KORONAVİRUSA YOLUXANLARIN SAYI - CANLI STATİSTİKA

Canəli Əkbərovdan YENİ XƏBƏR

Canəli Əkbərovdan YENİ XƏBƏR
14:02
19.07.2019
3294
Mədəniyyət
A
Xəstəxanadan evə buraxılan ustad xanəndə, xalq artisti Canəli Əkbərovun səhhəti getdikcə yaxşılaşır.

Bu barədə "Ölkə.Az"-a sənətkarın həyat yoldaşı Arifə Əkbərova məlumat verib. Onun sözlərinə görə, xanəndə ev şəraitində müalicəsini davam etdirir:

"Prezident İlham Əliyevə və Birinci Vitse-prezident Mehriban Əliyevaya minnətdarlığımızı bildiririk. Onların sayəsində Canəli müəllimin müalicəsinə daha ciddi yanaşıldı. İndi yatır, amma səhhəti getdikcə yaxşılaşmaqdadır. Ayaqlarındakı ağrılar da azalıb".

Qeyd edək ki, bir neçə gün öncə xalq artistinin səhhəti pisləşmiş və o, Mərkəzi Klinik Xəstəxanaya yerləşdirilmişdi. 

Ölkə.Az

ŞƏRH YAZ
0

Arif Məlikovun heykəli harada ucaldılacaq?

Arif Məlikovun heykəli harada ucaldılacaq?
16:04
04.06.2020
1141
Mədəniyyət
A
Tanınmış bəstəkar, Xalq artisti Arif Məlikovun Bakıda heykəlinin ucaldılacağı yer məlum olub.

"Ölkə.Az" xəbər verir ki, bunu “Report”un sorğusuna cavab olaraq layihənin rəhbəri, Azərbaycan Rəssamlıq Akademiyasının rektoru, tanınmış heykəltəraş, Xalq rəssamı Ömər Eldarov deyib. 

Onun sözlərinə görə, artıq heykəlin qoyulacağı yer seçilib və təsdiqlənib: “Heykəl Milli Konservatoriyanın bağında, binanın yaxınlığında ucaldılacaq. Abidə üzərində hələ işə başlamamışam. Gözləyirdim ki, yer təsdiqlənsin ondan sonra layihə hazırlansın. Çalışacağam ki, heykəl orjinal olsun və başqa heykəllərə oxşamasın”.

Qeyd edək ki, ötən il mayın 17-si Prezident İlham Əliyev Azərbaycan musiqi sənətinin görkəmli nümayəndəsi, böyük bəstəkar, SSRİ xalq artisti, Dövlət mükafatı laureatı, akademik Arif Cahangir oğlu Məlikovun xatirəsinin əbədiləşdirilməsi haqqında sərəncam imzalayıb.

Xatırladaq ki, Arif Məlikov 1933-cü il sentyabrın 13-də Bakıda anadan olub. O, 2019-cu il mayın 9-da vəfat edib və Fəxri xiyabanda dəfn edilib.

ŞƏRH YAZ
0

Ümid edirəm ki, yeni təyin olunacaq nazir milli ruhda bir insan olacaq — Zahid Qubadlılıdan ÖZƏL GÜNÜNDƏ MARAQLI AÇIQLAMALAR

Ümid edirəm ki, yeni təyin olunacaq nazir milli ruhda bir insan olacaq
13:25
04.06.2020
1088
Mədəniyyət
A
Bu gün tanınmış klarnet ifaçısı Zahid Qubadlının doğum günüdür. Sənətkarın 44 yaşı tamam olur.

O, özəl günündə “Ölkə.Az”ın əməkdaşının suallarını cavablandırıb.

Musiqiçi açıqlamasında bildirib ki, ad gününü təmtəraqlı qeyd etməyi sevmir.

