Cavanşir Quliyev Aygün Kazımovanın “Bakı payızı”ndan əvvəl çəkilmiş VİDEOSUNU YAYDI
Tanınmış bəstəkar, Xalq artisti Cavanşir Quliyev Aygün Kazımovanın arxiv videosunu yayıb.
“Ölkə.Az” xəbər verir ki, 1987-ci ildə çəkilən görüntülər M.F.Axundovun "Müsyö Jordan və dərviş Məstəli şah" pyesinin Şəki Dövlət Dram Teatrındaki tamaşasında lentə alınıb.
O, paylaşımını belə şərh edib:
“"NOVRUZ GƏLİB"...koronavirus imkan versə. Sözləri Ramiz Rövşənindir. M.F.Axundovun "Müsyö Jordan və dərviş Məstəli şah" pyesinin Şəki Dövlət Dram Teatrındaki tamaşasından, rejissor Cahangir Novruzov. Oxuyur yeniyetmə Aygün Kazımova 1987”.
Qeyd edək ki, bu kadrlar lentə alındığı zaman Aygün Kazımovanın laureatı olduğu “Bakı payızı” müsabiqəsi hələ keçirilməmişdi.
Xatırladaq ki, müsabiqə ilk dəfə 1988-ci ildə keçirilib.
Ölkə.Az
