Çaqqal Karlos — Dünyanın bir nömrəli terrorçusu

Çaqqal Karlos
13:00
24.11.2016
7456
Maraqlı
A

Bəziləri onu sadə xalqın hüquqları uğrunda mübarizə aparan romantik şəxsiyyət, bəziləri isə qəddar terrorçu sayır. Çaqqal ləqəbli Ramires Sançes dünyanın ən məşhur beynəlxalq terrorçularından biridir. O, bir çox siyasətçinin, müxtəlif ölkələrin xüsusi xidmət orqanlarının əməkdaşlarının, xüsusi agentlərin ölümünə səbəb olub. Çaqqalın hər aksiyası mətbuatda qızğın mübarizələrə səbəb olub.

 

Bioqrafiyası

Ramires 1949-cu ilin 12 oktyabr tarixində Venesuelada anadan olub. Çaqqal gənclik dövründə 10-dan çox ölkədə yaşayıb. Onun ailəsi intelligent ailə idi. Dindar müsəlman olan anası vaxtının çoxunu dini öyrənməyə sərf edirdi. Ramiresin atası qatı kommunist idi. O, SSRİ-nin yaranma ideyasını dəstəkləyir, Vladimir Leninə pərəstiş edirdi. Bu səbədən üç övladını Leninin şərəfinə adlandırmışdı. Karlosun əsl adı İlyiç Karlos Ramiresdir. Atasının təkidi ilə İlyiç Karlos sol görüşlü Fermin Toro Lyüsinin məktəbində təhsil alır. Karlos uşaq yaşlarından təhsilə böyük maraq göstərir. O, əsasən ədəbiyyat, fəlsəfə və iqtisadiyyatla maraqlanırdı. Atasının və onun dostlarının təsiri ilə İlyiç kommunist gənclər təşkilatının sıralarına daxil olur.

15 yaşı olanda Karlos Karakas küçələrində polislə toqquşmalarda birbaşa iştirak edir. İlyiçin anası siyasi radikalizmin tərəfdarı deyildi. Bu səbəbdən Venesuelada vəziyyətin çətinləşməsi onu övladları ilə birlikdə İngiltərəyə köçməyə məcbur edir.

Karlos atasının təkidi ilə Londondan Moskvaya, universitetdə təhsil almağa yollanır. Burada o, dünyanın müxtəlif ölkələrindən olan tələbələr arasında həmfikirlərini tapır. Onlar arasında Fələstin azadlıq hərəkatının üzvləri də var idi.

Fələstin azadlıq hərəkatında fəaliyyət

Bu təşkilat radikal sol görüşlü idi və onun məqsədi Fələstin ərazilərini İsrail işğalından azad edərək xalq hakimiyyətini bərqərar etmək idi. 70-ci illərdə Fələstin azadlıq hərəkatı populyarlıq qazandı. Bütün dünyada onun özəkləri yaradılmışdı. Təşkilat Avropanın radikal sol görüşlü qurumları ilə sıx əməkdaşlıq edirdi.

Ramires Sançes Muhəmməd Budia ilə sıx münasibət qurur. Bu səbəbdən 1970-ci ildə Moskvadan Yaxın Şərqə yollanır. Burada o, Fələstin azadlıq təşkilatının sıralarına daxil olur və düşərgələrdən birində təlim keçməyə başlayır. Bu düşərgələr Fələstin üsyançıları tərəfindən yaradılmışdı.

Cəbhədə döyüş fəaliyyəti üçün nəzərdə tutulmuş hərbi hazırlıqdan başqa bu düşərgələrdə şəhər şəraitində əməliyyat planlamaq və həyata keçirmək də öyrədilirdi. Sançes təhsil vaxtı uğur qazandı və onu təşkilatın Avropa üzrə agenti təyin etdilər.

Beynəlxalq terrorizm

70-ci illərin əvvəlində Sançes Londona qayıdaraq məlumat toplamağa başladı. O, tərtib etdiyi siyahıya Sion təşkilatının önəmli şəxslərinin adını və İsrail tərəfdarlarını daxil edir. Bir neçə il sonra İsrail xüsusi xidmət orqanları Budianı qətlə yetirirlər. Sanços təşkilatın Avropa bölməsinin başçısına çevrilir. “Mark və Spenser” şirkətinin rəhbəri ilk hədəf kimi seçilir. Sui-qəsd uğursuz alınır. İsrail siyasətini səhifələrində dəstəkləyən nəşriyyat orqanlarına qarşı növbəti aksiyalar təşkil edilir. Gecə saatlarında minalanmış bir neçə avtomobil redaksiyanın qarşısında partladılsa da, heçkim xəsarət almır. Oteldə axtarışlar zamanı jurnalistlər Sançesin özü ilə gəzdirdiyi “Çaqqalın günü” romanını tapırlar. Bu müddətdən sonra mətbuat ona Çaqqal ləqəbi verir.

