Cazibədarlığınız sayəsində çox şeyə nail olursunuz

Cazibədarlığınız sayəsində çox şeyə nail olursunuz
01:05
13.07.2018
3509
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - günün ilk yarısı xoş emosiyalar vəd edir. Yeni işgüzar layihəyə başlamaq niyyətiniz varsa, tərəfdaş və şəriklərin sayını artırın. Faydalı əlaqələri intensivləşdirin. Yeni tanışlardan birinin məsləhətindən yararlanın.

Günün ikinci yarısında alış-verişdə bədxərclik etməyin. Büdcənizə uyğun davranın. Faydalı və qeyri-adi nəsnəyə yiyələnə bilərsiniz. Yaşam təcrübənizi, biliklərinizi artırın.

Axşam saatlarını ailə üzvlərinə həsr edin.

Buğa - ciddi iş planlaşdırmayın: bu gün işdəki vəzifələrinizi unudub yeni təəssürat dalınca düşməyə meyllisiniz. Məntiqlə sağlam düşüncə sizin hətta ötəri həvəslərinizə davam gətirmir. Ciddi xərclər mümkündür.

Vədlərinizi unudaraq sizə güvənən insanı pis vəziyyətdə qoya bilərsiniz. Bu səbəbdən ətrafdakılarla münasibətlərdə ciddi problemlər yarana bilər, mübahisə və münaqişələr mümkündür. Axşama doğru səhhətiniz pisləşə bilər. Yuxusuzluqdan əziyyət çəkə bilərsiniz.

Əkizlər - yeni gün uğur vəd edir. Kommersiya və biznes işlərində ciddi irəliləyiş istəyirsinizsə, hər deyilənə qulaq asmayın. Sərvaxt, huşyar olun. Faydalı əlaqələrin sayını artırın. Yeni dostlar işlərinizdə yardımçı ola bilər.

Günün ikinci yarısında proseslərin fəal iştirakçısı olmayın. Donuq müşahidəçiyə dönməyin. Zahiri görünüşünüzə fikir verin. Maraqlandığınız şəxsin dediklərinə qulaq asın.

Axşam saatlarında normal istirahət etməyə çalışın.

Xərçəng - tapşırıqları və sifarişləri vaxtında yerinə yetirin. Kollektiv fəaliyyətdə mümkün qədər irəliləməyə can atın. Bilik və bacarıqlarınızı nümayiş etdirin.

Günün ikinci yarısında yeni tanışlıq istisna deyil. Əlaqələrlə təmaslardan bəhrələnin. Dostlarınızla həmfikirlərin məsləhətlərini qulaqardına vurmayın.

Sayıq, ehtiyatlı olun. 

Çətinliyə düşmüş tanışa yardıma tələsin.

Şir - cazibədarlığınız sayəsində çox şeyə nail olursunuz. Ətrafınızdakılar sizinlə işləməyə həvəslənir, bunu gizlətmirlər də. Siz isə kimi seçəcəyinizə qərar vermirsiniz. Həm işgüzar, həm də şəxsi məsələləri həll etmək olar. Çox zaman idarə olunduğunuzu anlamasanız da, düzgün qərarlar verir və düzgün davranırsınız.  

Ancaq problemlər də var. Bunlar, əsasən, sizin müəyyən həzzlərə can atmağınız sayəsində yaranır, həvəsiniz güclü və təhlükəli ola bilər.

Qız - günün ilk yarısı yorucu, usandırıcı təsir bağışlaya bilər. Buna rəğmən, situasiyadan məhsuldar şəkildə yararlanın. İmkanlarınızın və potensialınızın reallaşması üçün əlverişli şəraitdir.

Günün ikinci yarısında böyük layihəyə başlamaq olar. Məqsədə doğru hərəkətdə orijinal taktikadan istifadə edin. Peşəkar fəaliyyət müstəvisində istənilən innovasiya xeyirlidir.

Axşam saatlarında normal istirahət edin.

