Cəlilabad sakini qohumları tərəfindən döyülüb

Cəlilabad sakini qohumları tərəfindən döyülüb
00:14
13.01.2019
2963
Hadisə
A
Cəlilabadda döyülmə hadisəsi baş verib.

“Ölkə.Az” “Report”a istinadən xəbər verir ki, hadisə rayonun Göytəpə şəhəri ərazisində qeydə alınıb.

Şəhər sakini, 1976-ci il təvəllüdlü Ağaməliyev Alxas Məhəmmədəli oğlu qohumları tərəfindən döyülüb. Yaralı xəstəxanaya yerləşdirilib.

Hadisənin başvermə səbəbi hələlik məlum deyil.

Faktla bağlı araşdırma aparılır.

Ölkə.Az

ŞƏRH YAZ
0

Zığ qəsəbəsində uçqun baş verib — VİDEO

Zığ qəsəbəsində uçqun baş verib
23:24
Bu gün
318
Hadisə
A
Suraxanı rayonu, Zığ qəsəbəsində sürüşmə sahəsində aktivlik müşahidə edilir.

"Ölkə.Az" xəbər verir ki, bunu Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov ''Xəzər Xəbər''ə bildirib.

O deyib ki, ərazidə sürüşmə gərginliyinin artmasının əsas səbəbi son günlər yağan intensiv yağışlardır.

Əziz Qaralov bildirib ki, sürüşmənin intensivliyini artıran digər amil kanalizasiya sularının torpaq üzərinə axıdılmasıdır. Bu səbəbdən Zığ qəsəbəsində sürüşmə sahəsində aktivləşmə müşahidə edilir və uçqunlar var.

Qəsəbə ərazisində uçqun hadisələrindən biri də Hətəm Allahverdiyev küçəsində qeydə alınıb. Sözügedən küçədə torpaq qatı sürüşərək vətəndaş Səhrayə Həsənovaya məxsus həyət evindəki su hovuzunun üstünə tökülüb. Hadisə nəticəsində xəsarət alan olmasa da, həyətdə olan tikiliyə ziyan dəyib. Evdə isə yaranan çatlar böyüyüb.

Məsələ ilə bağlı Suraxanı rayonu, Zığ qəsəbə inzibati ərazi dairəsi üzrə icra nümayəndəliyindən bildirilib ki, məsələdən xəbərdardırlar. Sabah həmin ünvana texnika göndəriləcək və torpaq təmizlənəcək.

Ölkə.Az

ŞƏRH YAZ
0

Mingəçevirdə mübahisə zamanı qan töküldü

Mingəçevirdə mübahisə zamanı qan töküldü
23:07
Bu gün
288
Hadisə
A
Mingəçevirdə bıçaqlanma hadisəsi baş verib.

"Ölkə.Az" APA-ya istinadən xəbər verir ki, hadisə axşam saatlarında qeydə alınıb.

Kimliyi hələlik müəyyənləşdirilməmiş gənc şəxsi münaqişə zəminində bıçaqlanaraq xəstəxanaya yerləşdirilib.

İlkin məlumata görə, yaralı kişi tanıdığı şəxs tərəfindən bıçaqlanıb.

Faktla bağlı araşdırmalara başlanılıb.

Ölkə.Az

ŞƏRH YAZ
0
BAĞLA