“İçimdə bir nisgil, kədər var və ona görə doğum günlərimi təmtəraqlı qeyd etmirəm. Ölkədə karantin rejimidir, bundan başqa nə qədər ki, torpaqlarımız  işğal altındadır, mən öz ad günlərimi nisgillə qarşılayacağam. İnşallah, torpaqlarımız mənfur düşmən tapdağı altından xilas olduqdan sonra, mən də o torpaqlarda doğum günümü qeyd edəcəm”,- deyə o, qeyd edib.

Söhbət zamanı Zahid Qubadlılı 30 ildir bu sənətdə xidmətləri olduğuna baxmayaraq, heç bir fəxri adla mükafatlandırılmadığı məsələsinə də toxunub.

“Bizim evdə musiqinin bir əsr tarixi var. Mənim atam da musiqiçi olub. Mən 30 ildir ki, bu sənətə xidmət edirəm. Yetərincə,  bu sahədə xidmətlərim olub, cəbhə bölgələrindəki konsertlərdə, dövlət əhəmiyyətli bütün tədbirlərdə iştirak etmişəm. Ancaq, əfsuslar olsun ki, mən bunun qarşılığında qiymətləndirilməmişəm. Dəfələrlə Mədəniyyət Nazirliyinə müxtəlif qurumlardan, millət vəkillərindən və digər vəzifəli şəxslər tərəfindən mənim ad almağımla bağlı  müraciətlərə baxmayaraq, nazirlik mənim adımı fəxri ad alanların siyahısına salmayıb. Məlum olmayan səbəblərdən bu işdə mənə maneə törədiblər. Mədəniyyət Nazirliyi hər dəfə bu işə baxacaqlarını söz versələr də, 10 il müddətində bu öz həllini tapmayıb. Bilirsiniz niyə, mənim fikrimcə, Mədəniyyət naziri öz yerində deyildi. Bu işlə məşğul olan şəxs öz mədəniyyətinin bütün sahələrini yaxşı bilməli, milli ruhlu bir insan olmalı idi. Mədəniyyət naziri isə bunlardan çox uzaq biri idi. Mən Arif Babayev, Habil Əliyev kimi böyük sənətkarlar tərəfindən qiymətləndirilmişəm. Məndən sonra bu sənətə gələn insanlar xalq artistləridir.

Hər zaman konsertlərdə, tədbirlərdə soruşurlar ki, sizi necə təqdim edək? Utanıram cavab verməyə ki, mənim hələ də heç bir fəxri adım yoxdur. Biz sənətkarları da bu cür mükafatlandırılmaq ruhlandırır, ilham verir”. 

Sənətkar fəxri adların müəyyən məbləğ müqabilində alınması haqqında yayılan xəbərlərə də münasibət bildirib.

“Mən belə bir vəziyyətlə rastlaşmamışam. Mənə belə bir təklif olmayıb. Bildiyiniz kimi bu fəxri adlar Prezident tərəfindən verilir. Təqdimat isə Mədəniyyət Nazirliyi tərəfindən edilir. Bu dəqiqə nazirlikdə araşdırma aparılsa görərlər ki, mənim xidmətlərim, sənətim barədə orada nə qədər müraciətlər var. Elə Qubadlı rayon İcra Hakimiyyəti tərəfindən nazirliyə 20-dən çox müraciət daxil olub. Onlara da eyni cavabı veriblər ki, məsələyə baxılacaq. Əfsuslar olsun ki, nazirlik 10 ildə bir gün tapıb məsələyə baxa bilməyib.Yenə də  mən öz fikrimin üzərində dayanıram.  Nazirlikdə heç kəs öz yerində olmadığı üçün biz sənətkarlar əziyyət çəkmişik. İnşallah, ümid edirəm ki, yeni təyin olunacaq nazir milli ruhda bir insan olacaq”, - deyə o, fikrini tamamlayıb.

Qeyd edək ki,  ifaçı 4 iyun 1976-cı ildə Qubadlı rayonunun Xanlıq kəndində anadan olub.

Vüsalə Balayeva

Ölkə.Az

ŞƏRH YAZ
0
BAĞLA