Digər qruplaşmalarla əməkdaşlıq

1974-cü ildə Yaponiyanın Qızıl Ordusu Haaqada Fransa səfirliyinə hücum təşkil edir. Qəfil təşkil edilən hücum Hollandiya rəhbərliyinə lazım olan tədbirləri həyata keçirməyə imkan vermir. Səfirliyin demək olar ki, bütün əməkdaşları əsir götürülür. Tezliklə dalana dirənən danışıqlar başlayır. Fransızları güzəştlərə vadar etmək üçün Ramires Sançes Paris kafesində əl qumbarası partladır. Bu hadisədən sonra Fransa hökuməti yaponlarla dialoqa başlayır. Amma bəzi tədqiqatçılar əl qumbarasının məhz Sançes tərəfindən atıldığını təkzib edir.

Çaqqalın növbəti aksiyası Uruqvay diplomatının qətli ilə bağlı olur. Təsdiqlənməyən məlumata əsasən, aksiya Latın Amerikasının radikal qruplaşmasının üzvləri tərəfindən törədilir. 1975-ci ildə İlyiç Ramires Sançes Avropanın 1 nömrəli terrorçusuna çevrilir. Onun pozucu fəaliyyəti bütün fransız xüsusi xidmət orqanlarını qəfil yaxalayır. Fələstin azadlıq təşkilatının üzvləri İsrail hava şirkətinə məxsus təyyarəni atəşə tuturlar. Hücum uğurlu alınmır. Bir neçə gün sonra analoji terror aktı törədilir. Ramires 3 nəfər silahdaşı ilə gizlənir. Xüsusi xidmət orqanları onları ələ keçirmək üçün fəaliyyətə başlayırlar. Fələstin azadlıq təşkilatı liderlərindən biri ələ keçirildikdən sonra ərazi nəzarət idarəsi sol radikalların mərkəzi sayılan evlərdən birinə hücum edir. Sançes tutulsa da, silahını çıxararaq bir neçə xüsusi xidmət orqanı əməkdaşını qətlə yetirərək aradan çıxır.

Çaqqal əsasən Karlos Andree Martines Torres, Hektor Luqo Dyüpon, Senon Mariya Klark, Adolf Xose Müller Bernal, Flik Ramires, Qlenn Gebhard, Əhməd Adil Favaz adlarından istifadə edib.

Çaqqalın terror aksiyaları

Cozef Sieffaya qarşı sui-qəsd

Vyanada OPEC iclası zamanı binanı ələ keçirmək və 100-ə yaxın dövlət nümayəndəsini əsir götürmək.

Fransada 5 nəfərin ölümü ilə nəticələn avtomobil partlayışı.

İsrailin Lod hava limanında terror aksiyası. Nəticədə 25 nəfər həlak olur.

Paris hava limanında təyyarəyə raket hücumu.

İsveçrə təyyarəsinə qoyulan bomba. Təyyarə havaya qalxdıqdan bir neçə dəqiqə sonra partlayır. 200 sərnişin həlak olur.

Moskvadakı əlaqələri hesabına Karlos yapon terrorçu Kodzo Okamoto ilə əlaqə qurur. Okamoto iki silahdaşı ilə Romadan İsrailə uçur. Hava limanında çantaya yerləşdirilmiş silah və əl bombasından istifadə edərək kütləyə atəş açılır. 28 nəfər həlak olur, 26 nəfər yaralanır. Terrorçular polis tərəfindən öldürülür. Bu aksiyaya görə Çaqqal 1 milyon funt sterlinq pul mükafatı alır.

1974-cü ildə Karlos Hollandiyaya uçur. Planı həyata keçirmək üçün yaponların “Qızıl ordu” terrorçularından istifadə edir. Fransa səfiri və əməkdaşları əsir götürülür.

Onu həbs etmək üçün gələn 3 nəfər xüsusi xidmət orqanı əməkdaşını qətlə yetirir.