Tərəzi - fantaziyanıza güc versəniz, dolğun, maraqlı və parlaq gün olacaq. Yaradıcı potensialınız yüksəkdir. Demək ki, nə özünüz, nə ətrafınızdakılar darıxmağa imkan tapmayacaqlar. Üstəlik, dostlarınız gözlənilmədən sizə baş çəkə bilərlər. Darıxdığınız insanlarla görüşə bilərsiniz. Ola bilsin ki, bir vaxtlar ürəyinizə hakim kəsilmiş insan da özü barədə xatırlatsın.

Vacib məlumat alırsınız, faktların üstü açılır, bunlara nəzərən düzgün nəticələrə gələcəksiniz. Xoşunuza gəlməyən şeylərdən qaçmayın - bütün sahələrdə reallığın üzünə baxmaq vacib və faydalıdır.

Əqrəb - əvvəlki günlərdən fərqli olaraq daha asudə və sərbəst davrana bilərsiniz. Əhvalınız pis olmayacaq. Problemləri nikbinliklə həll edin. Yaşam və ya fəaliyyət şəraitini dəyişmək olar.

Günün ikinci yarısında risk edin, amma avantüralara qatılmayın. Qərarınızı reallaşdırmağa başlayanda bütün şərtləri nəzərə alın.

Günün ikinci yarısı qəfil, romantik tanışlıq vəd edir. Köhnə dostlardan biri ilə görüşəcəksiniz.

Oxatan - cari problemləri unutmayın, onların həllini təxirə salmayın. Maliyyə məsələlərində və şəxsi münasibətlərdə yarımçıqlıq sindromuna qapılmayın.

Vaxtınızı xoş keçirmək istəyiniz fəaliyyətinizə mane olmamalıdır.

Günün ikinci yarısında bilik və bacarıqlarınızdan maksimum istifadə edin.

Epatajlı davranış modelini seçməyin. Parlaq imiciniz yeni faydalı əlaqələr yaratmağa imkan verəcək.

Axşam saatlarında dost yardımı və ya məsləhət birmənalı olmayan situasiyanın çözülməsində dadınıza çatacaq.

Oğlaq - danışıqlar vasitəsilə istənilən problemi həll etmək olar. Çalışdığınız kollektivdə effektiv əməkdaşlıq mühitinin yaranmasında iştirak edin. Aldığınız məlumatları yoxlayın. Hər sözə inanmayın.

Günün ikinci yarısında sizi narahat edən suallara cavablar tapa biləcəksiniz.

Gərəkli çevrələrdə lazımi əlaqələri bərpa edin. Vədləri unutmayın, onları yerinə yetirin.

Axşam saatları harmonik söhbət və xoş anlar bəxş edəcək.

Dolça - günün ilk yarısı yaxşı başlayacaq. Nikbin olun, kiçik problemlərə və maneələrə izafi fikir verməyin. Diqqətinizi əsas məsələlərə yönəldin.

Günün ikinci yarısı yarımçıq işləri başa vurmaq üçün əlverişlidir. Yaxşı tanımadığınız insanlarla ünsiyyətdə sözlərinizə fikir verin. Hisslərinizi aşkar söyləməyin.

Təmkinli davranın.

Axşam saatlarında yeni tanışlıq, münasibətlərin aktivləşməsi istisna deyil.

Balıqlar - ağır zəhmətə, intensiv fəaliyyətə hazır olun. Məişət qayğıları və problemlərin sayının artması əhavalınızın pozulmasına, səhhətinizdə fəsadlar yaranmasına səbəb olmasın.

Ani hissələrə qapılaraq süstlük etməyin.

Günün ikinci yarısında nikbin davranın, yaxın ətrafınızdakı insanların dediklərinə qulaq asın. Önəmli görüş, işgüzar müzakirə, yeni layihənin başlanması üçün əlverişli zamandır. 

Axşam saatlarında evə qonaq gələ bilər. Vaxtınızı şən və maraqlı keçirin.

