Cəhənnəmə açılan qapı Antarktidadadır

 “Ölkə.Az” bu gün oxucularına Cəhənnəm açılan qapı adlandırılan Antarktida barədə maraqlı faktları təqdim edir.

Üç tapmaca

Bu kəşf amerikalı virtual arxeoloq Cozef Skipperə məxsusdur. Adətən o, Mars və Ayda “qazıntılar” aparır. NASA və digər kosmik agentliklərin rəsmi səhifələrindəki fotolarda müxtəlif maraqlı məqamlar tapır. Onun kolleksiyasında qumanoidlərin kəllə sümüyü və sümüklərinə bənzər fotolar var.
Bu dəfə arxeoloq Antarktida ilə maraqlanıb. O, buzlu qitədə üç qəribə nöqtə-dəlik, “uçan boşqab” və göl kəşf edib.

Yerdə Mars

Antarktida Marsdan çox da fərqlənmir. Sadəcə oksigen miqdarı çoxdur, soyuq isə eynədir. Bəzi yerlərdə tempratur mənfi 90 dərəcəyə çatır. Prinsipal fərq birdir-Antarktidada insanlar olsa da, Marsda olmur. Amma bu demək deyil ki, buzlu qitə Qırmızı planetdən yaxşı tədqiq olunub. Burada da, orada da kifayət qədər sirr var.

Biz Marsda həyatın olduğunu bilmirik. Antarktidada bir neçə kilometrlik buz qatının altında nə olduğu naməlumdur. Səthində nələrin baş verdiyi barədə isə çox az məlumatlıyıq.

Hitler burada gizlənib

Məlumdur ki, Antarktida ilə nasistlər də maraqlanıb. Buraya bir sıra ekspedisiyalar göndəriblər. Hətta Kraliça Mod Torpağı rayonunda geniş ərazini alıblar və Yeni Şvabiya adılandırıblar. 1939-cu ildə almanlar burada buzdan təmizlənmiş 40 kvadrat kilometrlik ərazi kəşf edirlər. Mülayim iqlimi və çoxsaylı donmayan gölləri olan ərazini Şirmaxer oazisi adlandırdılar.

Rəsmi versiyaya əsasən, Üçüncü Reyx Antarktidada balina ovlayan donanmasının mühafizəsi üçün baza tikib. Amma bəzi ehtimallara görə, məsələ fərqlidir.

Deyilənlərə görə, Tibetə ekspedisiya zamanı nasistlər öyrəndilər ki, Antarktidanın daxilində nəsə var. Bu, nəsə isti və geniş zolaqlardır. Onlarda da yadplanetlilərdən və ya nə vaxtsa orada yaşamış qədim sivilizasiyadan qalıqlar var. Bəziləri isə Antarktidada Atlantidanın olduğu deyilir. Nəticədə ötən əsrin 30-cu illərinin sonunda alman sualtı qayıqları buzlarda gizli keçiş tapdılar. Onlar sözügedən boşluqlara girdilər.
Sonra artıq fikirlər haçalanır. Bir versiyaya görə, almanlar buzun altında şəhər inşa etdilər. İkinci versiyaya görə, yerli sakinlərlə razılaşaraq orada yaşamağa başladılar.

1945-ci ildə Hitler və Eva Braun da buraay aparılıb. Onlar sualtı qayıqla 8 digər sualtı qayığın müşayəti altında Antarktidaya gediblər. Bəzi versiyaya görə 1971, bəzisinə görə 1985-ci ilə qədər yaşayıblar.

Bəziləri isə uçan boşqabları da Üçüncü Reyxin adına bağlayırlar. Guya almanlar Antarktidada bu uçan aparatları icad ediblər.

Qəribə qəribəliklər

Qütb yadplanetliləri və almanlar barədə əfsanələrə nəsə ciddi yanaşmaq olar. Bəs dəlik, “uçan boşqab” və gölə nə deyək? Cozef bunları belə açıqlayır. Dağdakı dəlikdən “uçan boşqab” çıxır və havaya uçur. Ola bilər ki, bu, yadplanetlilərdir. Aparatlar Antarktidanın isti boşluqlarında yaşayan canlılara məxsusdur.

Göl isə bu isti boşluqları sübut edir. Ümumiyyətlə, Antarktida qəribə yerdir.

Bu qitənin sahəsi 14 milyon kvadrat kilometrdir. Bütün qitə demək olar ki, buzla örtülüdür. Bəzi yerlərdə buzun qalınlığı 5 kilometrdir. Onun altında nə olduğu isə məlum deyil.

Çin, Böyük Britaniya və Yaponiyadan olan alimlər “Nature” jurnalında 4 illik təcrübənin nəticələrini açıqlayıblar. Onlar 4 il ərzində Antarktidanın ən sərt ərazilərini gəziblər və radardan keçiriblər. Nəticədə 900 kvadrat kilometrlik ərazinin relyef xəritəsi hazırlanıb. Məlum olub ki, qitə əvvəllər buzlu olmayıb. 34 milyon il əvvəl Antarktidada yaşıl dağlar və dərələr olub.

Amma nəsə baş verib. Alimlər 2400 metrlik zirvədən buzun yayıldığı yeri tapıblar. Vaxt keçdikcə buz bütün qitəni tutub və bir neçə iri gölü buz qatı altında gizlədib.

Edinburq universitetinin alimi Martin Zayqert ekspedisiyada iştirak edib və əmindir ki, Antarktida dağlarında hələ də donmuş bitkilər və kiçik ağaclar qalıb...

Hikmət Həsənov
Ölkə.Az