Vyana terror aktından sonra Suriyalı siyasi miqrant qətlə yetirilir.

Fələstin azadlıq təşkilatına mane olan fələstinli partizanların lideri və bir neçə komandir qətlə yetirilir.

1976-cı ildə Tel-Əviv-Paris reysi ilə uçan sərnişin təyyarəsi ələ keçirilir. Amma plan uğursuz alınır.

Bu uğursuzluqdan sonra Karlos bir müddət yoxa çıxır. O, Qəddafi üçün Liviyada partizan hazırlayır. Şərqi Berlin, Suriya, Çexoslovakiya, İraq, Cənubi Yəmən və Macarıstanda peyda olur.

1978-ci ilin may ayında Karlos Londonda peyda olur. Onu həbs etmək alınmır.

1982-ci ildə İsrail ordusu Beyruta hücum edəndə, Karlos Hizbullah fanatlarına xidmətlərini təklif edir. Karlos Fransanın Beyrutda fəaliyyət göstərən hərbi missiyasının 58 üzvünü qətlə yetirir.

1991-ci ildə Körfəz müharibəsindən əvvəl Karlos Səddam Hüseyn tərəfindən Bağdada dəvət edilir. İraq lideri terrorçudan əgər Küveytə hücum zamanı Qərb güc tətbiq etmək istəsə, dünyanın bir çox ölkəsində genişmiqyaslı terror aktları törətməyi xahiş edir. Əməliyyat üçün Karlosa 10 milyon dollar təklif edilir. Amma Suriya və digər ərəb dövlətlərinin təkidi ilə Çaqqal Huseynin təklifindən imtina etməyə məcbur olur.

İsveç baş naziri Ulof Palmenin və Beyrutda 200-dən çox Amerika dənizçisinin qətli.

Son iş və həbs

Sançesin ən səs-küylü terror aktı 19 dekabr tarixinə təsadüf edir. Ramiresin də daxil olduğu 6 nəfərlik kiçik dəstə neft ixracatı ilə məşğul olan dövlətlərin qurultayı keçirilən binanı ələ keçirdilər. 100 nəfər əsir götürüldü. Çaqqal və adamları müxtəlif ölkələrin 11 nazirini və digər şəxsləri bir müddət binada əsir kimi saxladılar. 3 nəfər qətlə yetirildi. Avstriya hökuməti terrorçuların tələbinə əsasən təyyarə verdi və kiçik dəstə Əlcəzairə uçaraq yenidən gizlənməyi bacardı. Bu hadisədən sonra Sançes bir neçə əməliyyat keçirsə də, özü bu əməliyyatlarda iştirak etmir. 1994-cü ildə Fransa xüsusi xidmət orqanları Çaqqalı həbs edir.

Onlar Çaqqalı Sudanda tapdılar. Dünyanın bir nömrəli terrorçusu xəstələnmişdi və müalicə olunurdu. Fransızlar Karlosu xəstəxanadan oğurlayaraq Parisə apardılar.

O, ömürlük həbsə məhkum edilir. Sançes vaxtından əvvəl əfv olunma hüququndan da məhrum edilib.

Çaqqal 1980-ci illərdə Paris və Marseldə bir neçə terror aktında şübhəli bilinirdi. Onun hücumu 11 nəfərin ölümünə səbəb olmuşdu. Fransa hökuməti uzun müddət Çaqqalın bu cinayətlərdə əli olduğunu sübut edə bilmirdi. Amma 1994-cü ildə həbs zamanı prokurorluq Venesuela vətəndaşını məsuliyyətə cəlb edə bildi. Prokuror müttəhim üçün 18 il həbs cəzası tələb etsə də, hakimlər kollegiyası bu cəzanı məqbul saymayaraq, ömürlük həbs cəzası barədə hökm oxudular.

Onun indi 60-dan çox yaşı var. Terrorçu şəxsən 80 nəfərdən çox insan qətlə yetirdiyini etiraf edir.

Hikmət
Ölkə.Az

ŞƏRH YAZ
0

Osmanlı imperiyasının tarixini dəyişən Hürrəm Sultanın nəvəsi Parisdə tapıldı — FOTOLAR

Osmanlı imperiyasının tarixini dəyişən Hürrəm Sultanın nəvəsi Parisdə tapıldı
10:16
Bu gün
2578
Maraqlı
A
Lara Adra Osmanoğlu adını ilk dəfə eşidirik.