Ölkə.Az

ŞƏRH YAZ
0

Milyonlar qazandıran oyuncaq — Slinky

Milyonlar qazandıran oyuncaq
23:00
20.01.2019
16677
Maraqlı
A
Zamanında uşaqların ən çox sevdiyi məşğuliyyətinə çevrilən oyuncaq. Sippiner (stress çarxı) qədər məşhur olan Slinky oyuncağının tarixinə nəzər yetirək. Olduqca sadə görünən bu oyuncaq dəniz mühəndisi Richard Thompson James tərəfindən XX əsrin 40-cı illərinin əvvəllərində kəşf olunub. 1943-cü ildə Riçard hərbi dəniz gəmilərində gəmi alətlərinə nəzarətdə çalışırdı. Əlində olan yay təsadüfən yerə düşür və onun necə əyildiyi, hərəkət etdiyi Riçardın diqqətini çəkir. Bununla da ağlına belə bir oyuncağı-Slinkyni yaratmaq gəlir.

"Ölkə.Az" biznesmen.az-a istinadən bildirir ki, o, 500 dollar borc alaraq, yay hazırlayan maşınların təkminləşdirilməsi ilə məşğul olur. "James Spring & Wire Company" adlı şirkəti qurur və Slinkynin kütləvi istehsalına başlayır. Oyuncağın adı isə arvadı Betty James tərəfindən qoyulur. Slinky-şəffaf və zərif anlamını daşıyır.

ABŞ-ın Pensilvaniya ştatının rəsmi oyuncağı olan Slinkynin satışından 250 milyon dollardan çox gəlir əldə edilir.Doxsan dəqiqədə 400 ədəd satılır. 2002-ci ildə Slinky Pensilvaniyanın rəsmi oyuncaq oyunçusu olur və 2003-cü ildə "Əsrin Oyuncaq siyahısı" adına layiq görülür. İlk 60 ildə Slinky 300 milyon ədəd satılır.

1960-cı ildə Riçard Ceyms həyat yoldaşındna ayrılır. Bolivyadakı "Wycliffe Global Alliance" adlı ittifaqa qoşulur. Şirkətin baş icraçı direktoru(CEO) vəzifəsini Betty James icra edir. Riçard 1974-cü ildə 60 yaşında Boliviyada dünyasını dəyişir.

2001-ci ildə oyuncaq sənayesinə verdiyi töhfəyə görə Bettinin adı  "Toy Industry Hall of Fame"ə daxil edilir. 2008-ci il 20 noyabrda Pensilvaniya Universitetinin xəstəxanasında 90 yaşında ürək çatışmazlığından vəfat edir.
Vyetnam müharibəsi zamanı ABŞ əsgərləri Slinkydən radio antenaların diapazonunu artırmaqda yararlanıblar. Slinkydən NASA-nın kosmik tədqiqatları zamanı da istifadə olunur. 1945-ci ildən indiyə qədər Slinkynin hazırlanması üçün 50.000 tondan çox məftil istifadə olunub ki, bu da ekvatoru 121 dəfə dövr etməyə bərabərdir. Reklam tarixinin ən uzun mahnısı da Slinkiyə aiddir.

