüseynov 6 il 5 ay müddətinə azadlıqdan məhrum ediliblər.
 
Hökmdən verilən apellaysiya şikayətləri təmin edilməyib.
 
Məhkəmə Məmməd Cahangirov barəsində 7 il 6 aylıq şərti cəza müəyyənləşdirib.

ŞƏRH YAZ
0

İkinci əl avtomobillərə tələb artıb — SƏBƏB + VİDEO

İkinci əl avtomobillərə tələb artıb
01:15
Bu gün
722
Ölkə
A
"Ölkə.Az" xəzər tv-yə istinadla xəbər verir ki, hazırda paytaxtda ikinci əl avtomobil satan salonlara tələb kifayət qədər çoxdur.

Məsələn, avtomobillərdən birinin istehsal ili 2018-dir. Təzəsinin qiyməti 180 min dollar olduğu halda, bu, bir neçə ay sürülüb və cəmi 210 km. yol qət edib. Qiyməti isə 155 min dollardır. Yəni təzəsindən 25 min dollar uzuc, həm də zəmanəti var.

Avtomobil ustası Sahil Ağabəyli də təzəsini almaqdansa, pula qənaət məqsədilə az istifadə edilən avtomobilləri almağı tövsiyə edir. Ancaq sürücülərin aldana biləcəyini və ona görə də mütləq zəmanəti olan avtomobillərə üstünlük vermələrini məsləhət görür.

Avtomobil bazarını araşdıran Sərxan Qədirov isə deyir ki, ölkəmizdə Koreya və Yaponiya istehsalı olan avtomobillərin satışı geniş yayıldığı üçün bu kimi hallar həmin avtomobillərdə daha çox müşahidə edilir.

Onu da qeyd edək ki, belə avtomobillərə tələb böyük olduğundan onları tapmaq da asan olmur.

Ölkə.Az

ŞƏRH YAZ
0

Cocuq Mərcanlıda 25 ildən sonra məhsul istehsalına başlanılıb — VİDEO

Cocuq Mərcanlıda 25 ildən sonra məhsul istehsalına başlanılıb
00:19
Bu gün
1238
Ölkə
A
Cəbrayıl rayonunun Cocuq Mərcanlı kəndində 25 ildən sonra ilk dəfə kənd təsərrüfatı məhsulları becərilib.

"Ölkə.Az" xəzər tv-yə istinadəla xəbər verir ki, bir müddət əvvəl İqtisadiyyat Nazirliyinin və Türkiyənin Azərbaycandakı səfirliyinin birgə həyata keçirdiyi layihələr çərçivəsində kənddə istixana təsərrüfatları yaradılmışdı. Burada hər biri 160 kvadratmetr sahəyə malik polietilen örtüklü, tunel tipli 15 istixana qurulmuşdu. Artıq 25 ildir ki, əkilməyən həmin torpaqlardan bol məhsul əldə edilib.

Cocuq Mərcanlı fermerlərinə dəstək məqsədilə istixanalarda yetişdirilmiş 1100 kiloqram xiyar Dövlət Aqrar Ticarət Şirkəti tərəfindən satın alınıb. Bununla yanaşı, fermerlər məhsulun pərakəndə satışını da həyata keçirirlər.

Fermerlər növbəti illərdə digər kənd təsərrüfatı məhsulları da becərmək niyyətindədirlər.

Təsərrüfatlardan əldə olunacaq məhsulların satışına dəstək məqsədilə Dövlət Aqrar Ticarət Şirkəti ilə Cocuq Mərcanlı fermerləri arasında razılıq əldə olunub. Bu məqsədlə sözügedən qurumla fermerlər arasında memorandum imzalanacaq.

Ölkə.Az

ŞƏRH YAZ
0
BAĞLA