“Ölkə.Az” xəbər verir ki, Lara Adra Osmanlı İmperiyası tarixini dəyişən qadın Hürrəm Sultanın yaşayan nəvələrindən biridir.

Parisdə yaşayan və Osmanlının ən gənc qadın üzvlərindən biri olan Lara Adra 1986-cı ildə Parisdə anadan olub. Amma ailəsi o dövrdə Livandaydı. Müharibə səbəbindən Fransaya qayıdan rus əsilli anası Nadya Boqayevski doğuşdan sonra Livana qayıtdı. Amma ölkədəki problemlər ucbatından Parisə köçmək məcburiyyətində qaldı.

Onun atası Cemil Adra Sultan II Əbdülhəmidin oğlu Şahzadə Mehmed Səlimin qızı Nemika Sultanın qızı Fatma Fethiye Hanımsultanın oğludur. Livanda yaşayanda atası Cemil Adranın ofisi bombalandı və ailə çətin günlər keçirdi. Bu səbəbdən Fransaya köçdülər. İki yaşından bu yana Fransada yaşayan və bir fransız kimi böyüyən Lara Adra özünü “qautre quart” adlı fransız keksinə bənzədir: “Bu keks kərə yağı, süd, şəkər və qatıqdan hazırlanır. Mən də beləyəm. Fransız, livanlı, rus və türkəm”.

Osmanlı imperiyası qalsaydı, Lara Adra şahzadə ünvanı alacaqdı və sarayda yaşayacaqdı. Amma bu gün adi bir gənc kimi yaşayır və bankda işləyir. Lara Adra sürgünə gedən sultan ailəsinin yaşadıqlarını dinləyərək böyüyüb. Fransada iqtisadiyyat üzrə təhsil alıb və ABŞ-da magistr dərəcəsinə yiyələnib. Parisdə bir bankda işləyir. Fransada onun kim olduğunu sadəcə yaxın dostları bilir. Şahzadə soyundan gəldiyi üçün qürur duyur. Amma Osmanlı tarixini bilməyən avropalıların ittihamlarını da eşitmək istəmir.

Lara Adra Osmanlı nəslindən olduğu üçün qürur duyur:

“Buna dəyər verdiyim üçün danışmıram. Mənim üçün çox önəmli və bununa qürur duyuram. Osmanlı imperiyası qalmasa da, hazırda sadəcə tarix olsa da, yenə də qürur duyuram. Ailəyə mənim kimi önəm verməyən bir insanla danışmaq istəmirəm. Çünki Fransada insanlar türk və Osmanlı tarixini bilmirlər. Sadəcə Avropa tarixini bilirlər”.

Lara Adra eyni zamanda Sultan II Əbdülhəmidin nəvəsi olan nənəsi Fethiye Hanımsultana da heyranlığını dilə gətirib: “Sarayda yaşadığı halda sürgünə getdi və evinin xərclərini ödəmək üçün zinət əşyalarını satdı”. 

Fethiye Sultan 12 yaşında sürgünə göndərilib. O, Fransada ailə qurub və ailəsini dolandırmaq üçün zinət əşyalarını satmaq məcburiyyətində qalıb.
“Müstəqil insan olub. İki əri ölüb dul qalıb və üç uşağını böyüdüb. Beyrutda qaynının evinin birinci mərtəbəsində yaşayıb. Uşaqlarını istədiyi kimi böyüdüb. Qadınlara at minmək qadağan edildiyi dövrdə nənəm at çapıb”, - deyə Lara Adra nənəsindən bəhs edib.

Evdə fransız dilində danışdıqları üçün türk dilini öyrənə bilməyən Lara Adra 12 yaşında ilk dəfə Türkiyəyə səfər edib. Bütün sarayları gəzib və Topkapı sarayını çox bəyənib:

“Türkiyə hər şeydən əvvəl mənim bir parçamdır. Havasını, günəşini, hər şeyini sevirəm. Sürgündən əvvəl vətəndaşı idik. Qəlbimiz, tariximiz, hər şeyimiz Türk”.