Ölkə.Az

ŞƏRH YAZ
0

Dəridə baş verən xəstəlik — Xüsusi pəhriz seçimi

Dəridə baş verən xəstəlik
22:42
20.01.2019
7724
Maraqlı
A
Kuperoz dəri örtüyündə qan dövranının pozulması ilə səciyyələnən damar divarının zəifliyi nəticəsində yaranan xəstəlikdir və ondan əsasən xarici təsirlərə daha çox reaksiya verən bəyaz və həssas dərili qadınlar əziyyət çəkirlər. Kapilyarlarda qan dövranının durğunluğuna səbəb olan bir sıra amillərin təsiri onun yaranması ilə nəticələnir. Həmin amillərə siqaretçəkmə, iti və çox isti qida, qızdırmanı salan preparatlar, ultrabənövşəyi şüalar və birmənalı disbalans aid edilir, -deyə Bakı şəhər 1 nömrəli dəri-zöhrəvi xəstəxanasının həkim-dermatoloqu Həsən Həsənov söhbət açır. O, xəstəliklə əlaqədar dermatoloq məlumat verərək deyib: "Həmçinin dəri örtüyündə qan dövranının pozulması genetik meyilliyin nəticəsi ola bilər. Xəstəliyin əsas əlamətləri qaşınma, yandırma, bəzən dəri qızartısı və onun iltihabı sayılır. Qızartılar şəklində təzahürlər bir qayda olaraq həmcins olur. Yanaq, burun, çənə və alın nahiyəsində yerləşir, damarlı ulduzlar, genişlənmiş kapillyarlardan ibarət torlar şəklində nəzərə çarpır. Terapevtik tədbirlərin aparılmaması xəstəliyin inkişafı və əlamətlərinin təzahürünün intensivliyi ilə səciyyələnir.

"Ölkə.Az" azərtac-a istinadən bildirir ki, dəri vəziyyətinin pisləşməsi kuperozun ağırlaşmasından xəbər verir. Xəstə dəri zaman keçdikcə daha çox nazikləşir və maye itkisi səbəbi ilə quruyur. Mayenin daxil olmasına isə qan durğunluğu mane olur. Qan dövranının pozulması oksigen və qida maddələrinin çatışmazlığı ilə nəticələnir, üzün sağlam rənginin itməsi və dərinin solğunluğu ilə təzahür edir. Adekvat müalicə aparılmadıqda prosesin sürətli inkişafı müşahidə olunur və nəticədə üz dərisinin erkən qocalması baş verir.

Kuperozun müalicəsi xəstəliyin mərhələsindən asılı olaraq təyin olunur və bəzən xüsusi kosmetik prosedurlarla məhdudlaşır. İnkişafın erkən mərhələlərində müalicə vaxtı bəzən dərinin damarlarına təsir edən və xəstəliyi aradan qaldıran maska, tonik kimi vasitələrin tətbiqi kifayət edir. Həmin tədbirlər həmçinin qan dövranı pozulmasının daha ağır mərhələlərinin müalicəsindən sonra köməkçi prosedur kimi lazım gəlir. Daha səmərəli və müasir müalicə metodlarına fototerapiya, ozonoterapiya, lazer terapiyası və kimyəvi pilinqdir.

Həmin üsullar kapilyarların divarlarının möhkəmlənməsinə imkan yaradır, qızartıları azaldır, həmçinin dəri örtüyünün elastikliyini artırır. Onlar dərinin rəngini yaxşılaşdıraraq və onu cavanlaşdıraraq vəziyyətə müsbət təsir göstərir. Prosedurlar keçiriləndən sonra müalicə effekti və tam sağalma 2-3 həftədən sonra baş verir.

Kuperozun müalicəsinin mümkün və müasir üsullarından biri də incə iynəni genişlənmiş damarlara daxil etməklə elektrik cərəyanı vasitəsilə elektrokoaqulyasiya edilməsidir. Həmin təsir nəticəsində funksiyaları pozulmuş damarın dağıdılması baş verir. Xəstəlik çox geniş yayılmayanda həmin üsul daha münasib sayılır. Hər hansı narahatlığın olmaması ilə səciyyələnən səmərəli prosedur xüsusi klinikalarda aparılan lazer sklerozlaşmasıdır. Kuperozun müalicəsi həyat tərzinin dəyişilməsi, qidalanmanın normallaşması və xüsusi pəhriz seçimi ilə bərabər aparılmalıdır. Həkimin peşəkarlığı, xəstənin bütün müalicə və profilaktik tövsiyələrə riayət etməsi müsbət nəticəyə aparıb çıxarır. Maksimal səmərə üçün xəstəliyin müalicəsini ixtisaslaşmış mütəxəssisə etibar etmək son dərəcə əhəmiyyətli məsələdir.

Ölkə.Az

ŞƏRH YAZ
0
BAĞLA