Canəli Əkbərovdan həmkarlarına CAVAB
Xalq artisti Canəli Əkbərov Muğam Televiziya Müsabiqəsinin münsiflərinin onu münsif kürsüsündə görmək istəməməsinədən danışıb
Sənətkar "Ölkə.Az"-a açıqlamasında bildirib ki, onun heç kimlə intriqası yoxdur:
"İstərdim ki, məni niyə münsiflər heyətində görmək istəməməklərinin səbəbini onlardan soruşasınız. Əgər cavab verə bilməsələr, Allahdan soruşun. Deyiblər ki, münsif olmaqdan imtina edəcəyik? Etsinlər də. Müsəlmandır da, hər şey danışa bilər. Əgər müsəlman belə danışmasa, rəftar etməsə, o müsəlman olmur".
Xatırladaq ki, müsabiqənin münsifləri-xalq artistləri Arif Babayev, Əlibaba Məmmədov, Mənsum İbrahimov, Səkinə İsmayılova, əməkdar incəsənət xadimi Sərdar Fərəcov unikal.org-a açıqlamalarında C.Əkbərovun münsiflər heyətində olacağı halda, münsiflikdən imtina edəcəklərini bildiriblər.
İntiqam VALEHOĞLU
Ölkə.Az