Hikmət Həsənov
Ölkə.Az

ŞƏRH YAZ
0

Sevdiyiniz insanla təmaslarda aqressiv olmayın — Günün qoroskopu

Sevdiyiniz insanla təmaslarda aqressiv olmayın
01:18
Bu gün
3372
Maraqlı
A
"Ölkə.Az" milli.az-a istinadla günün ulduz falını təqdim edir:

Qoç - ciddi müzakirə və önəmli insanla görüş üçün əlverişli zaman deyil. Zərurət yarandığınız düşünsəniz belə, kimsəni nəyəsə inandırmağa çalışmayın. Münaqişəli situasiyalar yaratmayın. Mübahisələrə qatılmayın.

Günün ikinci yarısında istək və niyyətlərinizin əsiri olmayın. Mənfi təmayüllərin təsiri güclənsə də, sakit şəraitə can atın. Ünsiyyəti məhdudlaşdırın, müstəqil işləyin. Sevdiiyniz insanla təmaslarda aqressiv olmayın.

Axşam saatlarına yaxın belinizdə və oynaqlarınızda ağrılar hiss edə bilərsiniz.

Buğa - inadkar və qətiyyətli olun. Günün mənfi təsirlərini azaltmağa yönəlmiş addımlar atın. İşgüzar tərəfdaşlarla təmaslarda kompromis variant arayın. Mühüm qərarların qəbulunu daha münasib zamana qədər ertələyin.

Günün ikinci yarısında yaxınlarınızdan birindən yaxşı məsləhət alacaqsınız. Sevdiyiniz insanla ünsiyyətdə anlaşılmazlıqlar ola bilər. Axşam saatları üçün nəzərdə tutulmuş romantik görüşü təxirə salın.

Yaşam enerjinizinizin səviyyəsi aşağı düşəcək. Yorğunluq hiss edəcəksiniz.

Əkizlər - taleyüklü, çox önəmli məsələlərlə bağlı qərar verəndə əsla tələsməyin. Çoxsaylı auditoriyanın qarşısında olanda özünüzü itirməyin. Peşəkar fəaliyyət sahəsində ən yaxşı məziyyətlərinizi nümayiş etdirin. Karyeranızda irəliləyişlər ola bilər.

Günün ikinci yarısında yaxın ətrafınızdakı insanlardan birinin paxıl və ya bədxah olduğunu anlamağa çalışın. Səhhətinizə fikir verin. İstirahəti, axşam saatlarında dincəlməyi unutmayın.

Dəyər verdiyiniz insanların arasında olun.

Xərçəng - passivlik, süstlük işlərə əngəllər yarada bilər. Qüvvələrinizi bərabər, dürüst paylaşdırın. Genişmiqyaslı işə, mürəkkəb layihəyə başlamayın. Uzunmüddətli səfəri təxirə salın. Həllini gözləyən problemi çözün.

Günün ikinci yarısında şəxsi münasibətləri harmonik edin. Yaxınlarınız sizinlə qayğıkeş, səmimi davranacaqlar. Onların dediklərinə qulaq assanız, situasiyadakı dəyişiklikləri anlayacaqsınız. Axşam saatlarında sağlamlıq prosedurlarına başlamaq olar. Mənasız xərclərə yol verməyin.

Şir - ailə üzvlərinin problemlərini həll etmək, yaxınlarınız və dostlarınızla münasibətləri normallaşdırmaq üçün əlverişli zamandır. Tərəfdaşınızla əlaqələri bərpa edin. Müttəfiqlərlə şübhə ilə davranmayın. Əlaqələri intensivləşdirin.

Günün ikinci yarısında yaradıcılıq potensialının səviyyəsi yüksələcək. Çətinliklərin həllində yaradıcı davranın. Uzun müddətdən bəri həllini gözləyən problemi yada salın. Pozitiv fikirləriniz və məhsuldar ideyalarınız durumunuzu yaxşılaşdıra bilər.

Qız - münaqişəli vəziyyəti və mübahisəni sərt qərarla çözməyə çalışmayın. Yaxın ətrafınızdakı insanlarla münasibətlərdə soyuqqanlı və təmkinli olmalısınız. İşdə rəhbərliklə danışığı və ya şikayəti təxirə salın.

Günün ikinci yarısı vacib sənədlər, anlaşma və müqavilənin imzalanması üçün yaxşı zamandır. Yeni ideyalar peşəkar inkişafınıza təkan verəcək.

Sevdiklərinizə xüsusi diqqət ayırın. Bəzən kobud davrana bilərlər. Qıcıqlansanız da, əsəblərinizə nəzarət edin. Davranışın səbəbini ayrıd etməyə can atın.

