Çeçenlərlə azərbaycanlılar görüşdülər — VİDEO

Çeçenlərlə azərbaycanlılar görüşdülər
10:54
16.02.2019
13786
Dünya
A
Fevralın 14-də Rusiyanın paytaxtı Moskva şəhərində azərbaycanlılarla çeçenlər arasında yaranmış qalmaqaldan sonra məsələyə münasibət bildirilib.

"Ölkə.Az" BAKU.WS-ə istinadən xəbər verir ki, Moskvada toplaşan hər iki tərəfin nümayəndələri azərbaycanlılarla çeçenlər arasında heç bir ədavətin olmadığını bəyan ediblər. 

Çeçenlərin nümayəndəsi törədilən hadisələri təxribat adlandırıb və hər iki tərəfi bu təxribata uymamağa çağırıb.

"Moskvada minlərlə çeçen və azərbaycanlı dostluq edir. Onlar birlikdə işləyirlər, bir-birilərinə etibar edirlər. Azərbaycanlılarla çeçenlər yaxın qardaş kimi birləşiblər. Bütün azərbaycanlılara bildirmək istəyirəm ki, onlar narahat olmasınlar. 

Ola bilər ki, aramızda hansısa anlaşılmazlıq və problem olub. Həmin problemi hansısa kompüter arxasında oturan dələduz götürüb paylaşıb və həmin hadisəni şişirdib. Bununla da, həmin şəxslər təxribat yaratmaq istəyirlər. 

İstəyirəm bildirib ki, biz dostuq, çeçen və azərbaycanlılar qardaşdırlar. Heç kəs bizim azərbaycanlı qardaşlarımızı təhqir edə bilməz və buna haqları yoxdur. Heç kim də, heç vaxt bu əmələ haqq qazandırmır. 

Həmçinin həmin insidentdə iştirak edən azərbaycanlılara səslənmək istəyirəm. Hansısa çeçeni videoya çəkib, yaymaq provakasiya yaratmaqdır.

Biz hər gün görüşürük, çörək yeyirik. Buna hörmət etməliyik. Arada yaranmış şəxsi münasibətlərə görə azərbaycanlılarla çeçenlər arasında qalmaqal yaratmaq olmaz. Şəxsi problemləri aranızda həll edin. 

Bütün çeçenlər azərbaycanlıları təhqir edən həmin şəxsi və həmin çeçenin videosunu yayan şəxsi də qınayır”, - deyə həmin şəxs bildirib. 

Ölkə.Az

ŞƏRH YAZ
0

Leyla Əliyevanın təşəbbüsü ilə Moskvada “Qanın milliyyəti yoxdur” adlı xeyriyyə aksiyası keçirilib — FOTO

Leyla Əliyevanın təşəbbüsü ilə Moskvada “Qanın milliyyəti yoxdur” adlı xeyriyyə aksiyası keçirilib
23:04
18.04.2019
239
Dünya
A
Heydər Əliyev Fondunun vitse-prezidenti Leyla Əliyevanın təşəbbüsü ilə aprelin 18-də Moskvada “Qanın milliyyəti yoxdur” adlı xeyriyyə aksiyası keçirilib.

"Ölkə.Az" azərtac-a istinadən xəbər verir ki, Rusiya Azərbaycanlı Gənclər Birliyinin (RAGB) təşkilatçılığı və İ.M.Seçenov adına Birinci Moskva Dövlət Tibb Universitetinin dəstəyi ilə keçirilən aksiya İ.M.Seçenov adına Moskva Tibb Akademiyasının kliniki transfuziologiya və hematologiya kafedrasında baş tutub.

Bu il də aksiyaya azərbaycanlı tələbələrlə yanaşı, Rusiya paytaxtında təhsil alan digər millətlərdən olan tələbələr qoşulub.

Rusiya Azərbaycanlı Gənclər Birliyinin İdarə Heyətinin üzvü, tibb elmləri namizədi Samir Əliyev jurnalistlərə bildirib ki, RAGB-nin sədri Leyla Əliyevanın təşəbbüsü ilə bu aksiya artıq 10-cu ildir ki, keçirilir. Samir Əliyev qeyd edib ki, xeyriyyə aksiyasının donorları qan verərkən həm öz sağlamlıqları barədə məlumat əldə edir, həm də qana ehtiyacı olan insanlara yardım göstərirlər.

Birinci Moskva Dövlət Tibb Universitetinin Qan Mərkəzinin rəhbəri, tibbi elmləri doktoru, professor Əliheydər Rəhimov Heydər Əliyev Fondunun vitse-prezidenti Leyla Əliyevanın təşəbbüsü ilə keçirilən bu aksiyanın artıq ənənə halı aldığını vurğulayaraq deyib: “İl ərzində RAGB tərəfindən bir neçə dəfə qanvermə aksiyaları təşkil olunur. Bu xeyriyyəçilik aksiyasının təşkilinə görə, Qan Mərkəzi kollektivi adından Leyla Əliyevaya təşəkkürümü bildirmək istəyirəm”.

“Qanın milliyyəti yoxdur” aksiyası təkcə Moskvada deyil, Rusiyanın başqa regionlarında da təşkil edilir. Hər il bu aksiyada minlərlə gənc iştirak edir.

Ölkə.Az

ŞƏRH YAZ
0

Sərnişinləri avtobusdan endirib güllələdilər — Pakistanda dəhşət

Sərnişinləri avtobusdan endirib güllələdilər
19:34
18.04.2019
556
Dünya
A
Pakistanın Bəlucistan vilayətində dəhşətli hadisə baş verib.

“Ölkə.Az” xəbər verir ki, silahlı şəxslər avtobuslardan endirdikləri sərnişinləri güllələyiblər. İnsident nəticəsində ən azı 14 nəfər ölüb.

Əyalətin daxili işlər naziri Heydər Əli bildirib ki, hücumçular 20 nəfərdən çox olublar. Onların əynində “Cəbhə birlikləri” adlı qruplaşmanın uniformaları olub.
Məlum olub ki, silahlılar Makran şossesində Karaçidən Ormara şəhəri istiqamətində hərəkət edən dörd avtobusu saxlayıb 14 sərnişini öldürüblər. Ölənlərin hamısı pakistanlıdır və aralarında iki hərbçi də olub. Hücumçuların tapılması istiqamətində genişmiqyaslı əməliyyata start verilib.

Hikmət Həsənov
Ölkə.Az

ŞƏRH YAZ
0
BAĞLA