Tərəzi - hadisələrin axarında olun, nələrin baş verdiyini diqqətlə müşahidə edin. Gün ərzində kiçik, amma önəmli işlər görülməlidir. Elektrik əşyası sıradan çıxa bilər. İşdə kobud səhvlərə yol verməyin.

Günün ikinci yarısında prosesləri nəzarətdə saxlayın. Maliyyə problemlərinin həll olunma zamanıdır.

 

Axşam saatlarında enerjiniz azalacaq, yorulacaqsınız. Pozitiv emosiyalar üçün qohumlarla görüşmək pis deyil.

Əqrəb - günün yaratdığı problemlərin öhdəsindən gəlmək üçün sadə, ənənəvi metodlar işlək deyil. Çoxgedişli strategiya düşünün. Sonucda problemləri həll etməklə yanaşı, özünüz barədə xeyli yeni məqamlar öyrənə bilərsiniz.

Günün ikinci yarısında mövqelərinizi möhkəmləndirmək üçün soyuqqanlı və gülərüz olun. Alış-veriş pis keçməyəcək.

Təklifiniz diplomatik şəkildə səslənərsə, yaxınlarınız tərəfindən dəstəklənəcəksiniz. Axşam saatları relaks, qüvvələrin bərpası zamanıdır. Əzələlərdə ağırlıq hiss edə bilərsiniz.

Oxatan - sakit olun, təmkinli davranın. Gün ərzində stressli situasiyalar yaranacaq. Maliyyə problemləri yaransa da, yaxınlarınızın yardımlarına çox güvənməyin.

Problemlərinizi müstəqil həll etməyə can atın.

Günün ikinci yarısında nəqliyyat vasitəsi almaq fikri yarana bilər. Nağd pul imkanlarınızı sayıq dəyərləndirin, kredit şərtlərini diqqətlə nəzərdən keçirin.

Sevdiyiniz insanlarla münasibətlərinizdəki sərinliyi aradan qaldırın. İti və kəsici alətlərlə ehtiyatlı olun.

Axşam saatlarında normal istirahət edin.

Oğlaq - tərəfdaşlar və şəriklərlə münasibətləri aydınlaşdıranda ifrata varmayın. Emosiyalarınıza ciddi nəzarət edin. Dəyər verdiyiniz insanların qəlbini qırmayın. Qıcıqlı olsanız da, irad və tənqidlərə sərt cavab verməyin.

Günün ikinci yarısında köhnə umu-küsülər yada düşə bilər. İradların səbəbini anlayın, kor-koranə müdafiəyə çəkilməyin. Münasibətləri möhkəmləndirin. Axşam saatlarında sevdiyiniz insanı sevindirin. Enerji potensialı orta səviyyədədir.

Dolça - yaşam şərait sizin üçün əlverişlidir. Fəqət, hadisələri tələsdirməyin. Maliyyə məsələlərindən savayı bütün sahələrdə irələləyiş mümkündür. Səyahət və ya ezamiyyət planlaşdırmayın. Qərarlarınızla əməllərinizi təhlil edin. Belədə yaxın gələcəkdə yeni səhvlərin qarşısını ala bilərsiniz.

Günün ikinci yarısında yarımçıq işləri tamamlayın. Çətin vəziyyətdən çıxışda tələsməyin. Düşünüb-daşınandan sonra mövqeyinizi açıqlayın.

Yaxınlarınızdan biri ilə axşam saatlarında gəzintiyə çıxmaq olar. Evə gec qayıtmayın. Qüvvənizi bərpa etməlisiniz.

Balıqlar - adi günlərdən fərqli olaraq bu gün irəliləyiş imkanları az deyil. Danışıqlar aparmaq, görüş keçirmək olar. Ən yaxşı məziyyətlərinizi nümayiş etdirin. Alış-veriş, nəqliyyat vasitəsi və ya bahalı nəsnə almaq üçün əlverişli zamandır.

Günün ikinci yarısında şəxsi münasibətlərdə ziddiyyətli situasiya yarana bilər. Yaxınlarınızdan biri ilə fikir ayrılığı yaranacaq. İradlar və inciklik ola bilər. Münasibətlərin aydınlaşdırılmasını ertələyin.

Axşam saatlarında normal istirahət edin.

Ölkə.Az

ŞƏRH YAZ
0
BAĞLA